قصتي اليوم الحمدلله على كل حال على ماحصل توني راجعه من التحقيق

اليوم دخلت ولدي محل اللعاب
طول الوقت وهو يلعب بسياره ومتعلق فيها
جات وحده من الموظفات وتطلعه منها بالغصب وهو يبكي تقول مايصير طول الوقت يلعب فيها الباقين لهم حق قلت يااختي هو مايبي من اللعاب الا سياره وانا دافعه فلوس لمدة ساعتين علشان يستانس مو علشان تجين تبكينه !
المهم هي جايه بالقوة سحبتها منها وعطيتها له لان كان يبكي قلت والله ماتاخذينها منه! وانا لي حق
قامت ونشبت لي ماسكتني من الصدر قلت فكيني مو راضيه تفكني
يابنت الناس ماابي مشاكل قالت انا ابي مشاكل
يااا ... مافيه ماسكه لي وتدزني تبيني اطيح
شفت مافيه فايده واضرب بها الارض ثم تركتها وترجع لي
تمسك ايديني ناديت الموظفين والناس الموجودين قلت شوفها واشهدو عليها
قلت لها انتي تبين الشر ؟ قالت ايه ابيه وتكرر ابيه
شفت مافيه فايده وارميها بقوتي وتطيح على الارض وعلى الالعاب ..
جا المسئول وتدخل وناداها
وناداني علمته بكل شي ورجعت لولدي وهو ويلعب وجلست عنده
شوي الا تجي وجايبه الشرطه
وينادونا وجا زوجي وياخذونا للتحقيق