قصتي المأساويه اقروها وافيدوني جعلكم للجنه وجعل كل من ترد ماتفقد غالي

السلام عليكم ورحمة الله وبركاته
واللهيابنات محتاره من وين ابتدي معاكم والا وش اقول وش اخلي المهم بختصر لكم قصتي
تزوجت بعد الثانوي وربي رزقني بانسان صغير عقل سبب مشاكل كثيره م اهلي واخواني وازواج اخواتي
يتدخل فيما لا يعنيه سكنت مع اهلي الين تخرجت
وحق حريم ودايم اكتشف بلاوي بجواله وليته فوق هذا كله شكله زين بعد التخر ج رحت معاه وصارت مشكله كبيره ومع الزعل قال عني شرموطه وتدخلواالاهل ورجعت له
توظفت ورحت لاهلي بحكم ان الوظيفه بمكان سكنهم وكان يتردد لعندي كل شهر ورجعنا للمضايقات يدخل ويطلع بدون اذن يحاول يشوف اخواتي عينه طويله بالمختصر
فكرت استقل فقلت نسوي بيت وتدينت اكثر من مره
واختلفنا ع نكتبه باسم مين علما ان الارض له هو المهم رفض نكون شراكه وانا سجلت بعض حقي وكان بس يسجل اللي استلمه بدون فوائد البنك قلت يلا نمشي الحياه
واتدينت مره ثانيه واخذت له سياره وعطيته 30الف ونفس الشيء الفوائد ما يحسبها رغم انه هو المستفيد
غيور مره ومايبي احد احسن منه فاذا طلبت اروح لأخواتي يتضايق وينعفس وجهه ويقول خلي احد من اخوانك يوديك ويطفشني باتصالاته متى ترجعين وخلي احد يجيبك انا تعبت من وضعه هذا وقلت شوف ياانت توديني وتيبني بنفسك يا لا تقول لا تجين مع زوج اختك وهذا بوجودها معي بالسياره قال لا تجين مع اخوانك او ابوك غيره لا قلت دام ماتبي توديني ولا تجيبني لا تقول هالكلام
قام قال انتي تتمنين ازواج اخواتك هنا انا كانه اطلق علي رصاصه انفجرت
وقال اذا بتروحين معهم انتي طالق ووو
رجع يتأسف وماكانه سوا شيء بس انا حسيت اني بلا كرامه وكنت ادوس ع نفسي عشان الاولاد
لكن ماسامحته من قلبي وباين علي الزعل حاول يراضيني مره واثنين لكن يرجع يدخلني بمشاكل اكثر ولا يمكن يعترف انه غلط
مشيتها ورحت لاهلي ومن حقارته دخل الحوش وكان فيه بنت اخوي باول ثانوي قالوا له بناته بابا فلانه هنا قال واذا وش اسوي يعني بكل وقاحه وتوضا وطلع
البنت علمت ابوها قام دق عليه ولعن خيره انا كنت عند اهلي مره الموقف احرجني وطيح وجهي وقمت احاول الملم الموضوع قلت تراه يحسبها زي بنته قال
لا هذي حقاره وبعد يقول واذا يعني مااحد هامه علما ان بنته باول متوسط ويغطيها واذا جات بيت اهلي يقعد يحرص عليها
مسكني ابوي وقال انتبهي لاتكبرين المشكله ولا تكلمينه فيها ترى اخوك كبرها وهي ماتستاهل مسكين مايبي اتمشكل وقال كلميه يعتذر من اخوك كلمته وبعد جدال وافق وتأسف من اخوي
لكن انا اكله بنفسي الحركه ذي صبرت اسبوع وبعدها نكش الموضوع هو وقلت له انت كيف تسوي كذا وووو المهم قال اصلا انتم نيتكم وصخه وانا ماكان قصدي ونيتي طيبه واخوك خبيث ومن هالكلام طلع نفسه منها لدرجة قال انتي ماعاد تروحين لاهلك كل شوي والعيال ماتاخذينهم بدا يلوي ذراعي قلت تحلم والله اهلي بروح لهم قال ماتروحين الا باذني وبدا يتمنذل قلت اهلي لو ماتئذن لي بروح لهم مو بكيفك وقال اذا قلت ماتروحين ورحتي لاعاد ترجعين قلت اجل من الحين ودني لميت عفشي ورحت لهم قعدت اسبوعين ورجع يرسل ناس يصلحون بيننا رجعت ببعض الشروط اللي اصلا هي من حقي زي اني ماعاد اصرف معه ولا ريال واقطع بطاقة هويه وافق بعد تعب
وجلست سوه ماتخلو من المشاكل المتكرره وكل مايزعل يقول تروحين لاهلك لحالك
انا غسلت يدي من الانسان وعرفت ان عقله صغير لكن ابتلشت عيالي مايبونه ويترجوني اقعد معهم حاول وحاولت ودست ع نفسي كثير لكن رجع يبي يربطني اكثر وقال ابي عيال (عندي بنتين وولد الولد اصغرهم9)
قلت طيب انا ابي تسجلني شريكة معك بالبيت لكنه يماطل وتزاعلنا وانكر وجحد كل فضل لي وقال ان حياته معي جحيم قلت اذا حياتك جحيم طلقني ودور ع الجنه المهم منعني الحين من زياره خواتي بس اروح لاهلي واتصلت عليه يوم قلت بروح لاختي ورفض قلت معليش انا بروح قال اذا رحتي لاعاد ترجعين لميت عفشي وطلعت وهو كان مستلم واخذت عيالي مع انه قال لاتاخذيهم ورحت لاهلي وبطلوا روحتهم عند اختي عشان لايكبرون المشكله انا نويت اخلعه لان اخواني قالوا عيالك ياخذهم عن طريق المحكمه لكن رسل ناس وابوي سلمهم العيال وهنا انا ضعت لكن بداخلي كره له ولافعاله الحمقاء رجع يكلم ابوي وليته يعترف بخطاه لا يقول هي ماتسمع كلامي والمفروض ماتطلع وهي ناشز وكلام فاضي قال ابوي ليش ماتبيها تزور خواتها قال هم مايجونها
للمعلوميه قال للشيخ حقنا قبل كذا ان خواتي داجات ويسهرون لاخر الليول وهي تبيني اخليها زيهم )
ازواجهم زعلوا من الكلام اللي سمعوه عشان كذا ماعاد جوني اخواتي وهو اكذب من مسيلمه يقول الشيء وبعدها يحلف ماقاله انه مقولبنه شيء ماقاله ومهي اول مره هذا طبعه الكذب واللف والدوران
حاول يرجعني قلت ماارجع الا اذا سجلني شريكه معه بالبيت وماابيه يمنعني من زيارة خواتي ولا اهلي وهنا جن جنونه وانا كيف اتشرط عليه قال له ابوي روح لزوجتك واطلب منها السماح واتركوا المشاكل قام قال ليش اروح لها وهي الغلطانه ويخلي الى اخر الليل ويجي يطلبني اقابله واذا قابلته قال ارجعي ومايصير الا كل خير قلت تبيني وافق ع شروطي قال مالك علي شروط
قعدت شهرين عند اهلي ورجع حاول فيني وقال البيت اذا جيت بكتبه بدون محد يدري قلت طيب تعال كلم ابوي قال ليش اكلمه قلت ماارجع معك الا اذا كلمت ابوي مابرجع كذا من عندي قال لا زي ماخرجت ترجعين وانا مابكلمه لو ايش تركته فتره ورجع يحاول فيني قمت تنازلت عن شروطي القديمه واشترطت عليه اني ماعاد اجيب منه عيال (السبب عندي لانه غدار وماابي اذوق عيالي التعب والحرمان مني لان هذا ع اتفه سبب يقول روحي لاهلك اناني همه نفسه
والشرط الثاني اذا بروح لاهلي اخذ عيالي رفض في البدايه بعدين وافق ورجعت بيتي
لكن طلع محرض الاولاد اني اذا بروح يقولون هم مانبي نروح معك وهم علموني المهم قلت قولوا لي كذا اذا دخل وفعلا سووها وسويت نفسي اني فاهمه انهم محرضين وهو بعدين قال ايه انا قلت وجلسنا نتهاوش قلت ليش توافق ع الشرط دام هذي نيتك ورجع يبرر كالعاده وانه اهلي ماهمهم هو يبوني انا والعيال بس
المهم بعد عناء اخذت العيال لكن في كل مره يغتاظ وينقهر واذا تهاوشنا يرجع يمنعهم من الزياره
ورجع نقض الشرط الثاني وقال ابي عيال قلت انا شرطت وانت وافقت قال لا مالك علي شروط واذا ماتبين عيال انا وش ابي بك
الشروط كانت شفهيه
الحين يابنات وربي ان حالتي حاله وبناتي يحزنون وانا ماعاد اعرف اتصرف
شوروا علي تكفووووووون طالبتكم كل وحده تدخل تدعي لي بالفرج وتشور علي اعتبروني اختكم الله لايوريكم اللي انا فيه
وش المعمول به في المحاكم السعوديه من ناحية الحضانه
لان عندنا في منطقتنا يحكمون بها لصالح الرجل الا اذا اثبتت عليه اشياء تمنعه من الحضانه