أمــ 1406 ــل :

السلام عليكم اشكر كل من تفاعل معي ( ) طولوا بالكم أيش فيه ؟ ليييييييييييييييييييييش تعصبون جاية والله جاية اكتب بس طووولوووووووووو بالكم ------- اول مابديت اكتب في القصة كنت ناوية اكتبها كلها لكن تعبت يديني !!! --- ( التتمة ) طلعنا من المستشفى واللي تعرف الجامعي تعرف كيف ساحتهم الخارجية واسعة وممتدة,,كل هذي المساحة مشيناها وانا كنت امشي واطلق وكان فيه هواااء بارد وأحسه يدخل وانا ماغير اقول بنفسي يااارب رحمتك ولطفك وكنت اتصبر قدام ماما وبابا لأنهم كانوا جدا متضايقين عشاني, المهم راح بابا يجيب تاكسي وبسرعة جاء وركبنا وقال له بابا بسرررررعة لمستشفى قوى الأمن (وبحكم أن بابا عسكري و رتبته عااالية كان لي ملف هناك لأي شيء لاسمح الله -إلا الولادة لأني تبع زوجي وزوجي مو عسكري) السائق (التاكسي)كان سعودي قال له بابا اعطيك مئة بس حاول بقد ماتقدر تختصر الطريق,,وقال ابشر-ولادة؟ قال بابا-نعم-يللا طيران الإشارة خضراء حمراء بنفسجية قاطعها قاطعها-قال بابا لا انتبه بس حاول تختصر الطريق,, وصلنا ويااااااااالله دخلوني (ولأن بابا عسكري برتبة عالية-واسطة-دخلوني ولادة) المهم دخلت وحطوني بغرفة فيها أجهزة تخطيط وحطت لي الممرضة واحد,,وكانت الساعة10 وفجأة وانا على جهاز التخطيط,, حسيت بشيء ينزل والا كان نززززيف وكان كثييييير كأنه شيء وانفتح وناديت الممرضة ويادوب سمعت صوتي من التعب اللي شفته مافيني قوة أعلي صوتي,,المهم جت وشافت وترررركض تنادي (بنت سودانية ما ادري دكتورة او ممرضة ماني عارفة) وجت تكشف علي وتجلس تهزيء أيش سويتي ليش كذا رحمك فاتح8سم وتدخل يدها وتسحب بيدها من الدم تقول المشيمة!!!لاحول ولاقوة الابالله ايش جابك هنا وبهالوقت وانا ساااااكته من هول الصدمة كنت اقول لها ماستقبلني الجامعي وجيت هنا قالت ليش مارحتي للوطني او اليمامة وتهزيء وانا في عالم وهي في عالم آخر.. اسلوبها كان جدا قذر,, المهم//طيراااااان ودوني لغرفة التوليد وكانوا ماما وبابا يركظون معي بالأسياب والممرضات يركضن(انا كنت بسرير ومغطيني ) المهم دخلت غرفة الولادة وكان الألم قوي لكن مابكيت ولاصرخت ولااااااا اي شيء قلت لممرضة اعطيني ابرة تخفيف ألم قالت لا ممنوع انتي رحمك فاتح8سم والدكتورة قالت ممنوع,,سكتت انا وقلت في نفسي معليش اتعب وبإذن الله ربي يهون علي وهو أرحم بس كان فيه جهاز تخفيف ألم عن طريق التنفس وقالت لي حطيه وحاولت اجربه لكن ماقدرت اتنفس فيه كان لي يومين فيني كحة وصدري مكتوم وتسمعي صوت تنفسي من كثر ماهو ضيق وكان نفسي قصييير المهم وانا على سرير التوليد كنت احس اني في حلم والله مو مصدقة اللي كان يصير والرحم موراضي يفتح والوقت يمر وطوووول الوقت تقريبا نص ساعة بغرفة الولادة والسودانية هذي تهزيء بصوت عالي وانا كرهتها انا القاها منك والا من الطلق والا من الولادة ونفسياتي كانت عدم عدم عدم بكل ماتحمله الكلمة من معنى,,ووالله ماما كانت تسمعها وهيء تهزئني وكانت تبكي وترسل الممرضات يسكتونها وانا والله مانطقت بحرف واحد لأني كنت احسب اني في حلم,وكانت تدخل يدها وتحركها جوا تقول عشان تهيج الرحم وينفتح وصارت الساعة11وكنت اشوف عاملات وممرضات يجون يتفرجون ويطلعون وانا تضايقت من هالشيء ماكنت احب احد يشوفني ودخلت دكتورة ما ادري يا انها تحضر انها تكون استشارية او انها اصلا استشارية وكانت باكستانية ولبست لبس العمليات وخلوني اوقع على مسئوليتي لوصار شيء يحولوني قيصرية (وللعلم انا من حملت وانا ادعي بإلحاح اني اولد طبيعي) وجابت شيء طويل مادري بلاستك او حديد ودخلته فيني عشان تفتح كيس الموية اللي حول الجنين وكان من كثر النزيف كل شوي يغيرون اللي تحتي تمتليء وبدون مبالغة غيروها اكثر من 7مرات والله والذي نفسي بيده ان الاستشارية هذي مدري الدكتور كنت اشوف اللبس اللي عليها مليان دم وكأنه انفجر,,وغيرته لبست لبس آخر,, والوقت يمر ولسى الرحم مافتح وكانوا يدخلون يديهم جوا برحمي قالوا يهيجون الرحم لعل وعسى ينفتح وكنت اقول بنفسي ماقالولي خواتي كذا ماقالولي ان الولادة كذا ماقالولي انهم علطول حاطين يديهم جوا وكنت طول الوقت ساااااكتة لا بكاء ولا صراخ ولا شيء من الصدمة كنت ساااااااااكته وكنت احسب اني في حلم واخيرا نطقت وقلت لا لا انا احلم لالا يمه صح انا احلم ثم ناظرولي كل الموجودات وجت فلبينيه(ربي يسعدها ويوفقها وبإذن الله تلقاها بوازين حسناتها00آآآآآمين يارب) جت هالممرضة ومسكت يدي وحطت يدها ع صدري وتقرأ علي وتقول على اللي يولدني شوي شوي يبغى يتنفس> وكانت جدا طيبة معي وتمسح علي وتقولي ارتاحي تنفسي ,,, وكان فيه جهاز لقياس ضربات قلب الجنين ومستوى الاكسجين ... لاحظت الدكتورة ان الاكسجين بدأ ينقص وهذا خطر على الجنين ممكن يسبب خلل عقلي للجنين او يتوفى لاسمح الله.. وجابت الجفت ( آلة السحب والشفط) ودخلتها فيني وانا اقول لا انا احلم يمه احلم وماحسيت في نفسي والله ماشفت لما طلع الطفل كأني غيبت دقايق ثم رجعت وكانت الساعة11ونص وكانت من احلى اللحضات لما قصوا الحبل السري وصررررخ الطفل وجابوه على صدري وجلس اقرأ عليه وأعيذه بالله من الشيطان الرجيم >>مادري كيف تذكرت اقرأ عليه بس ربي ماخلاني انسى وشفته ياقلبي عويناته تهبل وساع ومادري كيف بعد تذكرت ماما قلت للممرضة روحي لماما تلاقينها برا قوليله اني ولدت واني مرتاحة وبخير>>وانا كل تعب العالم فيني بس رحمت ماما كانت برا تبكي --- و جت الدكتورة تبي تخيطني وزلقت رجلي (كانت مرفوعة وطاحت ماني قادرة اتحكم فيها كانت ترتجف من نفسها)وهزأتني السودانية ارفعيها وشافت الدكتورة الباكستانية داخل وتتصل على غرفة العمليات عشان يجهزونها لأنه حدث لي تمزززززززززق في جدار المهبل بسبب ضيق الفتحة ولأني ولدت والرحم مارضى يفتح اكثر من8ونص سم وماكانت الدكتورة تبغاني اتعب اكثر من اللي تعبته وللأمانه الدكتورة الباكستانية فعلا كانت قاسية لكن واضح ان طبيعتها كذا وكانت لأجلي تبيني اسرع وارتاح اما السودانية كانت تهول وتكبر الموضوع واااضح المبالغة في اسلوبها والقسوة وطيران على غرفة العمليات وماما وبابا طايرين ورانا وش فيه وش فيها امل ليش تودونها للعمليات وماحد رد برد واضح جت ماما لحقتني للغرفة ودخلت قالت امولة وش فيك وش صار قلت ماما والله تعبت قطعوني وبكيت وكنت ارجف وطلعوا ماما وخيطوني تحت تخدير كااامل واذكر كان وماوعيت الا الساعة 2 صباحا يقولون اني تأخرت شوي ماصحيت ولما صحيت كانت الدكتورة الباكستانية عندي قالت كيف حالك اما انا مارديت عليه-بكيت علطول قلت ابغى اممممممي ونادتها ودخلوا بابا وماما واخوي وكانوا تعبانين ومرهقين لأبعد الحدود وتطمنوا علي وحاولت امي معهم تنام معي مرافق ورفضوا قالوا ممنوع وودوني لغرفة التنويم ودخلوا معي بابا ووماما واخوي وتطمنوا علي وحلفت عليهم الا يروحون والساعة3 وبعد ماوصلوا أرسلت لهم ابغى اطمنهم اني بخير ومرتاحة وارسلت لهم وشكرتهم وتقول ماما بعد كذا قالت لي ماتعرفي قد ايش ريحتنا رسالتك قلنا الحمدلله بخير وزوجي يقول كنت طول الوقت ادعي وابكيوماقدرت انام وبالبيت كانا اخواني وخواتي يبكون والكل غابوا عن المدارس والكليات (طبعا انا اختصرت لكم اشياء ماذكرتها) وكنت مرة جوعانه ماعرف شيء بالمستشفى ونظامهم وكنت اسمع اللي جنبي تشخر وهي نايمة وابتسم ابتسامة المحارب بعد الحرب والانتصار (ابتسامة راحة بعد الجهد) وانتظر يجيبولي اكل وجابولي الساعة6 واستانست بس ماعرف هل ابدأ آكل والا لا-اللي جنبي ما أكلت وانا ماعرف النظام هل جابوه يعني آكل والا لما يقولولي كولي>>>ياحليلي ذوق ومؤدبة وشف السالفة طالت علي صارت الساعة7 وماحد اكل رحت ارسلت لأختي قلتلها الاكل عندي آكل او لا وظحححححححكت قالت طبعا وبدأت آآآآآكل واشاهد التلفزيون كان على قناة المجد للأطفال واشوف البنات يرسلون يسولفون قلت سبحان الله كل الناس في شغل وطبعا ماقدرت انام كنت احس ايديهم لسى جوا كنت خايفة انام ماقدرت اخاف انام وتجي وحدة تدخل يدها تسوي شي او تفك شيء>>مادري ليش فكرت كذا المهم جت استشارية مصرية الساعة 1 الظهر وكنا يوم السبت وتكلمت معي قالت اهنئك على صبرك لأنه نااااادر بين النساء فمابالك ببنت بكرية وصغيرة في السن وكتبت لي بورقة ذكريات وقالت كلام كثير وقالت اتمنى اشوفك مرة ثانية انا ضحكت وقلتلها لكن انا مااااا أبغاكم و ان شاء الله ما اشوفكم مرة ثانية وقلت لها عن السودانية وقلت لها ليش عملت فيني كذا قالت حأشرشحها لك وقلت لها لا لاتشرشحينها بس قوليلها ليش تسوي فيني كذا وبصراحة ماتصلح تكون هنا قالت لاااا والله حأشرشحها وكانت معصصصصبة مرة عليها.. و ناديت الممرظة عشان تجيب ولدي ابغا اشوفه اشتقت له,,وجابته ياقلبي وبوووووووسته (وهذا هو جنبي نااايم ربي يحفظه) وبإذن الله الاسبوع الجاي بإذن الله يدخل بالشهر الرابع يااااااااارب ياحي ياقيوم ياذا الجلال والإكرام انك تعوظني بتعبي بولادته وحمله انك تعوظني وتخليه تقي وتهديه وتحبه وتخليه من اوليائك الصالحين..آآآمين وكان جوالي مقطوع مافيه شحن واسمع صوت التلفون مادري ارد والا لا ورديت والا اسمع صوت اعرفه صوت زوووووجي مادري كيف دبر الرقم يقول طلعته من تحت الارض عشان اسمع صوتك وسولفنل وضحكنا..وطلعت بعد يومين لأهلي,, وللمعلومية جاء بابا بنفس اليوم للمستشفى واستفسر عن اللي صار صار وكان جايب معه شكوى خطية كان يبغى يرفعها لكن انا قلت له لا يابابا والله راح يطلعون منها مثل الشعرة من العجين مستحيل يخلون الخطأ عليهم لكن مايضيغ شيء عند الله وانا من النوعية الهادية ما احب التشربك وابابا بعد مايحب لكن من اللي شافه كان يبي يشكيهم وقلتله وقال خلص,, ((((وهذي قصتي و بإختصار ))) ---------------------------------مع التحية

السلام عليكم اشكر كل من تفاعل معي ( ) طولوا بالكم أيش فيه ؟ ليييييييييييييييييييييش تعصبون جاية...