بسم الله الرحمن الرحيم
اخواتي حبيت جداا المنتدى والروح الحلوة بينكم
حبيت اطرح لكم قصتي وحابه اشوف ارائكم ونصايحكم
والله اكتب لكم وانا خايفه حد يعرفني ويعرف قصتي لكن على الله ابغا استشيركم
انا خواتي تزوجت وعمري 22 سنه من رجال عمره 45 مو سعودي متزوج وعليه عيال مرته وعياله واهله كلهم براء السعوديه (عارفه بتقولون ليه تاخذي واحد متزوج بس هذا النصيب والله كنت اوافق وانا ابكي قدري ياخواتي )
المهم
كان معي اول شهرين زين وبعدها تغير غلط وسب وبخل وهجران ويزعل على اتفه الاسباب ولابيت ولا اثاث مثل الناس مع ان حالته تسمح بس هو ماكان ناوي يكمل لدرجه انه قالي بعد اربع خمس ايام من زوجنا انه ماراح ياثث البيت يمكن يصير شي ولا شي بس انا طنشت يقصد انفصال يعني يذلني بالجوال بكل شي حتى المهرالتافه الي دفعوه
بس كنت خلاص حامل لاني ولله الحمد حملت بسرعه بعد اول شهر زواج
المهم حاولت اكمل معه لحد ماولدت وجبت بنتي وجلست خمس اشهر بعدها ارضعها مو راضي يودني عند دكتورة اخذ اي شي منع للحمل طبعا بخل
لحد ماحملت مره ثانيه ولا رضي يودني اتابع مع الدكتورة وكنت تعبانه جداا لحد ماجاتني ولاده مبكرة مدري الشهر السادس مدري والله وجبت ولد عاش يوم ومات الله يرحمه
بعدها حاولت اكمل معه شهر ماعاد قدرت ورحت عند اهلي في منطقه غير منطقته ولو اقولكم كيف وداني وويش سوى ماتصدقون المهم خواتي رحت عند اهلي
وكان عندي استعداد اعيش معه علشان بنتي بس هو كان باااااااااااايع
وجلست على ذمته حوالي 9 اشهرويقول لناس ارسل لها فلوس تذكرة وترجع بس ماعاد تحمل ولا عاد تكلم اهلها
لكن كنت ارفض انا واهلي وبعدها طلق من نفسه ولا دفع لانفقه ولا مواخر ولامصاريف 9 شهور
طبعا مايصرف على بنته ولا يشوفها
الحين خواتي عمري 28 سنه صار لي عند اهلي تقريبا 3سنين وبنتي عمرها 3 سنين و6 اشهر
الحين انا خايفه ياخذ بنتي يوديها لدولة بعيده ويبخليها عند مرته وعياله لان اغلب عيشته هنا يروح عندهم كل 9 اشهر او 8 مدري هل يحق له اخذها ويسفرها ويخليها هناك مع انه ماصرف عليها ولان ماعنده اي اقارب هنا بالمملكه
ادعوا لي ولها على الاقل تعيش عند امي
جلست سنه وانا رافضه فكرت الزواج بس بعد ماتزوج اخوي غيرت راي
فابغا رائيكم تقدم لي واحد بعد متزوج عمره مناسب لي حوالي 39 على حسب كلام امه ان عيبه موسوس نظافه ومرته الاولى ماجابت له غير ولد وتقرب له
وانا مترددة اوافق لانه يعتبر افضل الي تقدموا لي بعد طلاقي لكن خااااااااايفه على بنتي
وخايفه من الفشل مره ثانيه
خاصه واقولكم الصراحه ماعندي الخبرة في تحمل المسوليه لان عندي امي تدلعني الله يخليها لي
وخااااااااااايفه من كل شي اجلس كذا ولا اتزوج
ويش رايكم وويش تنصحوني فيه
وانا لا موظفه ولا عندي اي دخل والوضع عائلي وسط ماشي الحال
انا فكرت ارفض بس خفت كل ماكبرت جات عروض لزواج ماهب كويسه يكون كبير في العمر عليه عيال كثير
ومدررررررررررررررري احترت وتعبت
بالنسبه لبنتي هو يقول والله باخذها علشان احرق قلب امها مع انه بيحطها هناك ولا راح يعيش معها بس يبغا يحرق قلبي
حسبي الله ونعم الوكيل
على فكرة ياخواتي انا واختي ندخل بنفس الاسم يعني لاحد يستغرب اذا قالت زوجي او شي زي كذا
انا توني سجلت باسم (روحي معك ياغاليه) بس مايسمح الا ب3 مشاركات في اليوم
سامحوني اذا فيه خطاء املائي او غيرة
ادعو لي ولبنتي ولاتحرموني من نصحكم ورائيكم
واعذروني الله لايوفقها لادنيا ولا اخره الي تنسخ الموضوع وتنقله لاي منتدى ثاني
والله يجزها الف خير الي تشور علي ولا ترفع الموضوع
دمتم بود
يلزم عليك تسجيل الدخول أولًا لكتابة تعليق.
الصفحة الأخيرة
ماحبيت اطلع بدون رد
ان شالله البنات يفيدونك لان انا والله ماعندي خبره باقي ماتزوجت
الله يفرج همك ويخليلك بنيتك يااااااااااااارب