أخواتي الله يرزقكم سعاده بالدنيا والأخره
ماأحب أكون سبب بنزول دمعة وحده منكم واشكركم على تعاطفكم معي وعسى ربي يجبر خواطركم مثل ماجبرتو خاطري وكان كلامكم مريح لقلبي كثيير
سألتني وحده ليش ماأشتكيت من الأول
آه ياقلبي الخوف هو السبب زمان كان الخوف مسيطر علينا كثير ومو نفس الزمن هذا يشجع الوحده تكون قويه..
وحده سألتني عن السياره اذا مع ابوي او لا
باعها واخذ فلوسها واشترى سياره بدالها والباقي حطه بالبنك مثل المهر اعطاني 10 الاف والباقي اخذه
واللي قالت انه حياتي ماتفرق سواء عند اهلي او زوجي لا ياقلبي تفرق حياتي عند أهلي جحيم لا جوال واهانات وتوصل للضرب لو رديت على كلامهم
عالأقل ببيتي اقدر اخذ جوال اقدر اجلس بغرفتي لوحدي وأبكي من دون ماأسمع كلام اللي دمرو حياتي..
زوجي والله ماقصرت معه بشي كل اللي يبيه يوصله يغلط علي وأسكت ماأرد التسجيلات بكل مكان يحطهم واشوفهم ولاأقوله كلمه..
حتى قال لي انا لو أجيب كاميرات لاتستغربي..
بس حاطه أمل بالله انه يتغير ويشيل الشك عالأقل برتاح شوي..
والله انه جاب لي طقم واحد لزواجي ولما احتاج اعطيته واخذه عمري ماقصرت معه بشي مع انه قلبي مو معه.. ماكنت أحسسه بشي.. انسان ماعنده الا السب ويتكلم مايسكت ابدآ عسى ربي يهديه
لاتلوموني اذا تذكرت زوجي الأول وحبيب عمري الرسول عليه السلام قال هذا قسمي في ماأملك ولاتلمني فيما لاأملك..
قلبي مستحيل يحب غير زوجي الأول مستحيل أنساه مهما حاولت أنام وأصحى على ذكراه عسى ربي يجمعني فيه بالأخره..
اللي معذبني انه الى الأن ماتزوج قبل شهرين قابلت زوجة خاله عند أمي جايه مع وحده تعرف أمي..
قالت لي كلام عذبني وزاد الحزن بقلبي
قالت انه فلان حالته تغيرت دايما بغرفته وبعد طلاقكم لمدة سنه ماسلم البيت كان كل وقته ببيتنا..
قالت انه جهازي الجوال الى الأن معه..
وحتى الورقه اللي كتبت فيها أخر يوم محتفظ فيها
طبعآ امه متوفيه ماعنده الا اختين وأخ كان صغير وقت زواجنا وخاله ساكن جنب البيت..
قالت لي انه الكل يقول له تزوج قال لاأحد يفتح معي هذا الموضوع..
قالت لي صار يدخن ويعسل مع انه ماكان يستخدمهم..
وتحلف انها نادرآ ماتشوف يبتسم تقول الضحكه من زمان فقدناها..
حزنت على حاله كنت اتمنى انه مبسوط خلاص كفايه السنين اللي راحت من عمره والمشاكل اللي صارت له بسببي..
الحين كمل 37 سنه ولاتزوج ابي يكون له اطفال لأنه كان يحبهم
دعيت له الله يعطيه السعاده اللي انحرمت منها..
انا ماأنكر اني أحن له مو بس أحن الا والله أموت من شوقي له ولكلامه ولضحكته ولمزحه ولما كان يهديني بضيقتي وبزعلي مشتاقه لبيتي اللي عشت فيها احلى ايام بحياتي..اتذكر تفاصيل البيت اتذكر الألوان اللي اخترناها مع بعض اتذكر كل شي..اتذكر غيرته علي اتذكر كلمة احبك اللي اصحى والاقيه يكتبها لي بالمرايه كل يوم..مو قادره انسى حاولت كل هالسنين مو قادره انسى
بس بنفس الوقت مقتنعه انه انا وهو خلاص انتهينا مستحيل نجتمع مره ثانيه ..
والله يابنات انه تجي اوقات أتخيل اني بحلم وانه هذا كله كذب وانه انا وياه مع بعض سواء قبل زواجنا او بعده المهم معه..
بس الواقع مرير بجد
ادري اني بذمة رجال غيره الله يشهد انه ماأبين له شي وانه اعامله احسن معامله واحاول اتأقلم معه بكل شي واحاول اسعده وارضيه مع انه مو راضي يخفف شك لو شي بسيط دايمآ يقولي بعاقبك وكل انسان يغلط يتحمل خطأه..وقال مستحيل اطلقك حتى لو تطلبي
الحمدالله على كل شي
وعسى ربي يكتب الخير بالأيام الجايه
وأرجوكم لاتلوموني هذا قلبي ماأقدر أشيل انسان واحط بداله
وأشكركم للمره الثالثه على ردودكم

الله يسعدك دنيا وآخره
طريقتك في سرد قصتك جدا جميله وهو اللي دفعني اني أتابعها
جزاك الله الفردوس الأعلى على صبرك

الله يعوضك خير قدر الله وماشاء فعل والله اني نمت وصحيت وانتي فبالي .. ربي ييرزقك سعادة وهناء والله يسعد من كان زوجك قطعتو قلبي والله العظيم ربي يعوضكم خير .. ربي كريم وقادر وامره بين الكاف والنون .. الله يكتب لك مافيه الخير

الله يعوضك كل خير

ربك لطيف رحيم ادعيه يجيب دعاءك

ربي يجبر كسر قلبك

ويسخر لك زوجك ويصلح ذات بينكم يا قادر يا كريم

وتجي تكتبي وتفرحينا بتسخير زوجك لك

أدمعت عيناااااي

أولا اهنيك على اسلوبك فسرد قصتك
تأكدت الان ان فعلا الحياه لاتكمل مع الانسان ...اسأل الله ان يجبر بخاطرك ويفرج همك
قصتك يعجز القلب ان يتحملها جداا مؤثره