عاد الله العالم لاتدخلون بنية البنت انها كذابه

اختي و الله انا الان في محطة الحافلة امسك دموعي بالقوة. اهربي و ابعدي انت و زوجك حرااااااااام اللي صاير فيكي. لكن صبرا جميلا. بعد عمر طويل تنتضرك جنة جمييييلة ان شاء الله على ما عانيتيه .

والله حتى انا تفاصيل القصه مادخلت راسي

أعتذر لأني ماقدرت أكمل موضوعي لظروفي..
والله حابه أرد على كل وحده فيكم بس ماعندي وقت لأني حابه أكمل موضوعي..
اللي تعاطفت معي أسأل الله أن يرزقها ويسعدها دنيآ وأخره.
والله دعت لي أسأل الله أن يعطيها ضعف مادعت لي..
واللي اتهمتني بالكذب أسأل الله أن يسامحها..
والله ماكذبت في كلامي وممكن تستغربون من تفاصيلها واللي صار معي بس مافي شي غريب بهذي الحياه ممكن انا اكون استغربت من حكاية بعضكم وممكن العكس..
ممكن قلت الكلام على بعض لأنه الموضوع طويل جدآ وكان عذرتوني..
بس هذا اللي صار معي وبتتأكدون بعد ماتسمعون تكملة موضوعي انا قلت لكم تفاصيل حياتي وماخبيت شي تمنيت تدعون لي وماأبي وحده تقول غلط اللي سويتي عارفه غلط بس هذا شي انتهى ومرت عليه سنين..
تكملة الموضوع .......
بعد مارحت للمستشفى وسمعتني الدكتوره الكلام اللي كان مثل طعنات الخنجر الجنين ماكمل شهر وهذي بداية اسقاط...
بكيت كنت اتمناه يكون معي بهذا الوقت ابوي كان ينتظرنا بالسياره وفجأه جوال أمي كان يدق...
قالت.....هو
اخذت الجوال منه كان يصرخ وينك أنا أتصل صار لي ساعات جلست أبكي وأبكي أحاول أتكلم ماكان عارف ايش اقول..
اخذت أمي الجوال وقالت له احنا بالمستشفى كانت حامل واتوقع بينزل الجنين وممكن ماينزل بس الدكتوره قالت بداية اسقاط..
قال كيف مين اللي أخذها انا طلعت مشوار وماحصلتها..
قالت اهلها واهلك الى الأن مشاكل ياولدي خلها تهدأ الأوضاع شوي ابوها واخوانها معصبين من اللي صار يوم الزواج..
قال انا مالي ذنب حرام عليكم الحين اجي اخذها حلفته أمي مايجي قالت والله بيذبحونكم..
قال والله لأجيب الشرطه هذي زوجتي
ردت عليه أمي لاتزيد المشكله وانا راح اتواصل معك بكل شي..
كلمته قلت ابيك تعرف شي واحد اني احبك وراح أبقى أحبك كل عمري ولاتتخلى عني أبدآ
قال والله لو أموت ماياخذوكي مني..
ارتحت لكلامه ورحت لبيت أهلي..
يالله كان ممكن بهذا الوقت أكون معه كنت اتمنى أشوف نظرة الفرح بعيونه لما يعرف اني حامل وكان وكان بس للأسف حكم أبوي واخواني الظالمين غير كل شي..
دخلت للغرفه وكنت ادعي ربي كل الوقت..
وأبوي يوصي أمي انه ماتعطيني جوال ولاأطلع من البيت وكان يهددها بالطلاق وامي مسكينه لو طلقها وين تروح ماعندها الا اخو واحد عنده عائلات واكيد مايبيها..
مرت علي الليله كأنها سنه انتظرت اهلي ينامو واخذت جوال أمي وكلمته يالله كان حاس اني بكلمه..
قال ماأبيكي تبكي خلاص اذا عالجنين احنا صغار وقدامنا وقت مايهمني شي الا انك تكوني معي..الأطفال لاحقين عليهم صح اتمنى طفل منك بس والله عندي ابتسامتك وسعادتك بالدنيا..
كلامه هون علي كثير بعد ماكنت معه رجعت أكلمه بالساعات بس الخوف من أبوي اجبرني ماأطول بالمكالمه..
وعدنا بعض مانتخلى عن زواجنا لو يصير ايش..
وصحيت على مصيبه أكبر
كانو اخواني واقفين برى البيت وجاء اولاد عم زوجي يتكلمون ليش اخوكم يغلط على اخونا الصغير وكلام كثير تطور للضرب..
دخل اخوي واخذ سكين من المطبخ على التعب اللي فيني ومغص بطني كنت احاول امسكه وابكي ورماني عالباب ورمى أمي..
واحنا نبكي وطعن ولد عم زوجي واخوهم كان معه سكين وجاء بيطعن أخوي وجات بأصابع اخوي بس الحمدالله تضرر اصبع وكم يوم رجع مكانه..
بس أخوهم جلس فتره بالمستشفى والشرطه اخذت أخوي بالتوقيف..
وبدأت معاناتي آه يارب حتى الحجر مايتحمل..
جاء اخوي الثاني وضربني قال كله من تحت راسك قلت انتم السبب انتم اللي بديتو المشكله وغلطتو عليهم بيوم زواجي وضرب راسي بالجدار وامي تحاول تفكني منه وكان يقولها بعدي عني والا ذبحتها..
تحملت كثييير فوق ماتتخيلون ابوي اخذ جوال امي..
انحرمت منه نهائيآ ماكنت عارفه كيف اتواصل معه ابي اطمن عليه ابي اعرف اذا هو بخير او متضايق..
تجننت حاولت انتحر اخذت حبوب وكلور وماصار شي فيني..
بعدها استغفرت الله وندمت على اني حاولت انتحر..
وجلست بغرفتي كل وقتي اصلي وأقرأ قرأن وماأطلع لأحد والكل يجي عندي ويسب ويقول مطوعه وكل هذا عشان ترجعين له وكلام يقطع القلب ماأقدر حتى أقوله..
وابوي كل وقته مشغول بهالموضوع ماينام يتصل عالناس وعلى أهله ويكلمه يقوله لو ماطلقت والله لأنحرها..
ويتوعد ويسب واخواني ماخلوه بحاله..
مع انهم تنازلو عن اخوي وطلع بعد ماتعافى اخوهم بس مافي فايده ..
كل ماقلت الموضوع بيهدأ وللأسف كان يزيد..
ماكان بيدي شي كنت اتمنى اكلمه وماكنت اقدر الأبواب مقفله والجوالات مع ابوي..
كنت ابكي كل وقتي..
ولحد ماجاء ابوي وانا نايمه وسحبني من شعري صحيت مثل المجنونه ارجف وابكي وكان معاه سكين وامي تبكي وتمسك ابوي وانا اصرخ واقول تكفى اتركني ..
واخذ ابوي الجوال من جيبه وقال بتطلق والا والله انحرها الحين..
طلع يسمع زوجي كل شي..
آه ياويلكم من الله أكيد بيطلق لأني اعرفه يحبني اكثر من نفسه مو مهم عنده نفسه المهم انا مايصير فيني شي..
رماني ابوي عالأرض وقفت الدموع بعيوني ماتكلمت بشي حاولت ابكي ماقدرت حاولت اطلع اللي فيني ماقدرت..
مر هاليوم ومر يومين وانا مثل الجثه مااتكلم مع احد ولاأكل وماأنام كثير..
لحد ماجاء ابوي الصباح ورمى ورقة الطلاق علي قال خلصنا منه..
ماكنت مصدومه لأني اعرف انه اكيد بيسوي كذا لأني اغلى شي عنده..
كنت اقرأ الورقه اسمه وشهود وانه ماأرجع له الا بعقد جديد
كنت اقرأ وأقرأ كانه بداخلي شي يقول لاتصدقي ممكن كذب
رميت راسي عالمخده واحاول ارجع بالذكريات لحد ماقلت له اطلع جوعانه..
كنت اتخيل واحلم انه ماطلع واني قلت له اني حامل وانه بطني كبرت وتوحمت عليه جلست اتخيل كل شي حتى لما اكون بالشهر الأخير ونمشي مع بعض وننتظر متى موعد ولادتي..
كنت اتخيل ولادتي والآمها بس لما اعرف اني بتجيني بنوته وبسميها جنى مثل مااتفقنا على تسمية بنتنا من قبل مانتزوج..
ضحكت وانا ابكي ورجعت فتحت عيوني وللأسف كان حلم..
كنت ارجع اغمض عيوني وادعي انه اللي جالس يصير حلم واني للحين ببيتي وانه بعد كم يوم بيجي رمضان وبعده العيد ويكون احلى عيد لانه من 7 سنوات ماعيدنا مع بعض..
زواجي كان بشهر 6 وطلاقي بشهر 8
كنت اتمنى شي واحد اني اكلمه بس اكلمه مكالمه وحده اقوله اني عاذرته باللي سواه واني ماراح انساه..
وماصار ولاكلمته لاني انحرمت من جوال وانحرمت من طلعه كنت مثل المسجونه وبالأخير جاء ابوي قال جهزي نفسك اليوم بتملكي..
تخيلو قلت املك على مين قال على فلان
قلت كيف املك ليش مااخذتو رأيي انا مابي اتزوج حرام عليكم
قال والله لو ماملكتي لأطرد امك واطلقها اليوم كان يعرف نقطة ضعفي


وصار مثل مايتمنى ابوي ملكت والله كنت ماأحس بشي
الشيخ موافقه قلت ايه موافقه ولاأدري ايش اللي يصير
كنت اعرف انه هذا الرجال شاب جماعته مايبونه يقولو عنه غبي ومايعرف حتى يتكلم
رحت بكيت وبكيت وادعي ربي اني امووت قبل مايدخل علي
مرت ايام وبعد اسبوعين تزوجت زواج عادي باستراحه حلفت ماالبس فستان زواج
رحت للفندق ودخل علي وانا مثل الحلم يارب خليني اموت بهاللحظه مو طالبه غير هالشي
والله كان يجيني نفس الاغتصاب اعذروني على كلامي
كنت ابكي كل وقتي
وبالأخير حاولت ارضى باللي ربي كتبه لي
كان عكس زوجي الأول بكل شي ماكان يعرف يتكلم كثير مايعرف بالحياه شي..
وبعد شهرين حاولت امسك نفسي وماقدرت ومسكت الجوال وكتبت رساله لزوجي الأول
قلت له سامحني اني تزوجت والله العظيم غصب عني ابيك تعيش حياتك وتنساني والزمن يمكن ينسينا
وانا ماألومك عاللي سويته ومسامحتك أسألك بالله لاترجع ترسلي واذا لي محبه بقلبك امسح الرقم..
وانتظرت وفعلا مااتصل ولاأرسل
حاولت اعيش والله ماكنت مقصره معه بشي كنت اطبخ وارتب وانظف احاول انسى همومي..
كأنه الزمن مارضى ارتاح او احاول ارتاح نسيت امسح الرساله وشافها زوجي
وانقلبت حياتي جحيم الرجل المسكين تحول لانسان مايخاف الله ضربني وصار يشك بكل شي
بيتي كله تسجيل جوالات يحطهم عشان اذا فكرت اكلمه يسمع المكالمه
يقطع شنطي اذارحت لأهلي ويحط تسجيل الجوال فيهم..
حاولت اغيره واحلف له انه ماصار شي وانها رساله قال والله مايهمني انا كذا
والله العظيم مافي بيني وبينه اي كلام كلام سب وكله شك لو افتح الشباك يجي يركض يقول لمين تأشري تشوفي مين
يطلع لدوامه ويحط بمخدتي تسجيل وكنت اشوف كل شي واتعذب واسكت
قال والله لأهينك وأعذبك كلمته امي وحاولت فيه اكثر من مره ولا في فايده..
قال هذي تعتبر خيانه وانا اسوي اللي ابيه ماأحد يتدخل
عايشه حياتي بجحيم الشك والإهانات لمدة سنتين
عايشه بسجن يغلط علي كل الوقت يسبني يشتمني وماأتكلم ولاكلمه
يسألني تفاصيل تضايقني يسألني عن زوجي الأول ويضحك علي..
يحرمني اطلع لأي مكان يدخل فجأه الصباح يستأذن من دوامه ويجلس يفتشني يصحيني من نومي يلمس شعري اذا مبلول او لا
اذا نمت مع احد او لا
اه يارب صبرني
والى الأن وانا عايشه بجحيم الشك سنتين وانا اعاني
قلبي مات مع زوجي الأول
وجالسه احاول اتعايش مع حياتي وابعد عن افكار الانتحار
والله اني اصلي واقرأ قرأن واخاف ربي فيه مع انه معذبني كل شي اسويه له بس مايبين بعينه..
هذي نهاية قصتي
وسامحوني عالإطاله واعذروني على كلامي الملخبط لاني اكتب وقلبي يتقطع
والله هذا اللي صار
لاتشككون بقصتي حتى مايبلاكم الله بربع اللي صار معي
ادعولي بس هذا اللي أبيه

الله يفرج همك ويرحم حالك ويبدلك لاحسن حال المؤمن مبتلى وانتي صبرتي اتذكري قول الله تعالى ان مع العسر يسرا لا تيأسي من رحمة الله دايما ادعي اني مسني الضر وانت ارحم الراحمين
يامجيب المضطر اذا دعاه ويكشف السوء
رحمة ربي واسعه
وبالنسبه لابوكي واخوانك الله حسيبهم ربي ينتقم منهم دنيا واخره