وانتي تظنين ان الغنيه ام الفلوس متقطعه وعطشانه وميته على ريحة الرجال ؟

زوجك مثل المريض المهووس اللي ينازع ويلهوس ويحاول يتعلق بخيط او شعره زوجك في غفله وانجذب للقصص والحكايات اللي يسمعها من الشباب ان فلانه تصرف علي وفلانه اشترت لي وجابت لي


اتركيه يلحق وهم وسراب مافي وحده عاقله او حتى عندها خير وفلوس مايكون في بالها ان اللي يلاحقها ويبي بيتزوجها عشان فلوسهاوحتى لو تقدم لها ووافقت بتقص ظهره بالمهر والمؤخر والطلبات

اللي شايفه عز ماتبي تتزوج واحد اقل من مستواها كبري عقلك واتركي زوجك يلهث

حاولي انك تلمحين وتدقين بالكلام من بعيد لبعيد ان الكرامه وعزة النفس ما نبيعها عشان فلوس

وان الانسان الحر ما ينشرى وينباع بالفلوس وان الرجال يجيب فلوسه من كده وتعبه وعرق جبينه ماتصرف عليه حرمه

ياربي كل يوم يطيحون من عيني اكثر واكثر صدق ماعاد في رجال


الوحده تجلس ببيت اهلها معززه مكرمه بلا زواج بلا هم وبلا اطفال ضحايا

الحل انك تطنشيننننننه وتدقينه بالكلام زي ماقالت الاخت عواطف التركي
كلامها درر ماشاء الله


يعني بالله غنيه وعندها خير ماشافت غير زووجك من بين الرجاجيل
فكري يختي وخليه يطاردها لين يطفش
وسلامت

يبغاله طقه على راسه تفوقه وش هذا الغباء من اللي بيعطيه بيت وسيارة
ليش الناس لاقيه فلوسها في الشارع
وفرضا وافقت عليه الغنيه على طول بتحقق له امنيته استحاله لانها من تعرف نيته راح ترفسه برجلها
انت لاتعبين نفسك تراه بس يحلم ولا الغنيات بعيد عن خشمه

الله يصلح حاله
انتي بس قولي له الحرما الي تعبت على نفسها وجابت الفلوس تتوقع بسهوله بتطيح عند جمالك وتسلمك الصرافة ؟
و صّحي كرامته شوي بكلمات
وقولي له قصص من خيالك عن رجال تشوهت سمعتهم من مطارد الحريم الأغنياء وان اهله عافوه وماعاد هو رجال .. ومن هالكلام




وبيصحى على نفسه
واذا قدرتي كسري جواله 😂
ان شاء الله يتغير و مايشوف غيرك

معليش انا ردي مختلف شوي عن الاخوات
اولا اللي تقول دقيه بالكلام واعطيه امثله عن رجال مااعرف ايش صار لهم هذا كله ماينفع ولابيجيب نتيجه الرجل مثل الطفل اللي اذا تعلق بلعبه مهما شوهنا صورتها وحذرناه منها مايقتنع الابعد مايجربها فلا نضحك على نفسنا ونقول بنكلمه ويتاثر هذا التفكير في الفلوس عماه وسيطر على عقله ومستحيل يترك هالفكره
ثانيا اللي تقول الغنيه مو غبيه عشان تتزوجه وتعطيه فلوسها اقول كل شي جايز هالايام زميلة سلفتي معلمه من سنين طويله في مدرسه حكوميه وماشاء الله عندها بيت وسياره بسواق باسمها وتعتبر غنيه لكن نصيبها في الزواج ماجا وتقول لسلفتي ابغى اتزوج ومستعده اصرف عليه واعطيه اللي يبغى بس يجي اللي يخطبني ويتزوجني يعني لاتستبعدو انه زوج صاحبة الموضوع سمع كلام من اصحابه انه والله فيه حريم عندهم فلوس بس ناقصهم زوج وهو لهالسبب يلهث وراهم
لكن ياصاحبة الموضوع حاولي فيه انه يشتغل ويكسب حتى لو عمل اضافي ساعديه يدور شغله بعد عمله تشغله عن هالموضوع علميه يجمع القرش وفي النهايه بيشتري البيت والسياره بنفسه مو من رزق احد ثاني
اما تقولي اللي تصرف عليه حرمه ماعنده كرامه ومن هالكلام ماراح يفيد لانه باين ماهمه الا انه يتمتع وبس مافكر لابكرامه ولاهم يحزنون