قصتي انا اللي تعبت نفسيا .. للعضه والعبره

لسلام عليكم بنات بكتب قصتي كلها .... واسمحولي لاني كنت صغيره ولا تلوموني انا تبت ومتزوجه الان وعندي اطفال بس حبيت اكتب لكم قصتي للعضه والعبره
بنات انا يوم كنت صغيرة تقريبا عمري كان 16 كانت امي مريضه والمستشفى مسوي عمليه والحمدلله نجحت العمليه ..وكان الدكتور اللي مسوي العملية من الجنسيه العربيه ومعاه طلاب دكاترة يتدربون ..وكان واحد فيهم أقسم بالله انه كله يطالعني انا كنت وايد استحي لاني كنت صغيره مااتكلم مع الدكاتره بس كنت واقفه مع امي ..والله ما حطيت بالي انه أنعجب فيني كان كله يزور امي ويدخل لغرفه على عند امي امي ويقعد يسولف معاها ويقعد ويطمن على صحتها ..وأنا والله ما فكرت ولا واحد فالميه أنه أعجب فيني ..وبعد ما أمي طلعت من المستشفى بالسلامه ..رحنا البيت ..ثاني يوم رن تليفون البيت وانا كنت اسابق أركض عشان ارد هههه اقول الو ماحد يرد وأصكر التليفون وين التليفون مره ثانيه ارد اقول الووووو و محد يرد أصكره على طول ثالث مره يرن ارد الووووو و بعصبيه شوي ويرد الو سلام عليكم ..رديت وعليكم السلام منو معاي..قال معاج الدكتور ..(...ذكر اسمه) قلت اهلن ما عرفت شو ارد احسب امي فيها شي قال انتي من فلانه (ذكر اسمي) طبعا خذ المعلومات اسمي وعمري يوم كان يزور امي و يسولف معاها على أساس أنه دكتور. ..المهم قلت نعم أنا فلانه قال أنا أريد أخطبج ...انا من الصدمه صكرت فوجهه. ..
المهم قعد يتصل كثير ورديت وياليتني ما رديت قال أنا حبيت من أول نظرة سمعتي كلاااام صراحة ذبت طبعا لعب فمخي وقد يكلمني ليل نهار وكلام معزل وحب وغزل وطلب انه يشوفني طبعا رفضت يمكن عشر مراااات...وأغراني بالهدايا القيمه وانا لعب براسي الشيطان ذهب و الماس وعطور وملابس وحلويات وكل مره أرفض ..لين ما رضخت له
انا كله كنت حاطه فبالي انه نحب بعض وبنتزوج مسكينه على نياتي المهم رحت عنده شافني قال ملكه جمال ..وعيون ماادري شو وكان يتغزل الحقير وعطاني هدايا وااايد
طبعا ما سوا أي شي عشان يكسب ثقتي ...طلب مني مره ثانيه انه يشوفني وانا للأسف شفته بأني على أيدي بغيت اموت رحت شردت عنه. ..زعل قال أحبج وانا أباج بالحلال بس انتظرج تخلصين الثانويه ..وأنا صدقت ..حسيت صدق يحبني اذا ما كلمته يزعل واذا طلعت يجي نفس المكان بس عشان شوفني من بعيد ..وعرفني على أخته وكلمتني بالي فوني عدنا معاه يمكن سنتين بينه هو واخته اكلمهم بالتليفون. .. ألين مره من المرات اعترف لي بعتراف خطييييير. ..إنه طلع متزوج وعنده اطفال انا انصدمت كييف متزوج وهو يكلمني 24 ساعه حتى آخر الليل زوجته ما تحس فيه كييف كذب علي قطعت عنه وقررت اني مااكلمه. ..قال أنا كذبت عشان ما أخسرج ...قلت له بأي وقطعت عنه بس والله اني تعبت وعقب ندمت اني مشيت فطريق الغلط وبعدين جاني ولد عمي وخطبني وتركت الخطوبة وتطلقت ومره ثانيه رجعت له وتطلقت ولله الحمد مريت بأزمة نفسيه قويه بس الحمدلله تبت وتقربت من ربي ...وبعدين أخطبت من واحد يقرب لي بعد وصلت استخارة ووافقت ولكن امي كانت رافضه فالبدايه ولكن اقتنعت وكان عذرها ما تبى واحد من الاهل لأنه أستوت مشاكل مع خطيبي القبلي ولكن وافقت بالنهاية. .وتزوجت وكانت أول سنه أحلى ايام عمري قلت ربي عوضني. ..لكن استغفرالله الحساد وعيال الحرام وايدين طلع زوجي مسحور حد ساحرته. ..وأنا كنت حامل فحملي الأول عشان جي كان ما يصلي وكان يعاملني معامله استغفرالله كنت كاتبه موضوع عن مشكلتي معاه ما كنت ادري انه مسحور بسحر ماكول والحسن تعالج ولله الحمد وانا صبرت واحتسب الأجر من لله وانا الان ولله الحمد موظفه براتب ممتاز وعندي الليسن وزوجي خذ لي سيارة هديه. ..والآن أمور مستقره مع زوجي الله لا يغير علينالكن يعلم الله اني مريت بايااام صعببببه صعبببببه ولكن مع الله الواحد القهار والصبر والدعاء والاستغفار ... ادعولي بنات أن الله يثبتني ويصلح حالي ويغفر ذنبي ويستر على بنات المسلمين ....ونصيحه انتبهوا على بناتكم زين من أولاد الحرام...