قصتي اللي لم تكتمل مع سرطان الثدي/ قديم
ترددت كثير في سرد قصتي مع سرطان الثدي*breast cancer* فالكلمات غير مايشعر به الشخص من معاناه ولله الحمد والمنه لم اكن اتخيل ان تحدث لي هذه القصه فانا في الثلثين من عمري لم اكمل حتى الثلاثين ولكن كما تعرفون هذا المرض لايعرف العمر اكتب البعض من تفاصيل قصتي هذه لتكون عبره لغيري
المهم حبيباتي انا بالنسبه للورم حقي قصتي طويله
شوي مع انه صار لي من اكتشفت الورم 8 اشهر وكانها كابوس سبحان الله يالله هانت. في يوم خميس اذكر اني كنت جالسه بالصدفه على كنبة الصاله وبالصدفه سبحان الله حسيت شي زي حبة الفاصوليا ماستوعبت بس شعوري كان مرعب مررره الله لايوريكم شر المهم كلمت زوجي في البداية ماصدق بس في الاخير جا ورحت مستشفى خاص للكشف سووا اشعه صوتيه للصدر وطلع الورم وللاسف طلع معاه كمان واحدمن تحت الابط من فوق نازل طبعا عالثدي كانت صدمتي شديده وكنت ادعي انه مايكون cancer طبعا هم شافو الورم بالاشعه بس مو قادرين ياخذوا عينه قالو نروح المستشفيات بالرياض مثل التخصصي وغيره هي متخصصه في هذي الاشياء المهم اتجهنا في هذيك الايام للتخصصي ولكن للاسف كالعاده مسلسل فتح الملف رفضوا رفض تام ويقولون لازم عينه لفتح الملف حاول زوجي يمين يسار رفضوا وانا طول هالمده على اعصابي وبالاخير بدال مانضيع وقت رحنا للحبيب وقابلتنا للاسف دكتوره كانت دائما تقولون بالانجليزي (انه سعيده من اجلك لانه ليس سرطان) هذا الكلام كان قبل العمليه طبعا وجالسه تطمن فيني حسبي الله وهذا اللي خلاني استانس وشلت فكرة السرطان من بالي تماماااا وسوينا عملية عند الحبيب لاخذ عينه مع انهم يعرفون ان فيه غدد بس للاسف مانظفوها لما سويت العملية كنت مررره مبسوطه قلت اخيرا افتكيت من الورم ودخل الدكتور بعد ماسويت العمليه يهنيني بالسلامه وسالته قالي مجردغدد ليفيه لاتخافين وشكل الدكتور براسه خايف وكانه المصاب ماعجبني شكل الدكتور سبحان الله يابنات كاني حسيت فيه شي بس قلت لنفسي ليش بيخبي علي العالم تحضرت والطب تطور ولا كان قالي عشان الحق نفسي. المهم في هذيك االليله يالللله ماتصدقون راحه بااالي كيف كانت وانبسطت بسط ورب البيت لوشفتوا وجه زوجي هو اللي استوقفني للاسف سالته ايش فيك شكلك منت فرحان ايش السالفه قال سلامتك وااله مومصدق انك تمام الحمدلله بس قلبي مارتاح لكلامه وعدت هذيك الليله بين فرحه الخبرمن الدكتور وشكل وجه زوجي كااان مررره متغير اتاريه عرف ان عندي (Breast cancer) حبيبي بس مابغى يخرب علي فرحتي المهم طلعنا البيت ومما زاد الامور توتر كان زوجي مره يفكر ويبحث عالنت في العلاجات الاشعاعي والكيماوي بدون مادري وبالصدفه في يوم كان على صفحة العلاج الكيماوي قلت له يمه منك ليش تفاؤل بالشر ماقاللك الدكتور ليفيه خلنا نرتاح المهم كان الوقت القاتل قال اقعدي قلت ايش فيك قلت انا عارفه ان اللي فيني cancer صح قال والله ان الطب تقدم لاتخافين حبيتي وهو بس بالثدي مرحله ثانيه وراح تعدين السالفه وبكون معاك لاتخافين وربي انه يتكلم وانا في دوامه اذكر انه طلع مشوار ضروري وجلس يكلمني كيفك كيف نفسياتك لاتتازمين انت راح تشفين ****لله لاتخافين وخصوصا انك صغيره بالسن كل شي راح يكون تمام حتى لوشالوا الثدي كله ماعندي مشكله اهم شي صحتك وجلس يكلمني عن عيالنا ***انا عندي ثلاثه عيال بنتين والولد الكبير**وسبحان الله العظيم ماتصدقون كنت ناويه احمل بالرابع بس في مره قلت اصلي صلاة الخيره عشان احمل هذاك الوقت او لا فسبحان الله طلع مااحمل فسبحان ربي العظيم كان يشوف قدري مع سرطان الثدي ورفض حملي **مااااااكرمك ياااارب*** واحمدك على مايجي منك.
المهم كلامه هدا شوي وعطاني امل بالحياة اااااااااااااااااه لوتشوفون كيف كل شي تغير ***اللهم اجرني في مصيبتي هذي واخلف لي خيرا منها***هذي الكلمات ولله الحمد كنت ارددها وانا للاسف في حاله من البكاء الهستيري ياااارب ثبتنا وارحمنا وقت الصدمات.
المهم كان عندي موعد بفيصل التخصصي بالرياض عشان يسوون لي عملية تنظيف قررها الدكتور اسامه قبل اسبوعين تجهزت للعمليه ورتبت اوضاعي وجبت لي شغاله عند الاولاد ترعاهم في غيبتي لأن للاسف مافيه احد من اهلي بالرياض فاضطريت اجيب شغاله تنتبه لهم .
المهم رحنا انا وزوجي لفيصل لاجراء العمليه ونوموني هذاك اليوم عشان من بكره اسوي العمليه وكانت نفسياتي مررره مرتاحه الحمدلله قلت في خاطري مجرد عملية تنظيف اهم شي مايخربون شكل ثدي واحمس نفسي للعمليه بالعربي ارفع من معنوياتي. بس للاسف طلع كلام غير وكان الصدمات تلاحقني, في عصر هذاك اليوم دق باب الغرفه وكان نسولف انا وزوجي قلنا من قالت النيرس هذي دكتوره هدى المهم استعديت وجلسنا دخلت الدكتوره السلام عليكم. عليكم السلم دكتوره كيف حالك والله طيبه كانت كل كلمه تخلي دقات قلبي تجري بسرعه مادريت ايش صار فيني وكأنني تنبأت ان فيه شي مايسر ابد قالت لو سمحتي ارفعي غطا وجهك قلت في خاطري كملت اكيد مصيبه بتفجعني فيه ياساتر يارب.قالت الدكتوره انتي عندك عمليه عشان ايش قلت الدكتور اسامه قالي عسان تنظيف الغدد تحت الابط يعني عمليه راح تكون تنظيف فقط. قالت اهاااا لا حبيبتي الكلام غير كذا تماما انتي للاسف السرطان منتشر في الثدي الايسر كلللله ولااازم نشيله كله مع الحلمه وعضلات الصدر والغدد اللمفاويه . يابنااات منتوا مصدقين اني ضحكت ضحكة هستيريه من الخوف ارتعبت من الخبر يارب تكفين يادكتوره قولي كلام غير كذا قالت انا والله اسفه فكرتك عارفه انو منتشر وللاسف ماسبب انتشاره في كامل الثدي الا عملية الحبيب. قلت اااااااه ويش بيدي يادكتوره وانا جالسه ابكي اطاع في زوجي وزوجي من هول الصدمه مسكين تزغللت عيونه ومانطق حرف حبيبي . قلت للدكتوره جيناكم قبل شهرين يادكتوره عشان نفتح ملف قلتوا ابدا لابد من عينه وحنا ماسويناها الا بالحبيب ليش تضطرونا على كذا ليش افرضي غيري يصيرلها نفس مشكلتي ايش ذنبنا يادكتوره قولي وجلست امسح دموعي تفشلت من الدكتوره بس اكيد انها بتعذر دموعي وردة فعلي المفاجئه . المهم قالت وقعي عالورق حق العمليه قلت لها شوي عطيني وقت وبرد لك خبر قالت عادي على راحتك وراحت الدكتورة وقالت برجع اذا تبغيني في أي شي ماكذب عليكم الدكتوره هذي قمه في الاخلاق ومحترمه والحمدلله انها اللي وصلت لي الخبر . المهم طلعت الدكتوره برا الغرف هوانا رجعت امسح دموعي والبس طرحتي كاني بالغرفه وكاني مو بالغرفه وزوجي المسكين ساااااكت قلت هاه ايش رايك نوقع عالاستئصال الكامل او لا في داخلي لألألألألألأ قووووويه وفي داخلي نعم قويه فلا لاني مابغى استاصل ثديي و نعم لحد انتشار المرض لباقي جسمي اذكر زوجي قام يدور بالغرفه يفكر قلت ايش رايك شكلي راح اتوكل على الله واستاصله كامل احسن مايروح للجسم قال زوجي انا جالس افكر كيف اقنعك تقبلين بهذي الفكره الله يجزاك خير انك فاهمه الوضع زين هذا سرمدطان مو لعب والعقل فبل العاطفه في مثل هالخيارات . المهم توكلت على رب العباد وكلمت الدكتورة وجات ووقعت لها وكان قلبي يوجعني. ااااااه يابنات مانمت هذيك الليله ومن بكرة العملية الاستئصال الكامل لثديي . توكلت على الله وجلست اقرا قران وادعيه وحسيت الهم زال شوي سبحانك ربي مااعظمك. المهم جلست احمس نفسي واقول عادي فيه عمليات تجميل ثدي تخلية مثل الطبيعي وجلست ابحث عالنت وطمنت نفسي بس مانمت اذكره اذن الفجر وانا باقي صاحيه المهم سويت العمليه 11 ص وخلصنا2 الظهر وتمت على خير . امسيت هذاك الليل بالمستشفى وبكرة طلعت البيت.وجلست اسبو عين او ثلاثه لحد واتقفل العمليه والحمدلله تقفلت كنت احس شكلي غريبه مرررره وخصوصا لما اطالع منطقة ثدي واقول **ربي اجرني في مصيبتي هذي واخلف لي خيرااا منها** الحمدلله بديت اقتنع اخيرا على امل لنا اسوي التجميليه للثدي. المهم بديت اخضر للكيمو اللعين رحت وقصيت شعري بويه حتى الكوافيره استغربت بنتي عجبه شكلي قالت حلو ياما ليش ماقصيتي كذا من زمان فديتها والله وقصيت لبنتي شعرها قه حلوه اعجبتها ورجعنا البيت حسيت شكلي رجعت عشر سنين ورا القصه تغير شكل الواحد المهم.جا يوم الجمعه وقلت لزوجي يحلق شعري وصورني كذكريات وفعلا ماقصر حلق شعري ورجع حلق شعره فديته يبقي يسوي أي شي يساعدني فيه. الله لايحرمنا من بعض اللهم امييين. بدات جرعات الكيماوي الفظيعه صح بس والله يابنات ان اللي تتوكل على الله وتساله حاجتها يريح قلبها المهم دايما ادعي ربي يهدي علي جرعات اكيمو والاثار الجانبه والحمدلله بالرضى بالقدر ينشرح قلب الشيخ مهما كان جسمه تعبان اول جرعه بالكياوي كانت اصعب شي علي وهو شي طبيعي لان جسمي يدخله شي غريب والان انا بالجرعه الرابعه وبقي لي جرعتين وتكفووووووون دعواتكم لي مايرجع المرض من جديد لا هذا اكثر شي مرعبني يااارب انت عارف ايش في خاطري من امنيات حققها لي واعطيني الصحه ياااااارب والعافيه وطولة العمر وانجب عيال حلوين واشيل كلمة سرطان الثدي من قاموس حياتي وللابد ياااااااااااارب اللهم اميييييين
اسفه جدا جدا جدا عالاطاله هذي قصتي مبدئيا صح اني طولتها شوي ولكني اردت البوح بالقليل ممايكنه خاطري حبيباتي
اتمنى تعجبكم وشكرا :(:(:(:(:(:(:)
155
60K
هذا الموضوع مغلق.
@ام ميرال@
•
الله يشفيك ويحفظك لزوجك واولادك ويحفظهم لك وتعيشين بسعاده وراحة بال ويرفع مابك من بلاء
طهور ان شاء الله باذن الله ما تشفوين شر
واحسن ماسويتي انك شلتيه علشان ما ينتشر بجمسك
وياقلبي راح تسوين عمليه تجميل كل شي يرجع لوضعه الطبيعي وتري سرطان الثدي اهون بكثير من الانواع الثانيه ها يابطله شد حيلك ما بقي شي علي الجرعات وتخلصين منه علي خير يارب
واحسن ماسويتي انك شلتيه علشان ما ينتشر بجمسك
وياقلبي راح تسوين عمليه تجميل كل شي يرجع لوضعه الطبيعي وتري سرطان الثدي اهون بكثير من الانواع الثانيه ها يابطله شد حيلك ما بقي شي علي الجرعات وتخلصين منه علي خير يارب
طهور ان شاء الله باذن الله ما تشفوين شر واحسن ماسويتي انك شلتيه علشان ما ينتشر بجمسك وياقلبي راح تسوين عمليه تجميل كل شي يرجع لوضعه الطبيعي وتري سرطان الثدي اهون بكثير من الانواع الثانيه ها يابطله شد حيلك ما بقي شي علي الجرعات وتخلصين منه علي خير ياربطهور ان شاء الله باذن الله ما تشفوين شر واحسن ماسويتي انك شلتيه علشان ما ينتشر بجمسك وياقلبي...
يالله بكيت
الله يشفيك حياتي ويعوضك خير ويجعل حياتك انتي وابو عيالك كلها هنى وسعاده وراحه
يالغاليه والله يجعلها فميزان حسناتك ياقلبي
الله يشفيك حياتي ويعوضك خير ويجعل حياتك انتي وابو عيالك كلها هنى وسعاده وراحه
يالغاليه والله يجعلها فميزان حسناتك ياقلبي
loli la
•
دمعت عيوني وانا اقرا معاناتك
اكيد استئصال الثدي شي صعب على المرأه
ولكن له حلول تجميليه
انا ممرضه وومن يومين كان عندنا مريضه بتسوي هالعمليه ........لكن الدكاتره ما شرحلوها الا قبل العمليه بويمين
وكنت افكر ..كيف بيكون وقع الخبر عليها...لكن ما كنتن موجود ف ذاك اليوم ..الللي قالولها فيه عن حالتها
والواحد دايما قبل اي عملليه لازم يستشير اكثر من دكتور
نحنا عندنا اطباء ..ما يفهمو بالطب..وفي كذا طبيب ما شالله عليهم ..روعه..عندنا طبيب بس يسوي فحص الثدي بيده ..ويعرف اذا هذا سرطان او لا..ما شالله عليه
والحين قرات قصتك....الله يعافيكي ان شالله وويبعد عنك كل الامراض
ولا تنسي ان الطب النبوي موجود ....كلي عسل وحبه سودا ....اكيد هذي الاشيا بتفيدك ..
اكيد استئصال الثدي شي صعب على المرأه
ولكن له حلول تجميليه
انا ممرضه وومن يومين كان عندنا مريضه بتسوي هالعمليه ........لكن الدكاتره ما شرحلوها الا قبل العمليه بويمين
وكنت افكر ..كيف بيكون وقع الخبر عليها...لكن ما كنتن موجود ف ذاك اليوم ..الللي قالولها فيه عن حالتها
والواحد دايما قبل اي عملليه لازم يستشير اكثر من دكتور
نحنا عندنا اطباء ..ما يفهمو بالطب..وفي كذا طبيب ما شالله عليهم ..روعه..عندنا طبيب بس يسوي فحص الثدي بيده ..ويعرف اذا هذا سرطان او لا..ما شالله عليه
والحين قرات قصتك....الله يعافيكي ان شالله وويبعد عنك كل الامراض
ولا تنسي ان الطب النبوي موجود ....كلي عسل وحبه سودا ....اكيد هذي الاشيا بتفيدك ..
الصفحة الأخيرة