قصتي انا سندس المكابرة !

اليوم انا اكتب لكم وانا ببيت اهلي .. انا طلعت من كثر الضغط اللي اعانيه مع زوجي وبيتي
تعبت كثير وصبرت كثير انا اللي مثلي المفروض تتطلب الطلاق ومن زماااااااان لكن انا احس وضعي غير

بالبداية
انا من ثالث شهر زواج اكتشفت ان زوجي راعي بنات
وقبل لانكمل السنة من زواجنا .. سافر برا المملكة
وصار كل سنه يسافر بس بالمقابل يرجع من السفر وبعدها بكم شهر يطلعني سفره ثانية وخارج المملكة من باب اطلعك مثل ماطلعت عموما هذي النقطة هو ماخذها لصالحة عشان لايصير مشاكل تجاه سفره لوحدة مع اصحابة
المهم زادت الخلافات والفجوة بيننا كبرت وكثرت خيانته و اواجهه وينكر ويقلب السالفة ع راسي وكنت ارجع لاخوي الكبير كنت اخاف اتكلم مع ابوية لانه راعي سكر وقلب وضغط وعايش على ربع كلية اسأل الله له الشفاء والعافية ويطول لنا بعمره وابد ماحبيت اشكي له وهو ممنوع حتى من كثرة التفكير والله اني مو صابرة على زوجي الا عشان ابوية اخاف علية يزعل عشاني ويتأثر ويشيل همي وماعندي استعداد اخسرة بس عشان مشاكلي مع زوجي
طبعا اخوي محقق بهيئة التحقيق والادعاء العام ويمر عليه مشاكل كثير واكبر من مشاكلنا
كان يقول
ياسندس انتي امرك هين وفترة طيش وتعدي واصبري على زوجك لايجيك واحد بكرة اخس منه راعي مخدارات وسكر والا يضربك والا اشياء كثير تجي عندي ماتخطر ببالك وطبعا كان يتصل على زوجي ويتفاهم معاه ويكلمة ويهجد زوجي فترة وبعدها ترجع حليمة وبعدها صرت ما اكلم حتى اخوي ولاعاد اشكي لاحد

اخذت فترة معاه احاول ادارية واكسبه بكل الطرق يشهد ربي ماخليت شيء الا سويته معاه اللي يقهر اني مو ناقصني شيء اقسم بربي الكل يشهد بجمالي واناقتي
عموما جاء ببالي فكرة واخذت لي رقم ثاني وبدأت اراسلة واستجاب وصاير ياخذ ويعطي قلت بنفسي ابغى اشوف ايش يدور عند غيري مو لاقيه عندي
والله الذي لا اله الاهو انه ماعنده سالفة وبس طقطقة وهرج فاضي وبس
اخذت فتره وواجهته وقام قلب السالفة علية
وقال انتي مطلعه الجوال اكيد متعرفة على احد وتكلمين وصارت سالفة كبيييييييرة بس ماخلاني اقدر اوصلها لاخواني واهلي وفصل التليفون واخذ الجوال وسكت وجلس اسبوع انا بغرفة وهو بغرفه
وبعدها رجع اعتذر واعترف وطلب السماح وسامحته وللامانه ماعاد رجع لحركاته مع البنات بس
المصيبه لليوم يشكك فيني وحاط بباله اني كنت على علاقة وصار يشك على اتفه سبب
ليش وليش على اي شيء اسوية
وياكثر المشاكل اللي بيننا وياكثر المصايب اللي بيننا انا اتحمل وساكته وصابرة بس عشان ابوية المسكين
ابويه يحبني ومتعلقني فيني كثير اقسم بالله ماراح يتحمل والله راح يزعل انا مره شكيت له جاء عندي بالبيت وصار يهزأ ويتكلم مع زوجي بصوت عالي وارتفع السكر عليه وصارت عظامة ترجف وحلفت بعدها مااشكي له مهما صار
انا افكر بالطلاق بس كيف وانا بين نار ابوية ونار ذا الزوج اللي مو قادر يترك طبعه السيء معاي
واللي مو قادره انسى ماضيه وانسى سوء تعامله معاي وظلمه لي واتهامه لي بشرفي
تخيلو يجي يقول الباب القاه مفتوح احد كان عندكواقول لا طبعا يقول لا الباب انا حصلته مفتووح خير محد جاء لكن شكوك واوهام
والبارح زعلان عشان اتصل علية وانا مع اهلي بالمطعم وماسمعت صوت الجوال من الازعاج وكان بالشنطه يقول ليش مارديتي انتي متعمده ماتردين عليه اكيد فيه شيء طبعا امس صار بيننا شد بالكلام وعطيته كل اللي في نفسي ولاخليت شيء بقلبي لاني تعبت خلاص واليوم قلت ابروح لاهلي قال اجهزي وبوديك كأنه ماصدق وفعلا رحت وتركته
لان الوضع بيننا مره متأزم وانا ماعاد اتحمل

ويابنات انا ماراح اكون جاحدة وناكرة
زوجي فيه خصال طيبه حنون وطيب يحبني بس بغيره وتملك فاهمين قصدي وبنفس الوقت ضايع بشكوكه يعني اكثر من مره اتفاهم معاه واطلب ننفصل يقول ماتخيل اعيش بالدنيا من غيرك .. احنا فعلا مو مرتاحين لكن بيننا بنت تربطنا وصارت هي تطلب مننا نتصالح وتقول لاتتزاعلون بوسوا بعض انا احبكم وصار يبكي يوم يسمعها تتكلم كذا
انا وصلت لمرحلة اليأس معاه احس فقدت معنى الراحة بحياتي يحاسبني وينتقدني على اتفه شيء
غير موضوع النفس اللي بالبيت والحسد صاير يقول انا احس نفسي مخنوق اذا دخلت البيت كأني بجهنم وانا اسوأ منه

اخيرا اللي ماعندها كلمة طيبه وكلمة خير تتجمل بالسكوت انا مو ناقصه نفسيات تجي تتفلسف ولاتراعي مشاعر غيرها وسلامتكم .