قصتي الواقعيه اكتشافي لخيانة زوجي وتصرفي معه سااار زي الالف الحمدلله

السلام عليكم ورحمة الله وبركاته
اخباركم ياحلوات عساكم للجنه مصيركم يارب
بدخل بالقصه على طول لاني مااعرف اعبر المهم
انا عزيزاتي متزوجه لي سنه و3شهور والقصه صارت في الشهور الاولى من زواجي يعني انا حملت على طول بعد عرسي بشهرين انا حملت زين وكنت في الشهر السابع كشفت ها الشي على زوجي اللي بعدين راح تعرفوه من تفاصيل القصه
اقولكم شخصية زوجي عشان تعرفون انا اشلون كشفت امر زوجي
زوجي ياطويلات العمر انسان اذا غلط في حقي يعتذر بس مايذل نفسه مره >>>>الحمدلله الحين تغير وصاار يراضيني بكل الطرق قولو ماشاء الله
وهدايااه كثرت في ذيك الفتره وانا مستغربه يعني تحسينه كانه غلطان ويداري على غلطه بكثرة الهدايا او انه يبي يبعد نظري عن تصرفاته واني ابعد أي ذرة شك عنه بس وين مو علي هالحركات وبدات الحاسه السادسه مثل مايقولون تشتغل
طبعا هو عنده جوال ثاني لاحظت انه يروح للمجلس ويتكلم هناك وياخذ الجوال الثاني معه ويدخل على الايميل ويكتب وبعد يدق عليه رقم ومايرد عليه هذا اذا كنت عنده وبعدين يوم من الايام دق عليه اخوه قاله بنزل عندك اتقهوا اهل زوجي ساكنين فوقنا وحنا تحت جاء زوجي قالي اخوي بيتقهوا عندنا قلت انا الحين قال ايه الحين انا استغربت لان الوقت متاخر وقاعده اسوي العشا واهل زوجي تعشو من اول لانهم يتعشون بدري وكان فيه ريحة طباخ المهم جا عندنا اخوه واعطيت زوجي القهوه وقلت له خلاص لا خلصت بدخل العشاء عندكم قال لا لا اخوي تعشا فوق انتي ناديني وانا اجي عندك نتعشا سوا قلت اوكي
دخل هو الحمام وترك جواله الثاني اللي عليه الشبه فوق التسر يحه وراح للحمام وانتم بكرامه وانا طيران اروح امسك الجوال وافتتح على الرسايل الوارده مالقيت شي وافتح المرسله والاااااقي الصدمه والطااااااااااااااااامة الكبرى
كان راسل لها خاطري اسمع صوتك
ورساله ثانيه كاتب اكيد انا مبسوط ياحبيبتي دامني اتصبح على رسايلك
ورسايل ثانيه شيكي على الايميل وغيره....بس ماتذكر
طبعا انا على طول رجعت الجوال مكانه بس والله ماتوقعت زوجي يسوي هالحركات وكنت والله العظيم ارجف وركض على المطبخ عشان لمن يطلع زوجي من الحمام مايشوفني وانا بهالحاله لاني توني مالقيت رد مناسب وكلام قوي وقاعده افكر وادور على اسلوب بس عجزت تتجمع عندي الافكار لاني مصدوووووووووووومه والقولوون قام علي يابنات والله لايوريككم بعد ماخلصت عشا ناديته وهو تاخر وانا منتظره واعصب ذيك التعصيبه لاني انا اصلا مقهوره منه وببعد يتاخر علي وبعد فتره يدخل ويوم شافني انفجع قال وشفيك خصوصا اني حامل بنهاية السادس لان وجهي متغير وانا يابنات اعوذبالله مجرد ماشفته داخل وجهي حمممر وسخخخخنت والنفس صار ينقطع ويرجع ينقطع ويرجع والظاهر ان ضغطي وصل للمليون وكان وقتهااا ايااام حر ويقولي وشفيك وانا اقوله ليه متاخر شوف من متى انا ناديتك وانا يابنات اصلا مقهوره من الحركات اللي في جواله وهو ياخاذني على الغرفه ويجلسني على الاريكه ويحاول يهديني وانا يابنات اعوذ بالله ماني قادره انتفس زين وقمت على طول من جنبه وقعدت على طرف السرير وهذا الطرف مواجه للمكيف و انزل المكيف علي واحاول اني اخذ نفس هو قرب مني ثاني مره وقعد عند رجولي تخيلو هل معقوله رجال يكون غلط عشان تاخر على العشا ويجي يراضيني بالطريقه هذي طبعا راح يقول حبيبتي انا اسف خللاص تعالي نتعشا وماراح اعودها مو يجي يذل نفسه بالطريقه هذي عشان شي تافه المهم ويترجاني اقوله وش فيني لانه شكله حس اني عرفت لانه يابنات لمن راح يجيب لنا العشا اللي على الطاوله للغرفه ترك جواله مره ثانيه على التسريحه طبعا قمت بسرعه واشوف جواله هل رسل لها رساله ثانيه لمن رجع المجلس عند اخوه طبعا الرسايل كلها مسحها وشفته فبل لايحط جواله على التسريحه شفته يطقطق فيه اثريه مسح الرسايل
جاب العشا بس انا مااكلت نفسي انسدت وحتى هو مااكل خلاص اخوه طلع وهو جا وانا خلاص كنت بنام
وهو يجي وينسدح جنبي وانا ساكته المهم نمنا
واليوم الثاني راح للدوام وقبل مايجي قلت له جيب معك غدا ماطبخت اليوم انا تعبانه وهو قالي وشفيه صوتك متغير قلت مافي شي وسكرت
جا وماجاب الغدا لانه هو ناوي يطلعني ناكل برا
جاعالمغرب لان دوامه كذا قالي يلا البسي عشان نطلع برا قلت له ماني طالعه مومشتهيه اطلع وهو قعد يفسخ جزمته الله يكرمكم وانا قلتله للخيانه انواع فيه خيانه في الدين وهو وقف وقاعد يناظر فيني
وفيه خيانه مع حريم وفيه خيانه في المال وفيه خيانه لنفسك وبدا صوتي يعلى ويعلى وشوف نفسك انت وش سويت من هالخيانات وقسما برب السماوات السبع والارضين السبع لو طلع صح اللي في بالي مااقعد عندك دقيقه وحده واروح بيت اهلي اللي لمني في بداية عمري يلمني في بقية عمري ومابقى من العمر كثر ماراح وصوتي يعلى زياده وصار يقولي وطي صوتك شوي لايسمعون وانا ماعطيته وجه واعلي وقمت وكنت بطلع من الغرفه وقلت له لاتجي ورااي لاروقت انا اكلمك ورحت للمجلس وسكرت الباب انا مستقصده اخليه مع نفسه ولا اكلمه عشان يقعد يضرب اخماس في اسداس طبعا هو جا وراي وقالي قوليلي وش فيك وانا ولعت عليه قلت له اطلع برا انا قلت لمن اروق اقولك تعال واتكلم معاك اطلع وهو مارضي يطلع وقالي الا تقوليلي وش فيك وانا قلتله اطلع لا اولد بسبتك واذن العشا وقلت له اطلع برا قام طلع وخلاني المهم الساعه تقريبا8 جا وقالي الاتقوليلي وش فيك انا قلتله ماتستحي على وجهك وين تودي وجهك من الناس لاعرفو وخصوصا ابوي اللي اللي يعتبر ما عطاك بنته الا قلبه واستامنك عليها ووثق فيك ولا من عمي اللي حسب نفسه ربى رجال ولامن عديلك الرجال الشيخ والامام ولا من عديلك الثاني المحترم وكيف رخصت نفسك تنزل مستواك لوحده مثل الزباله المفتوحه كل من مرا عليها احد رمى عليها كم كلمه وهو قالي والله ماني فاهم عليك وقلتله رقم مين اللي رسلت لها هالرسايل وقااام يضحك وقال والله هذا فلان والفلان هذا يعتبر من قرايبنا انا قلت هذا رقمه قال ايه هو عنده اكثر من رقم فلان ابي اسميه محمد زين عشان تفهمون علي اثناء القصه
وقلت له مو علي هالحركات الرسايل كلها فيها ضمير للانثى ومحمد رجال اشلون تهون عليه يقلد الحريم او انك تكلمه كانه حرمه قال عادي حنا نمزح
قلت له طيب دق على الرقم قدامي قال والله توه خلص شحن وبالفعل جواله خلص شحن وانا جوالي مخلص شحن بعد طبعا عديتها لانه ماعنده شحن واخاف لوجيته مره ثانيه واقله دق ماترد على الجوال لان اخاف يكون حذرها انها ماترد على رقمي او رقمه الى ان هو يعطيها اشاره انها ترد على رقمه عديتها ولو ان المبرر غير مقنع
وعلى فكره الرقم انا اخذته من جواله وسجلته وبعد ولادتي جبت شريحه ثانيه وادق وترد وحده مراهقه قالت الو وانا ساكته طبعا انصدمت لان المراهقه هذي طلعت اخت محمد عرفتها من صوتها
والبنتت هذي بالمتوسط
امها اصلا دقت علي تبارك لي بالمولود الجديد وتحمدلي بالسلامه وسالتها غيرتي رقمك يا ام محمد قالت لا جوالي مفصول وانا دقيت من رقم محمد
يوم جاء زوجي يزورني عند اهلي قلت له ممكن تقولي رقم محمدقالي محمد مين قلت محمد ولد فلان قال وش تبين فيه طبعا هو شكله جاه مغص واحسه صدع من سؤالي انا قلت هالسؤال عشان ابي اعلمه ان الرقم حق بنت
المهم برجع للحوار انا وزوجي قلت له لان توها ام محمد دقت من رقم محمد ومو نفس الرقم اللي كان في جوالك ملاحظه ترى ام محمد دقت علي عاشر يوم من الولاده وانا سالت زوجي بعد شهر من الولاده تدرون ليه عشان كنت ناويه اطلع شريحه اول وادق وقلت لزوجي توها ام محمد تدق وانا اخرط عليه
ارجع مع الحوار ادري هبلت فيكم معليش حبايبي
قال انا ماقلت لك انه عنده اكثر من رقم قلت ايه بس لمن سالت امه قالت لا عنده هالرقم بس وانا اكذب عليه اصلا ماسالتها
وهو قال هي كذا قالت وانا قلت ايه
ليش تستغفلني ووش قصدك تاخذني على قد عقلي وان الواحد يقدر يلعب علي وهو قال واللله عنده اكثر من رقم وهو اصلا محمد معرووف كل يوم له رقم جديد وانا داريه بس ابي اهبل في زوجي قلت له طيب دق على محمد واساله وافتح السبكر(المكبر) عشان اسمعه قال طيب ويدق عليه ويرد محمد وقاله ياخي فيه رقم يدق علي واخاف ارد يكون واحد من الموظفين حق عملي وانا منحاش من الشغل وخايف لايكون الرقم من احد ارقامك ممكن تقولي وش نهاية ارقامك وكان يقول ارقااام كثيره الى ان وصل للرقم اللي في جوال زوجي وقاله ز وجي وانت قاعد تستخدم هالارقام كلها قال لا الارقام كلها مقفله ماعاد استخدمها بس هالرقم اللي تكلمني عليه استخدمه قال زوجي طيب ممكن ترسل رسالة كولمي من الرقم اللي نهايته كذا كذا طبعا زوجي يقصد الرقم اللي عنده بالجوال الللي هو حق البنت اخته وسكر
وقالي زوجي شفتي ويرن جواله برساله ويفتح الا وهي كولمي اثاريه البنت الوسخه ماخذه جوال اخوها المقفل وتكلم فيه بعدين عرفت من اختي الصغيره اللي بالمتوسط ان هالبنت عندها اربع ايميلات وتكلم شباب تخيلو وتستعرض جسمها بالمحادثات اللي بالفديو ياااااويلي قلت بعد تسوي كذا حسبي الله ونعم الوكيل وين اهلها عنها
وبعدين زوجي ممكن تقفلين على الموضوع وماتفتحينه ابد قلت اوكي لان بصراحه ضيق خلقي هالموضوع وكااان الندم واضح على ةعيونه وتصرفاته واتعدل
وبس ااه تعبت وانا اكتب ادعولي ان الله يهديه ويسخره لي
اسال الله ان يسخرلي زوجي ويسخرلكم ازواحكم ويغنيهم الله بحلاله عن حرامه
وسلامتكم