السلام عليكم ورحمه الله وبركاته ببدأ بسرد قصتي من البدايه واتمنى اللي تعرف منكم حد يفهم فالرقيه او هالامور تعرضون عليه الحاله ساعدوني تكفون املي فيكم بعد الله لان ماحد تحرك من اللي حولنا
بدايه القصه هو انه زوجي موظف وظيفه زينه ومرينا بضروف كانت صعبه ولكن الحمدالله تحسنت بكثير واشترى سياره اقصاد جديده بعد معاناتنا مع المستعمل وخراباته واثث لي البيت بعد التنقل بالشقق المفروشه وماكان يقصر علينا بشي المهم لم تمر حتى 3شهور على هالحاله وتغير كل شي اللي صار فيوم كنت نايمه وحلمت بان رجل يشبه عم زوجي يعطيني جاكيت ويقلي هاذا جاكيت فلان عطاني وراح وانا بالحلم شي قلي افتش الجاكيت فلما قلبته وقلب الكم من جوه لقيت فيه خياطه مكتوب فلانه ستاتيكم قريبا طبعا اسم بنت عم زوجي المهم وصحيت مفزوعه وطلعت من غرفتي عالصاله وكنت فبيت اهل زوجي لان زوجي مسافر لعمله فلما طلعت من غرفتي بعد ماصحيت من الحلم لقيت ابو زوجي متضايق ويتكلم يقول بان زوجي ترك عمله ويتغيب فالبيت مايروح للدوام فتضايقت هالكلام فشعبان ولما كلمت زوجي قلي ماقدر اروح احس شي يمنعني اتضايق وارجع وساعات يقول صح هالكلام ساعات يقول لا المهم جا عندنا فرمضان عاساس وفيوم جيت بانام قام وضربني ضرب قوي وجرني من شعري وقال انا مابغاك ومن هالكلام وابوه وقف معي وخاصمه وفنفس اليوم بعد مابكيت نمت حلمت اني فنفس الغرفه اللي ننام فيها ان كل الارضيه حفره مظلمه سوداء وان فيه قطه بيضاء متسخه في نفس الغرفه وانا فالغرفه طبعا حواف الغرفه بس ارض الباقي كله حفره فجيت بطلع القطع كنها بتهجم عليه واحاول اهرب اخر شي جيت باشيل توصيله الكهرب باخذها وبطلع من الغرفه طاحت القطه فالحفره وطاحت فوقها التوصيله فخفت تطلع تنتقم جيت بطلع من الغرفه قربت عالباب صرت مشلوله
فيني قهر @fyny_khr
عضوة نشيطة
يلزم عليك تسجيل الدخول أولًا لكتابة تعليق.
فيني قهر
•
2_واطالع وراي الا القطه طالعه من الحفره بتلحقني وحاولت ازحف حتى طلعت من الغرفه الا بنتي الكبيره جات ودخلت الغرفه فلما كنت برا طالعت لقيت زوجي وامه وابوه واقفين قلت لهم عطوني مفتاح الغرفه بطلع بنتي واقفل الغرفه وصحيت مفزوعه كذلك ومرت الايام وزوجي فعلا ترك عمله ومشاكل في مشاكل دوم مشاكل ساعات احس شكله مو زين وساعات اتمنى الطلاق كثير ومشاكل ماتنتهي وضرب واهانه وجلسنا عالحال ممكن 4سنوات وحسيت ان الموضوع فيه حسد او عين ولكن اللي جعلني اتلخبط فتحديد ماهي حالتنا بالظبط بيجيكم فالسطور القادمه وهو اني حملت وجبت ولد وتعبت فالولاده والمشيمه تقطعت فبطني وسويت عمليه تنظيف وتبهذلت ولكن الحمدالله على كل شي اللي صار انه بعد ولادتي ب28يوم يعني نفاس كنت صاحيه مع ولدي واهل البيت كلهم نايمين جا فبالي فجأه موضوع العين وجلست اقول الحين بسوي فجوالي رساله وارسلها للكل دعاء اذا اصبت احدا بعيني دون قصد يالله فاغفرلي واشف المعيون وابطل عيني وجلست استودع الله كل اهل البيت زوجي وابنائي واهله واهلي وكل غالي ولكن ماذكر اني استودعت نفسي هالكلام الصباح عالساعه7وجلست صاحيه مع الولد الين 1الظهر نام وانا نمت 1ونص انسدحت ومادري هل كنت صاحيه او غفيت او حلم مادري بس شفت فنفس الغرفه فوق قرب السقف راس امرأه جمجمه وشعرها طويل للارض طبعا راس دون جسم وكانت تطالعني وشوي تطالع زوجي وهكذا مثل اللي تختار حتى جاتني مسرعه وحسيتها ضربت وكانها دخلت جسمي من جهه اليسار ورجفت وصحيت عالساعه2الظهر يعني نص ساعه بس فلما صحيت حسيت مثل النمل فراسي يمشي بغيت انجن حاطه ايدي على راسي واتحرك وشوي جا ابو زوجي يدق الباب بيصحينا للغدا سمعني اون نادى زوجي مارد فحاول الين فتح الباب دخل لقاني الجزء العلوي من جسمي طايح من عالسرير
فيني قهر
•
3_بس رجولي كانت عالسرير(ابوزوجي يصير خالي اخو امي بالرضاعه)المهم دخل ومسكني رفعني عالسرير وصحى زوجي لان كنت اناديه مايسمعني وقت تعبت المهم صحى زوجي وشافني كذا قلي خالي شفيك وجو خوات زوجي وانا ابكي بس ابكي بقوه وارجف ارجف وخالي قرا عليه قران هديت شوي لكن عند سوره الفلق ابكي اكثر المهم اخذوني للمستشفى قالو ممكن عندها نقص دم عشان اني تعبت بالولاده وكذا المهم رحت وكشفت كان الدم8ونص وعطوني علاجات ورجعت طبعا كنت بسرعه اعصب لدرجه هاوشت الدكتور والممرضات اطلب تحاليل لانه كان يقول مايحتاج تحليل وبعد مارجعت البيت احس جسمي مهدود مددت شوي هالكلام العصر فنفس اليوم اكلت ومددت اريح وعلى قرب المغرب طلعت غرفتي وحسيت بضيق من اللمبه وطفيتها وصرت بس ابكي وابكي باستمرار من المغرب بكيت حتى الفجر المهم بدايه بكائي كل ماسالوني شفيك اقول ولاشي وكنت اتمنى وجود امي مع العلم امي متوفيه وابكي لاني ابيها وعالساعه11فالليل صرت امشي فالبيت ومعصبه ومدري وش ابي وهم وراي يسالوني شتبين اقول مادري ااشر بكتوفي فقط ماتكلم واذا تكلمت اكرر مادري وابكي اخر شي حسيت راسي بينفجر واقلهم ابي خالي يقرا علي بسرعه وطحت عالفراش وجا قرا عليه وكل ماقرا الفلق بكائي يعلى فجاه بصوت عالي ويقرا ويقرا وشوي قلي شفيك ويحاول معي فكنت ابكي ومسكره على عيوني بقوه بيديني واحكي له اللي شفته الظهر قال اجل هاتوها نطلع من هالغرفه ننزل تحت ولما نزلوني تحت طبعا برضو مسكره على عيوني مابي اشوف نور ولا ابي اسمع صياح ولدي الصغير كنت احط ايديني على اذني واقلهم سكتوه لاسمع صوته وجلسو يقرون عليه وكنت احس بوجود الشيطانه بالغرفه فطالعت لزوجي وقلت له ابي اعلمكم بمكانها وهو يقلي لا قلت الا ابعلم عنها واقله مكانهم هنا وواشر على مكان بحوش البيت عند شباك
فيني قهر
•
4_عند شباك موازي لمكان ظهور الشيطان بالغرفه اللي فوق يعني شكل عامودي ظهور الشيطانه فوق فنص الغرفه والمكان اللي اشرت عليه مقابل الشباك فالغرفه اللي تحت على نفس الخط العامودي وبعدها ااشر وكذا واشوفها تجي بتتقرب مني واغمض رغم ان حتى الغرفه تحت خليتهم يسكرون النور فكنت احاول اردها واقول للي عندي لاتقرون بس خلاص هي ماتخاف بس قولو حسبي الله ونعم الوكيل تروح كان لاقالو احسها تروح ولاسكتو ترجع وكنت اشوفها تجي جهتي او تروح جهه اخت زوجي كنت احس اني صرت وصخه صرت اشم ريحه كريهه واحس كل شي وصخ وشوي احس زي الشي يجري فجسمي من فوق لتحت والعكس وظهري يتقوس وعيوني احس حد يدفها لبرا وظاغطه عليها بيديني لجوه وشوي احس رجولي تتنمل خاصه اليسار فاثناء هالحركات كنت احس كانها تقول لي ياتطلع من ظهري تشلني يارحمي ياعيوني او تاخذ حد من عيالي او زوجي او ابوه او وحده من خوات زوجي فكنت ارفض طبعا هالوقت كله فالاحداث ذي كان الرقيه شغاله من وقت بديت احس بالحركه اللي بجسمي ويقلي زوجي طالعي فيني اقله لا بتطلع من عيني وتجيك يمسك ايدي اليسار اسحبها احسها بتنتقل له وبعدها اقول لزوجي خلني اعلمك وش تقول وبمكانهم قلي لا فلما كنت بقول تسكر فمي صار زي اللي مصمغ حتى زوجي حاول يفتحه مافيه فايده فصرت شوي اضحك شوي ابكي طبعا وفمي مسكر الين اشرت لهم ابي ورقه وقلم كنت اول ماتخط يدي اكتب مثلا اول حرفين ثالث حرف كانه ايدي تنسحب زي اللي يكتب معصب وبسرعه وخطي صار احيان مايوضح لزوجي يقراه اخر شي رميت القلم والورقه خفت ورجعت طلبتها وعطاني ونفس الشي تكرر اخر شي سمعتها فاذني اليسار تقول ياويلك تكتبين ورميت الورقه ورجلي انشلت واصابع ايديني الابهام انثنت للداخل وبقوه فبطلت اكتب والرقيه مازالت شغاله وانا ارجف وابكي واكلم زوجي بالاشاره
فيني قهر
•
5_واستمريت ااشر وابكي اخر شي صرت بس ابكي واحس بشي يجري فجسمي بقوه وشوي تكلمت وقلت انا مالي ذنب هم اللي ارسلوني وانا ابكي وشفت قدام عيوني زوجه عمه اللي عطاني الجاكيت فالحلم اول وبنته بس مو نفس اللي اسمها عالجاكيت بنته الثانيه وجدتها وكانو يضحكوون وشوي مع استمرار الرقيه اشوفهم زعلو طبعا بعد مانطقت قلت لزوجي شوفهم فرحانين وشوي اقله زعلو قال احسن خليهم يزعلون واستمرت الرقيه حتى حسيت شي انسحب من جسمي وحسيت جسمي برد وراحه فضيعه وقدرت انسدح على ظهري رغم انه كان لي كم سنه ماقدر انام على ظهري قالولي اهل زوجي انسدحي على جنبك قلت لهم خلوني كذا مرتاحه من زمان مارتحت كذا وقمت احس جسمي تعبان ومكسر وعيوني كانت وارمه بشكل يخوف لما شفت نفسي بالمرايه ودوني يغسلون وجهي انفجعت من كميه الورم وكانها فعلا كانت بتطلع المهم بعدها صرت خايفه على زوجي كل شوي اساله انت بخير الين نمت وصحيت على اذان الظهر وايدي اليسار ترجف بقوه ورقبتي متجهه عاليسار وترجف مثل المعاقين واحط ايدي على اذاني مابي اسمع الاذان واصيح الين ينتهي الاذان وارجع اهدى وكان حتى الاكل يمسكون رقبتي يوجهونها صح عشان يوكلوني لكن ترجع وكتفي اليسار يرجف ويالمني بقوه اقول لزوجي اضغط على كتفي بقوه احس بينفك واتالم ونفس الشي على كل اذان ارجف واغطي اذوني وارافس كان لازم يمسكوني الين يخلص الاذان وبالليل عالساعه11ودوني مستشفى خاص وطبعا دخلوني المستشفى بالعربيه ماقدر امشي انشليت والرجفه ولفه الرقبه موجوده وشافتني الدكتوره عطتني محاليل وحديد وكذا وقالت لهم ودوها لشيخ ورجعت البيت ووضعي افضل شوي بعد المحاليل والابر الين اذن الفجر ورجعت للرفس والصراخ وكذا وعالساعه7ودوني للشيخ طبعا كانو يسحبون رجولي ارجعها لورا لاارادي الين وصلنا عنده ومتمسكه بزوجي وخايفه
فيني قهر
•
اتمنى من المشرفات تكبير الخط ماظبط معي واكتب من جوال ماعرفت اكبره وساكمل بقيه القصه تابعوني
الصفحة الأخيرة