قصتي المأساوية مع الولادة الفوجائية .................

السلام عليكم خواتي انه عضوة متابعه للمنتدى بس كسولة شوي يعني رصيدي مافيه مشاركات واايد .
بس حبيت اتواصل معاكم واسرد لكم الي حصل لي وانه في 23 اسبوع من الحمل .
في البداية هذي حملي الاول بعد 11 شهر زواج (يعني بالموت)
حملت والحمد لله ...........
في البداية كان الحمل جدا متعب بالنسبة لي لاني كنت اتوحم ابطريقة جداا صعبه كنت اكره كل شي ايخص زوجي .الغرفة ريحته ملابسه شكله طاريه ............. :D
كل هالاشياء خفت وقلت شوي يوم دخلت الشهر الرابع بس الترجيع تم معاي لي ما صار الي صار .......
اتذكر كان يوم الجمعه 28-11-2005 من الصبح الم في اسف بطني تجاهلته بس اهو ما تجاهلني جاء وقت الفطور وفطرنا لان كان رمضان وبعد الفطور مباشره الا ذاك الشلال من الدم الي ينزل جان اموت من الخوف اصراخ واصياح وخذاني زوجي المستشفى جان اتسويلي القابله سونار جان اتقولي ان البيبي خلاص راح ينزل يعني ولادة مبكرة
جان اصلرخ واصيح واقو ل لها لا لا لا قولي غير جذي قامت مسكينه اتواسيني واتقولي صبري الله بيعوضج الي احسن منه انتيي للحين اصغيره .
المهم خذوني ونوموني في المستشفى وقالو لي اذا ما فيج الم راح انسوي لج ربط باجر الي اهو السبت .
لكن انه كان فيني الم وكان الم الطلق . تم معاي الالم يحمى ويحمى لحد ما وصل للقمة .
بدا الالم بسيط من الساعة 9الى 11 بالليل وبعدها زاد لدرجة اني كنت امفكره حالي راح اموت من 11 الي 11 الظهر يوم السبت وولدت وجبت ولد ايجنن بس ما رضو ايخلونه في الحضانة لان وزنة 400 جرام وطبيب الحضانة ما يقبل الا الي اكثر من 500 غرام (ظلم )
وبس خذوني حق غرفة كبيره كل مراة يمها ولدها الا انه وقامو ايسألوني عن ولدي وقمت اصيح واصارخ
بعد ساعتين جاني زوجي وقالي انه بيروح يدفن الولد لان مات.
بس وتمت حالتي النفسيه تعبانه والدليل اني توني اقول لكم القصة .
ومن فترة اسبوع رحت حق الفحص وقالي الطبيب من قصتي يتضح انج عندج قصر في عنق الرحم وفي الحمله الجاية لازم انسوي لج ربط في 12 اسبوع من الحمل .
وقالي لازم على الاقل اتمين 3 شهور ما تحملين بس انه ماعلي منه متى ماربي رزقني ما باقوول لا . :( :( :(
بس الي ابغي اعرفه من الي حصل لها نفس قصتي او سوت عملية ربط .
اتعور او لا , اقدر امارس حياتي طبيعي اروح واجي او لازم كله في السرير لاني ادرس وما بي اعطل دراستي ابغى افتك واخلص . :( :( :( :(