قصتي الاليمه

انا بنت يتيمه الابوين كلهم توفو بنفس السنه رحمه الله عليهم وانا بخامس ابتدائي ربتنا اختي الكبيره انا واخواتي المهم كلهن تزوجن بقيت انا اصغرهم تمرمطت مع حريم اخواني الله يسامحهن انطرد اخر الليل بالبيت اخوي الثاني واقوم ع خوف وهواش لين صابني الصرع بسبب النوم ع بكاء فصار عندي فرط بالشحنات الكهربائيه لكن بفضل من الله تشافيت من العلاج الطبي المهم انا الحمدلله من علي ربي بالاخلاق وصنت نفسي مع ان المجال مفتوح لي لكن ربي له الحمد والشكر وثم تربيه امي واختي المهم رغم الظروف الصعبه جاهدت وكان شر حريم اخواني علي لاجت الاختبارات تقل يحاولن اني افشل لكن كملت والحمدلله دخلت تحضيري كليات الطب وخلصت ونجحت وجاني زوجي تقدم لي وتزوجت وكان فيني الم بس متلهفه اشوف زوجي ابي سسسسسسسنننند ابي حضضضضضن ابي ونااااااسه حتى مراهقتي ماعشت كنت عاقله حيل المهم دخلت عليه ومن شفته عجزت اتحمل بكيت بكاء طفل شديد فرغت كل الالم اللي بي المهم طلع حنون وطيب وحيييل كريم معي كمل دراستي معه وتخرجت وانا اخصائيه ابشركم لكن بعد زواجي بثلاث سنوات توفى اخوه وترك زوجته معها اربع عيال انا سكنت مع زوجي فوق امه وطبعا لاني يتيمه ويشهد الله عاملتها مثل امي واطبخ وانفخ من كل قلب ووناسه المهم وهي تقول لي مامر علي من حريم عيالي مثلك والحمدلله والشكر وزوجي يحبني بعد ولقيت معهم اللي انا فاقده وراحت خدامتها واشتغلت له واسوي كل وجباته وارتب غرفته يعني والله اني ابد اشوف به امي جعله لجنان النعيم المهم جبت ولد وكافحت بالدراسه مع الامومه لين تخرجت المهم حماتي هذي كانت ام زوجي حزينه ع فقد ولده فيشوفها زوجي حزينه وتتعب نفسيته قال وش فيك قالت العيال من يوديهم المدرسه عقب ابوهم قال ولايهمك احط لهم سايق وحط زوجي سايق لهم وانا حماتي الارمله هذي كانها صديقتي اجيها بنفاس ويوم توفى ابوها رحت لها ونتراسل واتس وباركت لي بالتخرج المهم فجاءه قطعتني ماترسل لمده سنه ولقيت لها رساله بجوال زوجي انو السواق ماجا العيال فرحت عطيتها بلوك وتهاوشت مع زوجي وحلف لي انه مصدوم من رسالتها كيف تتجراء بعد وفات زوجها ولو في شي كان مسحها المهم قلت لا لازم تقول لامك اذا تبي شي تراسل جدتهم وفعلا قال لامه قدامي وارتحت انا
المهم تخرجت وبعد تخرجي بشهرين رجعت لي الطامه الكبرى
تزوج زوجي ارمله اخوه
كيف وليش زوجي الصغير في اكبر منه المفروض هم موانت طلع اخو حماتي مكلم زوجي انو بتتزوج ونخاف ع عياله يتعذبون من الزوج الجديد وكلم اخوانه ووقع الاختيار عليه لانه بنفس الديره
انا الدنيا صاكه بي لله المشتكى احس بطعنه بالظهر
هي وش تبي مني
ماهي ارمله والله
حماتي مدرسه وعندها بيت ملك وولدها الكبير بالثانوي هل تشوفون انه تستحق انه تدمر قلب بنت صغيره وتخلي الكل يتكلم عني لاني صغيره وزواجي توه لي خمس سنوات بس كيف عينه القويه وهي حضرت زواجي ووجتني بنفاسي ع ولدي خصوصا ان ولدي ع اسم زوجها
المهم من قصتي لاتحسدون ناس على حياتهم وانتم ماتدرون وش اخذ الله منهم
خذته مني وانا اصلا احس اني مجرده من الحياه
هي اهل وبيت ملك باسمها وموظفه ظاقت عليك مو كل الحياه رجل
لكن ماقول غير حسبي الله ونعم الوكيل فيها وبزوجي
هو يوم قال لي الخبر مصدوم ومنقهر مايبي لكن عجزت اصدق مع ان الان مومعطيها وجهه ابد ويقول لي دبريني ابي افتك من هالهم
لكن انا رفضت اسعى بشي يغضب وجهه الله مع اني اكرهه لكن ماافكر انتقم بطلاقه ابدا طقاق خلها تشتري الدنيا وانا لي الجنه ****لله
لكن انا روحي ظايعه بي الم مايعلمه الا رب العباد لاجيت ابشكي مالقى احد لاام ولا ابو ولازوج لكن يجبرني الجبار ****لله
دعواتكم