السلام عليكم
حبيت اكتب لكم قصتي عن تركي لتشقير
طبعا كأي بنت كنت احب اسوي كل شي جديد وغريب واذكر لما بدا ينتشر التشقير كان غريب شوي كنت في اول متوسط وكان فيه بنت رسبت وكانت في فصلنا وكانت تشقر هي واختها وكانو الوحيدات في المدرسه الي يشقرون وكنا ننظر لهم بدونيه ونحس انهم ارتكبو جريمه وصايعات الله يستر عليهم وين ما كانو
جابت امي التشقير وكانت تشقر هي واختي الي بثانوي وكنت احسه شي غريب وموظه ودي اجربه ودي كل البنات يشوفونه علي ويقولون اني ع الموظه؟؟
كان ودي اجرب اي شي يخليني اكبر في عين البنات وكل البنات يمشون ع هلقاعده اي شي الكل يسويه لازم نسويه احنا ولا في اعتقادنا نكون منبوذات اذا ماسوينا الي يسوونه
مثلا وحده من صحباتي كانت فله وشوي متسلطه وتحب تضارب البنات وكلمتها الي تمشي كان ابوها متزوج 4 وهي واخواتها في نفس المدرسه وحتا عمتهم زوجة ابوهم كانت في نفس المدرسه وفي اعمار بناته
الموهم منعهم ابوهم يلبسون شورت قال تلبسون رسوال طويل البنات كلهم لبسو طويل وطبعا يفتشهم قبل ما يطلعون من الشقق وصلو المدرسه وجت ذي صديقتي وسألت اخواتها لبستم سراويل:-)؟ قالو ايوه وجت توريهم مالبست الا شورت وهي تظحك وتقولهم انها قصت السروال من الساق لركبه ولبسته في رجل وحده ويوم جت بتطلع رفعت مريولها من جهه الرجل الي فيها رسوال*_*طبعا الشيطان انصرع الفكره جديده عليه ههههه طيب ليش هذا كله مع ان الرسوال الطويل ادفا واريح لنا في هذاك السن بس نحب نقلد اي شي
وبرضه كان لي صديقه شعرها ماشاء الله تبارك الرحمان لركبه وكثيف واسود ونعومته متوسطه ولا مره عمرها قصت هذيك السنه انتشرت قصه البوي وكل البنات بين قصه ايمو وبوي والي رفظت امها راحت تقص هي وتعدمه وتداوم منحرجه وتقول الكوفيره خربته الله لا يوفقها<<<
طبعا تسليكه البناتت واليوم الثاني تروح صالون وترتب شعرها بقصه بوي ولا ايمو
طبعا كان هذا الحال بلمدرسه محد يبي يكون اقل من احد بالموضه حتا لو كانت حرام
تزوجت وبعد سنتين رجعت اكمل دراسه يعني البنات الي كانو في اول متوسط وانا في ثالث متوسط
صارو في اول ثانوي دخلت الفصل واذا بلوجيه مألوفه بس مو هم الي كانت نعومه صارت عربجيه ومشمره والبنت الي كانت ملكه جمال وطبيعيه صارت مسويه حواجب كأنها شوارب مدري البنات فاهمين الثقه وقوه الشخصيه والجمال غلط مدري استخفو
نرجع لموظوع التشقير كنت انا انتقد المنمصات انتقاد قوي في نفسي وكنت اجمع برود كاست واحاديث وارسلها لهم خصيصا وكنت اقول ليش المنمصه تصلي اصلا دام تدري ان ربي لا عنها يعني بس تطمن نفسها تطمن نفسها انها ع صح اذكر وحده حرمه كبيره في مقام امي عمرها في 40 ومره جت من عند الكوفيره لعندي وسالتها شقرتي قالت لا قصيت قلت حرام يختي انمص قالت لا النتف الي حرام يختي تلعبين ع مين على الله
تخدعين مين !!!اخدعي نفسك بس لاتتعدين حرمات الله وتخدعين الله انتي مثل الي يقول الخمر حلال نشربه في كاس بلاستك بس حرام نشربه في كاس زجاج
نفس المعادله
مر فتره مافي عندنا زواجات مر اربع اشهر وبدت تظهر حواجبي وقلت يلا بخليها بدون تشقير عشان اطلع تركيه هع
لا حظو ماتركتها لله
بعد فتره ماعجبني شكلها مره وكانت عريظه ولا دخلت مزاجي ورحت شقرت
في يوم سمعت او قريت ما اذكر
فتوى لشيخ بن باز
انه في البدايه حلل التشقير وبعدين يوم فهموه ايش التشقير قال خدعوني خدعوني <يقصد الحريم
وقال ان هذا تحايل على الله مثل اهل السبت لما نهاهم الله عن الصيد يوم السبت صارو يحطون شباكهم يوم الجمعه وياخذونها الاحد وتحايلو على الله
وطبعا بعد ماسمعت ذي الفتوه ماحبيت اتحايل على نفسي واقول لا الشيخ الفلاني حلل ولا اجي زي الي تقص اقول القص حلال والنمص حرام
قلت مو معقوله اقنعهم ان النمص حرام وانا ما اقتنع
وتركت التشقير لوجه الله لوجه الله بس
والله كل ما بدا يروح التشقير ان حواجبي تحلا اكثر اقسم بالله اني صادقه ماشاء الله وكنت ادعي ربي انه يعينني ع تقبل شكلي والله كان عندي مشكله ان حواجبي مو مرتبه من النص نحيفه ومن الطرف عريضه يعني المفروض تكون العكس والله الحين تعدلت المشكله
انا ما أبالغ ابد والله على ما اقول شهيد
الله يهدينا وايأكم وان شاء الله تفكرون عدل وتشترون اخرتكم
ودعواتكم لي
احببببكممم في الله
يلزم عليك تسجيل الدخول أولًا لكتابة تعليق.
شكرا حبيبتي بس انا ماحس التشقير جريمه اما النمص امقت اللي تسويه وتعرف حكمه وعلى فكره الله ماحرم النمص الا لانه فيه مظره والشعر مكانه حساس ويقولون له صله بعروق الدم
الصفحة الأخيرة
بس الله يسامحك طولتيها و هي قصيرة
لا تزعلين مني