قصتي المعذبه مع تساقط شعري الا ان وجدت الحل اخيرا\ اكتفى من الردود

السلام عليكم
كيفكم بنات والله انا دايما ادخل النت ادور خلطات توقف التساقط عن شعري اللي كل يوم عن يوم يخف ويزداد فراغات حتى اني صرت الفه دايما وماافتح شعري ابدا حتى عند زوجي مايشوف شعري ابدا وتعبت نفسيا ورحت كم مره عند دكاتره مختصين واخذت علاجات وابر الميزو ثرابي ومافي فايده غير انهم بس يشفطو مني فلوس:44: حتى زوجي والله انه خلاص طفش مني وقال انتي مايمر شهر الا تبغى وصفة فلان وعلان ومستشفى وصيدله بس الحمد لله ربي هداني لوصفه اخذتها من النت ماادري ايش اسمها بس اكيد راح تعرفوها لما اكتب وصفتها ماشاء الله لا اله الا الله انه بدا يخف التساقط وبدا ينبت شعري حتى في الاماكن اللي ماكان فيها شعر قبل لايخرب شعري زي في نهاية الرقبه والسوالف نبت فيها شعر ماشاء الله
الوصفه هي ............
السدر وماادراك مالسدر

اغلي مويه واحط فيها ثلاث فصوص ثوم مفرومه في وقتها وحبه متوسطه بصل مقطع واغطيه واخليه يغلي على نار هادئه جدا عشان ماتروح الفائده لمده 10 دقائق واخذ زبديه واحط فيها ثلاث ملاعق سدر واصفي المويه وهي ساخنه احطها على السدر واقلبهم جيدا واخليها نصف ساعه واحطها على شعري وهي دافئه واخليها في شعري ساعه ونصف فقط ممكن ساعه او اكثر براحتك بس اهم شي تلفي شعرك بنايلون وتحطي منشفه على راسك عشان يكون دافي وبعدين تغسلي شعرك بس بالماء فقط وماتستخدمي الشامبو ابدا ابدا فترة العلاج الا للضروره وشوفي كيف شعرك بعد اسبوع
والله ناسبتني الخلطه مره والله يوفقها اللي حطتها بس عشان انا شعري مره دهني حذفت الزيت منه وماادري اذا حطيت زيت راح يوقف التساقط ولالا

انا استخدمت الحنه معاه وسقطت شعري بزياده وجربت كم زيت معاه مانفع جربوا هذي الخلطه وماراح تندموا