قصتي ...اقروها واحكموا وساعدوني باستشارات زوجيه

الله يعينك ويساعدك

انا اقول اقعدي معه يوم بسهره رايقه وذكريه بالايام الي فاتت كيف كان التفاهم سائد وانك تبغي هذا الشي يرجع وشوفي ايش يقول

ذكريه ان فلوسك من حقك ولو امك طلبت مو لازم تعطيها لان هذا حق لك...

وخليك رايقه في الكلام

شوفي حبيبتي الرجال يمشي بالكلمه الطيبه انا عندي لك الحل واضح انك تحبينه وهو نفس الشي ان شاء الله

بس اسمعيني زين ... انتي ترسلين له رساله وتقولين له فيها يافلان والله غلاتك عندي تسوى فلوس الدنيا وانا احبك موت ومابي اخسرك تكفى يالغالي راجع نفسك شوف كيف كنا وكيف صرنا كنت احن الناس علي والان بديت تقسى ... حبيبي انا ماعندي مانع اعطيك بطاقتي بس ليش ياقلبي تعطيني باليمين وتبي تاخذ باليسار ليش تاخذ حق انت خليته من حقوقي
انا احب امك وحاولت اقرب منها بس ماقدرت لان امك ماتحبني ورغم كذا انا احبها بس انا ابي اعيش مع زوجي حبيبي حياه سعيده مابي مشاكل ابي ارتاح وابيك ترتاح لاتسمع لاحد اسمع لقلبك وعقلك ........

ومن هالحكي ياقلبي استخدمي عاطفتك معه ..... بس قبل تسوين شي انتي ادرى بزوجك هل ينفع معه كذا او لا انا مابي اخرب حياتك انا مجرد اقتراح يعني لو كنت مكانك اسوي كذا لان اعرف زوجي زين مايمشي الا بالكلام الحلو والله يعينك ويكتب لك اللي فيه الخير

اول شي: خليه يعطي امه الفلووس ولا انتي بنفسك مدي لها بطاقه الفلوس ماتعوضك عن زوجك،،<<تروح وتتعوض ان شاء الله..
ثـآني شي: مهمـآ سوت لاتبينين انك منقهره <<هالشي يقهرها ازيد ازيد امسكي نفسك مب عشانها عشان زوجك بس
وماتقوع زوجك مستهين بموضوع الطلاق ابد كلامه وهو معصب لاتحاسبينه فيه..

الله يعينك علي مـآبـلآكـ وويسر اموركـُ

والله هذي فلوسك وانت حره واذا بيطلقك عشان فلوسك ينقلع بس انت حاولي تفهميه وتحافظي على بيتك قد ماتقدري بس من غير ماتتنازلي عن فلوسك لأنه لوكان جاك بالطيب والله عادي لكن بالغصب ماينفع
وبعدين لازم تفهمي زوجك حياتك الزوجيه ماتكون مرتبطه بالفلوس ويهدد كمان
اكثري من الاستغفار حبيبتي والدعاء خاصه الدعاء اخر الليل والله يفرج كربتك حبيبتي

اول شي اوصيك وبقووة بالاستغفار والاستمرار عليه..

ثاني شي ودي اقول لك رجعي له فلوسه لانه وسخ دنيا لكني ما اضمن انها خطوة اولى لمخطط من امه او غيرها لانه ياخذ الفلوس ثم يطلقك فتنقهرين على الزوج والفلوس....عشان كذا اقول لك ارجعي لزوجك وتقربي منه وادعي الله في هالليلة المباركة ان يرد كيد كل من اراد بك شر في نحره...وربك ولي ذلك والقادر عليه..