بسم الله الرحمن الرحيم
السلام عليكم ورحمه الله وبركاته ,,, ومساء الخير ع الجميع
الحمدلله الذي بنعمه تتم الصالحات
’’ اللهم لك الحمد حتى ترضى ولك الحمد اذا رضيت ولك الحمد بعد الرضا
حبيت اليوم اكتب لكم قصتي واهديها لكم لتبث في نفوسكم لامل والتفاؤل ’’’ لاني مريت بنفس التجربه والمعاناه وكنت افرح لما اشوف رد او موضوع فيه نفس معاناتي
راح اسرد القصه كامله لأني ماحب اسلوب التجزئه والشويق
بدايه ,, خلو املكم بالله كبير ومافي شي صعب او مستحيل على رب العالمين ,, قال تعالى في حديثه القدسي " انا عند ظن عبدي بي " وأختي تذكري ان ماأصابك لم يكن ليخطئك وماأخطأك لم يكن ليصيبك ,,وكل شي مقدر ومكتوب ومحد يدري وين الخيره فيه
بعد زواجي باأربع شهور تقريبا بديت اراجع الدكتوره وشي تحاليل وشي اشعه :icon33:مو كله حرص ع الحمل ,لانو انا وزجي :arb: كنا متفقين نأجل الحمل لحد سنه ،، بس اخذنا بكلام دكتور قال لزوجي قبل الزواج نصيحه تأكد انت وزوجتك انكم سليمين وكل شي طبيعي ومافيه شي يمنع الحمل ,, يقول مشان اذا فيه شي لاسمح الله تبدون تعالجون من بدري وفعلا اخذنا بنصيحه الدكتور وبديت انا طبعا وكان كل شي سليم الحمدلله
بعدها بشهرين تقريبا سوا زوجي تحليل للحيوانات المنويه ,,وطبعا ماكان عندنا شك لا واحد بالميه ان التحليل بيكون فيه شي
ولما ركبنا السياره قلت لزوجي هاه كيف النتيجه ... قال زوجي نتيجه التحليل صفر يعني مافيه حيوانات منويه أنا قعدت اضحك وقلت تمزح ,,,وقعدت اقوله لا تضحك علي قولي صدق كيف النتيجه!!!! وتلفت علي ومبين الصدمه على وجه وقالي والله اتكلم جد وهالمواضيع هذي مايمزح فيها ,,,, ومايحتاج اقولكم شكانت رده فعلي وايش الافكار السلبيه اللي جت ببالي واني مستحييييل بيوم من الايام اكون ام ,, وجت ببالي فكره الانفصال بس انا احب زوجي واستحاله ان اعيش مع واحد ثاني علشان اجيب طفل بس ,,, وقطع حبل افكاري السوداء صوت زوجي وهو يقول اكيد فيه خطأ,, أنا متأكد ان التحليل فيه خطأ ’’ لحظتها أنا تفائلت شوي ورجع لي الامل ,,, بعدها بكم يوم عاد زوجي التحليل وطبعا النتيجه كانت صفرررررر,,, وعادها مره ثالثه وبرضو صفررر
مرت علي أيام كئيييييييبه ونفسيه ازفت من الزفت :44: بس الحمدلله بعد فتره ايقنت ان اللي اصابنا امتحان من الله وان الله اذا احب قوم ابتلاهم ,,ومايرد القضاء الا الدعاء < الله الله بصلاه الوتر اخر الليل والألحاح بالدعاء والصدقه وكفاله يتيم والاستغفار فان مفعولها عجييييييييييييييب وماننسى حسن الظن بالله والتفاؤل يعني تخيلوا مع اني تحليل زوجي صفر يعني مافيه حيوانات كنت احيانا قبل الدوره بيوم او يومين اروح للمستشقى احلل حمل واحيانا اجيب التحليل المنزلي
بعد فتره حجزنا عند الدكتور فهد السلمان بمركز انجاب وعمل لزوجي بعض التحاليل،،، قال لزوجي انه حالتك ممكن يكون لها علاج بس بيطوول مررره وومكن يضبط وممكن لا فنصيحه ابدأو باطفال الانابيب وبعد ماتجيبون البيبي ابدو بالعلاج ....الدكتور فهد كان خلووووق وصريح وكنا ناويين نبدأ بالعمليه عنده بس ماكتب ربي
بعدها تقريبا بشهر حجزنا عند الدكتور توفيق جعفر بمستشفى الحبيب ,,, وقالنا نفس كلام الدكتور فهد السلمان وانه لازم نبدا ببرنامج اطفال الانابيب وفعلا بديت بالابره التحضيريه قبل الدوره وبعد مانزلت الدوره بديت بالابر المنشطه ,,, وبحكم اني مو من سكان الرياض فكنت اراجع عند الدكتور السمؤل الحاكم ببريده ( راح اتكلم عنه بالتفصيل فيماا بعد) وكان نظامي بالابر النظام الطوييل تقريبا اخذت 18 ابره بعد ماوصلت البويضات الحجم والعدد المطلوب اخذت الابره اتفجيريه طبعا مع التنسيق مع مستشفى الحبيب بالرياض لاني كنت راح اعمل العمليه عند الدكتور توفيق جعفر
وجاء يوم الخميس ( اليوم المنتظر ) طبعا كانت عمليتي الساعه 12 والساعه 9 كان موعد عمليه زوجي علشان الخزعه ،،، راح زوجي قسم المسالك واناا قعدت بالانتظار ( كان الانتظار صعععععب :icon33:)
انا كنت قاعده انتظر دوري علشان السحب طبعا المستشفى كان زحمه مررررررررررررره انا انبسطت يوم شفت الزحمه كنت احسبه مافيه احد مثل حالتنا
الساعه تقريبا 11 كلم علي زوجي قال بالخزعه مالقوا شي ( طبعا الخزعه سحب بالابره ) وانهم الحين بيسوون فتحه بالخصيه اليمين ويسون بحث ،، انا هنا شبه فقدت الامل ،،، بعدها بربع ساعه كلم زوجي قالي ماحصلوا شي
طبعا لحظتها بكييييييت لين قلت اميييين ,,,, جت عندي الممرضه وقالت يالله دورك ,,, انا استغربت بس قلت يمكن حصلوو شي وكنت اقوول للسستر استني شوي زوجي ماجاء وقالتلي تعالي انتي والحين هو يجي >>> تعطيني جو
دخلت على د. توفيق جعفر قالي للاسف يامدام راحح تتنكسل العمليه لانه ماحصلنا حيوانات عند زوجك ,, قلت طيب ايش الحل قال خلاص مافيه حل ,,, قلت طيب هم اخذوا عينه من الخصيه علشان يحللوها حصلوا فيها خلايا ولا لا ؟؟ قال لا حتى خلايا مافيه
انا حسيت رجولي ماتشيلني وحسيت الدنيا اسودت يعيني
رأيي بالدكتور توفيق جعفر ( الدكتور شاااطر مره ومعروف وحنا مارحنا عنده الا من السمعه الطيبعه اللي سمعناها عنه ،،، بس الصراحه اسلوبه جدا سيء وماعرف يوصل المعلومه وحكم على التحيل وقالي زوجك ماعنده خلايا منتجه والنتيجه اصلا ماتطلع الا بعد اسبوع ) وبرضوا دكتور المسالك اللي سوا لزوجي العمليه والله مايحضرني اسمه بس نفس الشيء حطمنا بكلامه وقال مافيه علاج لكم
ع العموووم الله يسامح الجميع ان شاءالله بس العلاج ثلاث ارباعه نفسي وهذولا انواع التحطيم :mad:
طبعا بعدها بكم يوم اخذت حبوب علشان تنزل الدوره واستمرت الدوره شهرين مخربطه عندي وماتنزل الا بحبوب
بعد ماطلعت نتيجه العينه اللي سحبوها من الخصيه رحنا للدكتور السمؤل الحاكم بمستشفى الحبيب ببريده وقال لزوجي ’’ا نت عندك خلايا لكنها غير مكتمله النمو ,, والحمدلله كانت بشااااره خييير علينا
وعطا زوجي كورس ابر (كوريمون )لمده 3 شهور وبعد شهر كانت مراجعتنا وبعد التحليل كان هرمون الحيب مرتفع مرررررره وهرمون الذكوره منخفض ( على فكره رحنا لأكثر من دكتور ولا واحد منهم طلب منا تحليل هرمون الحليب ) وقال لزوجي وقف كورس الابر وصرف له حبوب دستنكس علشان هرمون الحليب لمده شهر
وبعد شهر الحمدلله انخفض هرمون الحليب ,,ورجعنا لكورس الابر اول شهر كانت ابر كوريمون وثاني وثالث شهر ابر كريومون + مورينال ان شاءالله تكون الاسماء صحيحه وبعد مرور شهرين استعجل زوجي وعمل تحليل للسائل المنوي وكانت النتيجه صفر ,, بس الحمدلله هذا ماخلانا نفقد الامل وكملنا اخر شهر من الكورس
بعد ماخلصنا عمل زوجي تحليل وكاااااانت النتيجه حيوان منوي واحد غير متحرك ( اللهم لك الحمد والشكر ) وكانت بشاره خير طبعا ,,, مره فرحنا بالنتيجه وسجدنا سجود شكر لله ,, لا نه ان شاءالله اللي طلع واحد يطلع الباقي ,, وقال الدكتور بما انه حصلنا حيوان واحد ضروري نستعجل ونسوي الخزعه
بعدها بيومين كانت عمله الخزعه او بالاحرى تفتيش لانها كانت عباره عن فتحه وخياط وغرز :44:
دخلت على زوجي ع طول بعد العمليه بغرفه الافاقه ... انا كنت مرره مرتبكه وخايفه واحس اني امشي بدون وعي ودخلت غرفه الافاقه بصندلي ( وانتم بكرامه) وكانت فيه ممرضه سوريه او اردنيه مدري بالضبط تضحك علي لاني مالبست الاكياس الزرقاء اللي يلبسونها بغرفه العمليات لان الغرفه معقمه وانا داخله بصندلي الاخضر وقالتلي عقبال ماتلبسين اولادك وبناتك الازرق والوردي بدل الخضر اللي انا لابسه :27:
دخلت على زوجي وقالي قالولك عن النتيجه قلت لا لسه ماطلعت ،،، قالي حصلوا ملاييييين
انا انفجرت وقعدت ابكي ( دموع فرح طبعا ) وقعدت احمد ربي واشكره وطبعا اهم شي سجود الشكر لله
سبحان الله حسيت انه الله كان يمتحن صبرنا وايماننا ، قولوا ليش ؟ لانه يوم سوينا العمليه بالرياض فتحوا مع جهه وحده بس وكانت اليمين بس وماحصلوا شي ،،،، وبالعمليه الثانيه لما افتحوا مع اليمين ماحصلوا شي بس سبحان الله يوم افتحوا اليسار لقول عدد كبيييييييييير
وبنفس يوم العمليه كان باقي على دورتي تقريبا عشر ايام وقررنا نسوي انابيب ( من فرحتنا بالنتيجه والحيوانات ) سويت اشعه مهبليه للمبايض والرحم وقال الدكتور كل شي اوكي وكتب لي على ابر وحده بالعضل ووحده تحت الجلد استخدهم من 2 يوم من الدوره ,, وبالفعل بديت فيهم وباليوم الثامن رحت للدكتور وسويت اشعه وقالي نمو البويضات تمام بس زيدي الجرعه 3 ايام زياده وخلصت الثلاث ايام واخذت الابره التفجيريه قبل امس
وانا الحين اكتب لكم قصتي بعد ماسويت السحب اليوم ( يارب تتمم علينا امور العمليه بخير وتفرحني بخبر حملي ياحي ياقيوم انا وجميع اخواتي المسلمات المتأخرات عن الحمل عاجلا غير اجل يارب العالمين)
كلمه حق ( كل الشكر والتقدير للدكتور السمؤل الحاكم فلولا الله ثم هو ماوصلنا للي احنا فيه الحين ,, شخص خلوق يشوش مبتسم قمه في الاخلاق وراقي جدا في التعامل ,,يخليك متفاءله لابعد درجه حتى لو كانت حالتك صعبه يحسسك ان اللي فيك شي بسييييييط وعلاجه اسهل ) ع العموم كل الطاقم اللي في مستشفى الحبيب جدا ممتااااااز وانتي عندهم تحسين كأنه مافيه مريضه غيرك بالمستشفى من اهتمامهم ورعايتهم وانفسهم الحلوه
نصيحه اخيره ( اختي تذكري انه لا يرد لقضاء الا الدعاء ) تحري اوقات الاجابه واكثري من الاستغفار والصدقه
انا كتبت هالموضوع من باب (من نفس عن مؤمن كربه من كرب الدنيا نفس الله عنه كربه من كرب يوم القيامه ) ولأني ادري اني هالموضوع بيفتح باب الامل لكثييير من الناس اللي انا كنت وحده منهم، صحيح انه مالي الا فتره بسيطه متزوجه والحمدلله مافات من عمري كثيير بس المعاناه اللي مريت فيها هي اللي خلتني اتعلق بالاطفال كذا واتمنى اللحظه اللي اضم فيها طفلي
معليش ع الاطاله بس انا فضلت اني اسرد القصه كامله بدون تجزئه ، وانا صاحبه القصه هذي وليست منقوله
رجاء اخير ،،، لاتنسوني من دعواتكم انا مقبله على عمليه ترجيع ان شاءالله بعد بكرا ,,ادعولي ان الله يثبت حملي ويفرحني بشوفه ضناي :27:
.مس كوكو. @ms_koko_2
عضوة جديدة
يلزم عليك تسجيل الدخول أولًا لكتابة تعليق.
الله يرزقك الذريه الصالحه عاجلا غير اجل ويكتب لك الخيره سؤال د|فهد السلمان الي بمستشفى الحرس بالرياض والا غيره الله يوفقه وين مالقى وجههالله يرزقك الذريه الصالحه عاجلا غير اجل ويكتب لك الخيره سؤال د|فهد السلمان الي بمستشفى الحرس...
الله يجزاك خير اختي ع الدعوه
ايه نفسه بس انجاب عيادته الخاصه
ايه نفسه بس انجاب عيادته الخاصه
اللهم فرح قلوبنا .. وآنس وحشتنا .. ونفس كربتنا .. وفرج همنا .. وأزل ضيقنا .. وعوض صبرنا .. وقراعيننا
بذرية صالحة معافاة ليس في خلقها زيادةولانقصان واجعلهم خيراً لنا ومن البارين بنا ومن المستغفرين لنا عند مماتنا
واجعلهم من الصالحين ومن حفظة كتابك الكريم ومن المجاهدين في سبيلك عاجلا غير آجل يارب العالمين آآآآآمين ..
بذرية صالحة معافاة ليس في خلقها زيادةولانقصان واجعلهم خيراً لنا ومن البارين بنا ومن المستغفرين لنا عند مماتنا
واجعلهم من الصالحين ومن حفظة كتابك الكريم ومن المجاهدين في سبيلك عاجلا غير آجل يارب العالمين آآآآآمين ..
الصفحة الأخيرة
سؤال د|فهد السلمان الي بمستشفى الحرس بالرياض والا غيره الله يوفقه وين مالقى وجهه