مايحتاج بلغي الهيئه

قلبي وجعني عليك الله يكون بعونك
لكن اتوقع زوجك يسوي كذا لان حاس بحبك لزوجك السابق وشاك انك لازلتي على علاقه فيه
مالك الا تدعين الله في كل صلاة وبقيام الليل انه يكتب لك اللي فيه خير لك سواء برجعتك لطليقك او بقاءك مع زوجك الحالي وكثري من الاستغفار راح تحسين الهم ينزع من قلبك نزع سبحان الله


اسال الله العلي العظيم ان يفرج همك ويقوي صبرك

أسأل الله أن يزيح هم كل وحده فيكم عندها هم ويبدلها لفرح...
ويزيد كل وحده سعيده سعاده أضعافها...
ويرزق كل وحده منكم ماتتمناه يارب العالمين...
وبالنسبه لتبليغ الهيئه فكرت بس خفت بصراحه وتراجعت.
وأبوي مو مقتنع بطلاقي للمره الثانيه مع إنه المره الأولى هو السبب..
إعذروني على كلامي لأنه ماأقدر أفضفض لأحد غير الله ثم إنتم...
أنا أموت إذا صار شي بيننا ( أكيد فاهميني)
والله إني أبكي وأحاول أخبي دموعي..
أتجنن أجلس أتروش أكثر من مره وأبكي بالحمام أعزكم الله ساعه..
والله أحاول ماأبين له ...
المشكله هو يطلب مني أكون معه وأتكلم واسوي أشياء كثيره وأنا أرفض..
مو قادره أتخيل أحد مكان حبيبي وزوجي القديم كل ماأتذكر كان يغار علي من كل شي أتجنن..
لما شفته أخر مره حزنت عليه قد ماحزنت على نفسي..
تغير كثير ماصار يهتم بنفسه مع إنه كان يهتم بنفسه حتى قبل ماأعرفه نحف كثييير وجهه باين عليه الحزن..
لما كنت أراقبه من بعيد كان يمزح معه العامل ويضحك وهو حتى إبتسامه ماأبتسم..
يالله لما كنت أمشي للسياره بكيت أكثر وغطيت عيوني عن زوجي مع انه لاحظ وسأل بس قلت متضايقه وطنش..
كل ماأتذكر أيامي معه أبكي وأدعي ربي ترجع وعندي أمل بالله ترجع..
الحين صرت أخذ لبس للعيد وهو مو معي ولا منه اللبس هذا الشي يضايقني لأنه عودني لبس المناسبات والأعياد منه وكان يقولي لاتاخذي من أحد إذا تحبيني أو بزعل..
من عرفته وكان يحلفني ماأخلي شي بنفسي واي شي يعجبني لازم أخذه كان يعطيني بالأعياد والمناسبات أكثر من ماأتمنى..
كنت عايشه أميره وأكثر لدرجة انه كان يمر علي أيام أبكي من السعاده اللي أنا فيها..
والحين زوجي جالس يقول بسرعه ويلا خوذي شي بسيط ومو غالي ويجلس يمن علي باللي جاب لي ويتذكر أشياء أنا ناسيتها..
والله إني أصحى من نومي أدور على زوجي الأو إلى الأن أتخيل إني معاه ببيتنا..
ماأحس إني عشت كثير معاه حرموني منه..
كنا مفكرين بأشياء كثيره وللأسف..
احيانآ أحس إني ماتزوجته وانه حلم واجلس اقنع نفسي بهالشي..
المشكله انه زوجي كل وقته يجيب إسمه ويسبه ويتكلم عليه ويدعي عليه...
أحاول أمسك نفسي ولاأرد بس لما يدعي عليه أنجن وأبكي واقوله لاتدعي يقولي تخافي عليه وتحبيه احاول أقنعه انه انا ماأحب أحد يدعي على أحد حتى لو يكرهه..
طول الوقت يتكلم عنه ويسب..
قلت له انا مو مقصره معك بشيء كل حقوقك أقوم فيها ليش تعذبني بكلامك..
يوم واحد بس لاتتكلم يقول انتي السبب ولازم تتحملي نتيجة غلطك..
واللي يزيد المشاكل انه بيتوتي مايطلع أبدآ مع انه الكل يتصل فيه ويحاولو فيه ومايرضى ويقولو ايوه من الحرمه اكيد ماتخليك تطلع..
والله الكل ضالمني حتى اهله يتكلمو علي انه انا اللي ماأخليه يروح عندهم..
هو مايبي يطلع على باله بيراقبني ماأطلع او اكلم زوجي القديم...
والله اني اقوله يتصل بأهله ويقول بعدين اقوله روح يقول لازم تروحي معي والله الا اروح معه مع انه احيانا اكون مره تعبانه ومافي فايده...
تعبت من كل شي...
أبي الزمن يوقف على أيام زواجي من حبيبي وحياتي وسعادتي اللي أخذوها مني بس أبيه يوقف على هالشي..
الذكريات بتذبحني تعبت منها

بلغي الهيئة على زوجك


وهم يتعاملون مع الموضوع بكل سرية ..


الله يفرج همك وهم المهمومين

والله مدري اش اقولك لو قلتلك اشتكي الهيئه .. زوجك بيكشفك .. حاولي تتواصلي مع الهيئه و يمسكوه ب قضية خلوه من غير لا يعرف انك انتي اللي مشتكيه عليه .. و عليك بالاستغفار الله يفرج همك يارب