سولندا :

الجزء السادس الوقت يمر ببطء جهزنا كل شي من حلويات وقهوة بخرت البيت وانا بس اسبح وادعي رب اني لما انزل الي من خير فقير يارب سهل يا مسهل الامور رب اكفني اعين الحاسدين ومكر الماكرين ونميمة النامين رب ارني الحق حقا وارزقني اتباعه وارني الباطل باطل وارزقني اجتنابه اللهم انزل السكينة والهدوء على مجلسهم لدرجة اني حصنت المجلس بالمعوذات من الشيطان الرجيم لا يدخل بينهم جا العريس ومعاه قريبه جلسوا شوي بعدين خرج اخوي الصغير مع قريبه وفضل هو واخوي الكبير وانا وامي في غرفة النوم ما تكلمنا ولا كلمه تطل فيا وتقولي خير ان شاء الله وتسبح وتدعي وتستغفر وانا نفس الشي مر الوقت اثقل من الهم على القلب شوي اسمع اخوي يزعق بصوت عالي بنادي اخوي انه يجي لان العريس بيخرج انا وامي جالسين في الغرفة نطل في بعض اتاخروا شويه بعدين سمعت اخوي الكبير يزعق في الصاله واخوي يجره انه يدخل عندنا دخل اخويا والشرر يتطاير من عيونه قال لامي يبغ يملك بكره وياخدها معاه الفندق لانه ديحن ما عنده استعداد يشوشر على نفسه ومو فاضي يأثث أي بيت طبعا يملك بدون زينه بدون فرح بدون جهاز على قوله هادي كلها امور من الاسراف والمظاهر احسن شي البساطه وهو شخصيا زوج بناته كده في بيتهم وخلال مده قصيرة وقاله فكروا واستخيروا وردوا لي سالوني رأيي بدون تفكير قلت لهم : يتبـــــــــــــــــــــع

الجزء السادس الوقت يمر ببطء جهزنا كل شي من حلويات وقهوة بخرت البيت وانا بس اسبح وادعي رب...

سولندا :

الجـزء السابع سالوني رأيي بدون تفكير قلت لهم : لا طبعا يتزوجني زي كل ما البنات ما ببيتزوجوا ملكه ومهر واجهز وبعدين اسوي فرح لو مختصر في قاعه صغيرة بس كده لا اخوي الكبير هو وامي حسيتهم ارتاحوا لقراري اخوي الصغير قالي اذا اتصل عليكي او ارسل لك رساله لا تردي عليه خلاص قلت له طبعا الحمد لله ربنا انزل السكينه على قلبي والهدوء والعقل وكل الامور وضحت قدامي اتصلت اختي قلت لها كده كده الحكاية قالت لي ان اخويا الكبير دق على جوز اختي وحكاه طلع العريس المحترم الا يخاف الله ومشهود له بالاخلاق الفاضله والتدين ( انه يبغى يملك عليا وياخدني الفندق معاه شهر شهرين ثلاث واذا ما ارتحنا يرجعني لبيت اهلي ) تخيلوا في حقاره اكثر من كده طبعا اخويا ما قال هادا الكلام قدامي عشان شعوري وانا والله قلبت الموضوع بضحك عشان يرتاحوا جلست مع امي واخويا وكل شويه يسألوني ماانت زعلانه ما انتي مضايقه وانا اقول لهم لا والله بالعكس والله اني ارتحت ان ربنا كشفه قبل ما تيطح الفاس في الراس قالت لي الوالدة انها حلمت حلم برجل تخين ولابس اسود ومغطي راسه بشال اسود وجنبه واحد يبغى يجلسه وهو مو راضي الين ما جلس على الارض ووجه تحول لوجه ذئب وبعدين شافت شنطه مطلعه ناااااار كثيرة جنبه وفار صغير جالس يدور حوله قمت صليت الوتر وانا الحمد لله مرتاحه وقرأت سورة ياسين بس جلست ابكي شويه حزنت على فرحتي وفرحت اهلي الا راحت حزنت على الدنيا الا ما عاد فيها امان حزنت على الناس والشر الا بداخلهم ربنا يكفينا شرهم شوي الا ويدق جوالي رساله منه يبغى يطمن على الوضع وعلى رايي طبعا مارديت اتصل يتبــــــــــــع [/B][/SIZE][/CENTER]

الجـزء السابع سالوني رأيي بدون تفكير قلت لهم...

سولندا :

الجزء الثامن اتصل قفلت الجوال تصدقوا على قد ما كنت زعلانه قبلها بيومين لما شككوا في اخلاقه على قد ما قلبي ارتاح والله ما تتخيلوا الحمد لله الراحه حتى اني نمت نووووووووم وقايمه مرتاحه وفايقه ولا زعلانه ولا مفكره بشي فتحت جوالي لقيت اكثر من 4 اتصالات منه خسرته طبعا وقريبه نفس الشي طفش جوز اختي اتصالات وما يرد عليه جوز اختي كلم اخويا وقله انت لا ترد عليه زي ما كان ما يبغ يكلمك انا الا جبته وانا الا ارده الين اليوم رد عليه وقاله ترا البنت ما وافقت وما تبغى كده تبغى تفرح وتعلن الزواج احنا كمان خفنا على اخواني لا يأذيهم ولا ينقلهم من اعمالهم ربنا يكفينا شره يارب آآآآآآآآآآآآآآه رد عليه قريبه قاله طيب لو رجع بشرطكم بتوافقوا قاله لا خلاص البنت انصدمت بعد ما فرحت واشترت فستان وحضرت نفسها يطلع كده خلاص ما تبغى قالت لي اختي الكلام هادا وانا عادي عندي بس كان نفسي اكلمه واعرفه احنا مين لا بفكر انه اتغرينا بماله ولا منصبه لا والله يعلم وشاهد عل مااقول انه فرحت لانه انسان ملتزم ووقور وكبير في السن بيصونني في عيونه بس طلع انسان تافه وحقير ومنافق الله يكافيه على حسب نيته السوده ارسل لي رساله لما صحيت من النوم لقيتها اقرؤوها يتبـــــــــــع :

الجزء الثامن اتصل قفلت الجوال تصدقوا على قد ما كنت زعلانه قبلها بيومين لما شككوا في...