قصتي العجيبه الي سمعها تعجب منها يوم سميت بسم الله خلصت المعانات

اولا هاذي القصه صارت لي من ثلاث سنوات
المهم انا كنت ادرس وتوني متزوجه المهم دخلت البيت وصليت ورحت المطبخ اسوي الغدا وانا راسي صاكنى من الكليه :09: المهم ادور اسرع واسهل شي اسويه على الغدا من التعب سويت صينيه دجاج مع خضار قطعت الخضاروالدجاج بسرعه وحطيتهم في صينيه بايركس وحطيتهم بالفرن رحت اكمل شغل البيت وهاذ التلفون يدق رديت وانا اسولف مادريت الاوصوت يطلع مع الطبخ صكيت التلفون واركض لمطبخ واثر الصينيه متكسره والفرن يخرخر:eek: رحت امسح الفرن وانضف واعيد الصينيه منجديد والرجال مابقى على جيته شي قلت الله يعين ودي اسوي فيها قدامه سنعه:hahaha:
المهم واشوف الخضار كلهاقزاز وادخل الصينيه الثانيه للفرن وغيرت نوع الصينيه قلت يمكن مو اصليه
واروح ارتاح شوي بالصاله وافتح التلفزيون واسمع صوت اشد من الاول قلت الله يستر هاذولا الجيران انفقعت صينيتهم وشوي وان اشم ريح الغاز قلت قومي يالسنعه شوفي طبخ هاذا مب طبخ الجيران واشوف الصينيه نفس الشي والله والله اني قعدت اصيح قلت وراك وراك يالصينيه واثر هاذالرجال يدخل:arb: والفرن يخرخر قال وش فيه واقعد اقص القصه ابيه يفهمها ويقول ارتاحي ياعمري اجيب من المطعم قال خلاص ابنام ولا خلص الغدا قوميني واحقد عليه :30: وامااتوب وسوي الصينيه مره ثالثه ومير اسمي والحمد لله ضبطت الصينيه بدون اي انفجارات اوزلازل اثاري بسم الله ترد عننا شي كثير :eek: وخلصنا ونسيت اقولكم من القهر على ابو الشباب قلت مافيه خبز اطلع جب والمطبخ مليان ان كيدهن عضيم