طبعا الاغلبيه يتذكر اني كنت باموت و اولد من التعب و الثقل حتى الكل كان مستغرب شعندي ابي اولد
وكنت اروح للمستشفى ويقولون لي للحين وراج خط طويل وانا ارجع صايحه
المهم يوم من الايام >>>باقول روايه ههه
المهم جاني الم بسيييط قلت خلني اشرب قرفه(دارسين) وفعلا شديت حيلي وسويت لي ويوم شربته جاني مغص شدييد
قلت يالله بديننا شكله هو .. واشرب و اشرب لين حسيت ان بطني قام يلف ويدوور خخخ
و انتظر لين الفجر عشان اقوم زوجي >> يعني مراعيته وتبيه يشبع نوم ..
قلت له قووم بطني يعورني ومسكيين
بسرررعه قام و صلى حتى ع السريع >> دوشت الريال
المهم رح المستشفى ويعاملوني برروود الله ياخذ العدو وانا دمووعي اربع اربع مع ان الالام خف يوم رحت هناك هههه بس كان لازم امثل عشان يدخلوووني غرفة العمليات
كشفت علي الدكتوره قالت لي مافيج توسع :( و التخطيط يقوول ما فيج طلق >> قمة الاحراج
قمت قلبت الموضوع قلت لها بس انا تعبانه وابي اولد خلاص وصلت حدي ولددوني ولا عالاقل عطووني تاريخ حق القيصريه
قالت ما يصير انتي مافيج شي بس شكل الالام اللي تجييج قرب ولاده خلننا ننتظر الطبيعي احسن قلت طبيعي طبيعي ما يهمني المهم تمسكوني عندكم>>غصب خخخ
المهم مع الاقناع قالت لي خلاص بنخليج تحت الملاحظه و ينقولني الغرفه وانا الابتسامه شاقه ويهي شق قلت خلاص قصيت عليهم وو دخلت المستشفى
وو احتليت السرير
مر يوم . يومين .. ثلاثه والتخطيط يقول مافي طلق والالم خف علي .. اصلا طار هههه
قلت مدامها طبيعيه خلوني اقوم امشي .. واقوم واهري نفسي مشي ..يجوني الممرضات يدوروني وانا صلا شغالهه عالماراثوون
ونفس الشي لا انا ولا الطلق .. جاتني الدكتوره وفحصتني 2 سم بس ومافي طلق ..جان تقولي رووحي البيت واذا جاج الم اقوى تعاليلنا
وعينها ما تشوووف الا شرار طالع مني ههههه تميت اصرخ وانافخ مابي اطلللللع >>> والله جنها طاردتني خههه=
قالت لي رووحي رتبي اغراضج ووجهزي اموورج وانا مابي ماسكه بالسرير بالقوووو
وووو في الاخييير قلت امري لله بس طلعت وانا مشووطه وحتى كرتي جات بتعطيني اياه الممرضه حذفته قلت لها مابيييه خلووه لكم ..
رجعت البيت وانا مب متطمنه ووو اقوم وواقول حق زوجي باروح حق الدكتوره الخاصه (عيادة مريم سلمان) وهاذي تقاريريها تقول حق تقارير المستشفى قوموا وانا مكانكم
و المستشفى ياخذون فيها على طول ..رحت لها مع اني دخلت العياده 3 ونص ما شفت الدكتوره الا 10 قلت معليه المهم اخذ تقرير
اول ما شافتني قالت لي كم اسبوع لج ..قلت لها 37 اسبووع وحامل بتوأم قالت : وشعندج للحين ما ولدتي >> شغلت لي المأساه واصييح
المهم يوم كشفت علي طلع حجم البنت صغييييير والماي حولها ناشف حتى انها ماتتحرك و الولد مقعدي وو المشيمه واصله حدها يعني اي طلق او الم قوي بيتأذون اليهال
قاللت لي اصلا شلون بيولدونج طبيعي البنت ما بتقدر تدفع نفسها وحتى لو نزلت الولد نازل بريووله شلون بيطلع ؟؟؟ هني اقلت خلااااص طفح الكيل
واخذ التقرير وكان مستعجل و اروح الطواري وو على طول انقلوني غرفه على ان اليوم الثاني بيمر علي الاستشاري (رياض) وو بيحدد لي الولاده
وو يجيني هالرياااض اللي من قبل محطمني ويقول ليش تبين تولدين تو اللناس
قلت له انا جيتكم من الاول وكنت ابي اولدج وقلتوا مافيني شي بس هالمره انا جايبة تقرير يقول الاوضاع مب مطمئنه .. اول ما شافه >> يبي يرويني انه استشاري
قالي مع احترامي لتقريرها بنسويلج تلفزيون من عندنا واذا تطابق بنعطيج طلق صناعي >>ياربي مادري ليش يعاندودني ..
وو نزلت وو سويت التلفزيون وكل وحده من ادلكتورات مخالفه الثانيه وحده تقول مطابق والثانيه تقول لا مافيها شي
المهم طلعت فوق على اساس ان في مشكله ولازم ولاده..ويجيني الدكتور وو يقول خلاص عشان خاطرج بس بنسويج عمليه يوم الاربعا >>> خرراااط .. اصلا مب مسوي لخاطري حساب
وانا طرت من الفرحه قلت خلاص تسجل في الملف ان الاربعا عمليه .. باروح يوم الثلاثا الصالون وباسوي شعري ووو ببديكير ومنكير هههه خبركم قيصريه ...
شوي الا تجيني الدكتوره تقول لا لا الحين عمليه @@
قلت شنوووو شنو عمليه الحين انتوا ماقلتوا يوم الاربعا ... قالت لا زحمه عندنا >> والله حاسه ان مب زحمه بس الحاله مستعجله
ووو تميت اقنعها باروح شوي وبارجع ما وافقت قلت خلاص وانا فرحانه وما خليت احد ما بشرته
و جاتني دكتورة التخدير وقعدت تعرفني بنفسها و قالتلي انها بتعطيني تخدير نصفي قلت لها لااااا مابي >> مع اني كنت باخذها بس حزة الحزه خفت
وو وافقت.. و شوي تجي الممرضه تركب لي القسطره مالت البول .. كرمكم الله .. والله بعدها بغيت اموت من الالم
تميت احافص في السرير ما دري ليش تألمت ... .
ونقلوني غرفة العمليات يالله شنو صقيييع بارده ... وو زحمه ..
جا دكتووور ابرة الظهر .. قالي يالله يا ماما خلج قاعده بوضعية مستقيمه . ولا تتحركين >>> خلاني انفض
والممرضات ماسكين رقبتي ووو و كتفي >>حسسوني بالخوف اكثر ...
المهم وعطوني اياها والله ماكانت تعور بس انا مادري ليش كنت اصرخ من غير دموع هههه
شوي الا سدحوني عالكرسي وو غطوا نصي بستاره و توم بيبلشوون الا قلت لحظه انا اشوفكم للحين \قالت لي الدكتوره اييه اكيد بتشوفين
قلت لها وييه واسمعكم بعد ... قالت اييه لازم بتسمعين انتي مخدره من تحت بس قلت لا لا مابي اشوف ولا اسمع قالت خلاص باعطيج منوم خفيف .. وفعلا ماحسيت بنفسي الا وانا في العنايه
والحمدلله جاو (سعد و بدريه) بداري جات قبل اخوها بدقيقه وووحده و الالم بدا بعد ما فج عني البنج بس الحمدلله عطوني مسكن ...
وهذي باختصااااااار شديد قصتي مع الولاده ... >> احلفي انج اختصرتي خخخخ
مجنونة قطر @mgnon_ktr
كبيرة محررات
يلزم عليك تسجيل الدخول أولًا لكتابة تعليق.
واااااو
•
هلا جنونه ...الف الف مبرووووك ياقلبي وعقبال عرسهم يارب...
الحمد الله علي سلامتك ................... وجعلهم من مواليد السعادة
والله يحفظهم لكي يارب ويبارك لك فيهم ................
والله يحفظهم لكي يارب ويبارك لك فيهم ................
الحمدالله على سلامتك .. ومبروك عليك بدريه وسعد ..
ضحكتيني يوم قلتي اشوفكم واسمعكم بعد خخخخخخخخ
ضحكتيني يوم قلتي اشوفكم واسمعكم بعد خخخخخخخخ
الصفحة الأخيرة