احمدي ربك
اللحين بيرجعلك بحب صادق
لاتخربين على نفسك بالحزن والهم
ويقلب زياده دلع
استغلي رجوعه احسن استغلال
كوني سعيده
وترى غيره راح للحرام
على الاقل عاقل ماجاب لنفسه ولك بلا وامراض

حبيبتي هذا مو مسيار المسيار متأكده انه بعقد ومافيه زواج بدون عقد الا زنااااااا لايقعد يخرف على راسك الله حسيبه هو من عاونه واعانه

شوفي يا قلبي سماح لا تسامحينه

وقولي له ماسامحتك لكن أبي أعيش حياتي موب عشان عيال ولا غيره لا
عشان نفسي

يعني أول شي أشفطيه شفط ولا تحنينه أبد
وتراه يعطي المسيار كل شهر مبلغ لا تحسبينها متزوجته ببلاش

وأنت أولى منها
وأنشبي له بس بلباقه وكلام حلو وتعال تقهو وتعال كل معي هالحلى ثم على الفراش
يعني أجهديه من الناحية الجنسية
لا تقولين خلاص عافته نفسي ولا ما أقدر لازم تضغطين على نفسك مو شوي مره إذا تبين تكسبين في النهاية

والله شوفي أني لك ناصحه ولا تطلبين الطلاق بعد هالصبر 16 سنه ألحين تقولين أتطلق!!!

يوم راح عمرك وشبابك وش الفايده ألحين تطلقين ؟؟
لو تركتيه من البداية ممكن لكن ألحين شيلي هالفكرة من راسك

وأستعيني بالله وحاربي عشان حياتك وسعادتك مو عشانه هو

وإجابه على سؤالك هل فيه مسيار من غير عقد ؟؟

أيه فيه مو شفهي لا
لكن يصورون صفحه من الكتاب حق التمليك الي يصير مع المملك الشيخ على قولتهم
ويكتبون العقد فيه لكن ما يصدق من المحكمة

وأقسم باللذي خلقني أني أعرف شيخ يسوي كذا

بعض الرجال صاروا وصخييييين بشكل مقزز

بسم الله الرحمن الرحيم
اخواتي وحبيباتي غمرتوني بحبكم وعاجزه عن شكركم
من امس وانا متابعه ردودكم رد رد وكلمه كلمه قريتها بعقلي وقلبي
اشكركم على تفاعلكم ونصايحكم
في اخوات ايدوني على موقفي وفي العكس كان ردهم مندفع وانا مقدره وعارفه لان الموضوع مو بسيط واكيد ردودكم سببها محبه وحرص منكم
انتو عارفين ان احنا الحريم نقطة ضعفنا عيالنا وهذا اللي مخلينا ندوس على قلوبنا ونصبر
بالنسبه للاخت اللي قالت سبع سنوات نايمه على اذانك لا يا اختي انا مفتحه وماني غبيه ومتأكده ان في شي بس كان ينقصني الدليل وزوجي مو بس حريص الا داهيه
ياعزيزتي في قضايا في الشرطه قيدت ضد مجهول والسبب مافي دليل يعني اذا طلع زوجك من البيت ما تدرين وين راح لانك قاعده في بيتك انا استأ منته وهو ما صان الامانه وهذي غلطته مو غلطتي
وبالنسبه للمده الطويله يمكن الله سبحانه وتعالى اراد ان تطول المده وما اكتشف الا بعد ما شبع منها عشان ما يتمسك فيها لان الله يدبر امورنا ونحن لا نعلم
الاخت قصه حزينه2ارسلتيلي على الخاص وآسفه اني ما قدرت ارد عليكي لان مشاركاتي ما تسمح لكن وصلني كلامك والله يفك ضيقتك ويخليلك عيالك واعتذر اني فتحت جراحك واضح انك موجوعه مثلي ويمكن اكثر
سامحوني حبيباتي اني بكيتكم ونزلت دموعكم الغاليه حسستوني ان لي في الدنيا اخوات ما اعرفهم
نصايحكم كلها على عيني وعلى راسي
اما بالنسبه للزواج انا سمعت انه صحيح لو كان ولي الزوجه موجود وشاهدين لان الزواج ايجاب وقبول وبالنسبه للاشهار هو يقول انه انشهر في محيط عائلتها لكن ما يمنع اني اسأل شيخ مثل ما نصحتني وحده من الاخوات
ولا تخافون ما راح ارضى الا اذا شفت ورقة الطلاق بعيني
صحيح بعض الرجال رجال والبعض ازوال
لا تنسوني من الدعاء




الا يامجيب دعوة من تصافق فوقه الامواج
انا بحماك يا والي الخلايق لاتخليني