السلام عليكم ورحمة الله وبركاته
الي انا بكتبه ليس فلان قالت والا علان لاوالله الذي لا اله الا هو المهم ما لكم بالطويله فبل سنه تقريبا مرينا بايام والله ولا فلم مرعب كنت جالسه عند التليفزيون الا اشوف مثل الانسان واقف اسود واذانيه طويله شوي فتحت عيوني بزياده لتاكد من الي شفت اختفى قلت في نفسي هذا ظل في عيوني من التليفزيون دخلت غرفتي ابي انام ودخل زوجي وهو من الناس الي يحب الظلام صكر اللمبه ونام من التعب انا سميت ونمت الا اشوف نفس الشخص جالس على التسريحه وجاء عندي وجلس على رجولي شلت الغطاء وكان ثقيل من جلوس الجني على رجولي ورحت بسرعه افتح اللمبه اشوف :mad:عصب ابوالشباب قال اشفيج طيرتي نومتي قلت اشوف واحد اسود وجلس علي طبعا بنات الدريشه الي في غرفتي فيها نور من اللمبه الخارحيه قال زوجي نامي وسمي بالرحمن اكيد يتهيالج صكرت اللمبه وسميت اول ما غفيت صوت العطور طاحت من التسريحه قمت من النوم افتح اللمبهوابوشباب بسابع نومه لقيت عطرين طايحه واخذتهم ورجعنها وسمعت الاذان وصحيت زوجي وانا كنت ما اصلي في اجازه وصحيت خادمتي واولادي الشباب يصلون قام ولدي في الصف الثالث وجاني وقال يمه انا البارحه جاني واحد مثل الرجال لونه اسود ويسحب مني الغطاء ما خلاني انام قلت لانك نمت وما سميت كان ماحد يشوف الي انا اشوفه الا هو فينفس اليوم جاتني بنتي ترتجف عمرها سنتين ونص مسكتها الا حرارتها مرتفعه دخل ابوها كان جاي من الدوام وحضنها وقال بنتي مسخنه والله يا بنات ترفع اصبعها وتاشر على الزاويه وتصيح تحسين انها تشوف شي احنا ما نشوفهوتقول هذا هذا وفجاه تصرخ قال ابوها البنت تهذري من السخونه وديناها المستشفى وسوى فحوصات قال البنت لازم تدخل المستشفى تنوم قلنا ليه قال البنت معها التهاب السحايا مجرد شك يعني مو اكيد بس لازم تدخل المستشفى ونسحب من ظهرها علشان نتاكد دخلوها واحذوا عينه وقالوا بنتك معها المرض طبعا بكيت وحزن ابوها وقال عليهاخطر قال دكتور اذا اخذت المضاد عن طريق الوريد راح تتحسن جلست انا وياها وابوها رجع للبيت علشان الاولاد والصبح يروح للدوام ويترخص ويطمن على بنته ساله الدكتور لما زار بنته احد جايكم من الخارج قال لا وقاله انتم سافرتوا مكان قال ابوها لا الحمد الله مرت اسبوعين وتعافت بنتي وطلعت من المستشفى وكنت مشتاقه للاولادي لانهم كانوا ممنوعين من الزياره وحضنتهم على دخلتي وجات خادمتي وحضنت بنتي وقالت كيف غلاوي احسن قلت الحمدلله احسن جاني ولدي في سادس وقعد عندي يعطيني اخباره عن المدرسه الا يمر علي شي اسود مثل الكلب والله يا بنات ان ولدي صاح وقال يمه شفتيه واختفى فجاه سميت بالرحمن قلت في نفسي الله يستر دخلت غرفتي وابي افتح الستاره الا يمر الكلب الاسود من وراء الستارهودخل تحت الكبت وكان زوجي لسه داخل قلت شفت شي قال لاسكت وحسيت ما احد يشوف الي انا اشوفه الا اولادي ونمت وفي الصباح دخل ولدي وكان عمره ست سنوات قال يمه انا تعبان قلت اشفيك قال راسي ومعي حراره مسكت راسه الا حرارته عاليه ويرجع اخذته لمركز الصحي وقال بنحطه تحت الملاحظه وللاسف الحراره ما نزلت وصار معه تشنج في الرقبه ما يحركها ودخل الدكتور وسوى فحص سريري وحرك رقبة ابني وصاح ولدي وقال الدكتور لازم ندخله المستشفى الكبير انصدمت قلت ليش قال ابنك شكله معه التهاب السحايا قلت شنو وش تقول قال ماراح اقدر اكد لج الا اذا اخذنا عينه من ظهره لكن ابوه رفض وجاو الدكاتره يقنعون زوجي وقالوا له مش من صالح ابنك تاحير التحليل ناظرني وقال وش رايك بكيت قال لاتبكي اذا انتي موافقه والا ما سوينا التحليل قلت توكلوا على الله وسووها وطلع معه نفس المرض ودخلنا المستشفى وجيراني واهلي يتصلون قالوا ما فيكم الا عين لان نسبة الذكور في البيت ما شاء الله كثير راح زوجي وجاب شيخ وقرا على ولدي وطلع وقال بكره برجع وبقرا عليهوانا في المستشفى اتصل زوجي وقال فلان مريض يقصد ولدي عمره اربع سنوات قلت اشفيه قال حراره ويرجع وجابه لدكتور وفحصوه وطلع نفس المرض قلت للدكتور يمكن مرض اولادي معدي قال لا مش معدي كان انعديتي انتي وجابوا اولادي وجمعوهم بغرفه واحده واخذوا المضاد عن طريق الوريد لمدة اسبوعين وطلعوا رجعت للبيت وانا اقول الله يستر شنو باقي من المصائب ودخلت غرفتي من التعب صرت ادعم الطوفه التفكير دخلت وصليت كانت الساعه وحده من الليل وجلست على السرير وزوجي نايم وقريت على نفسي وانفث واطلب من الله انه يساعدني على اللغز الي يحصل في البيت ونمت واتحلم ان خادمتي جاتني في المنام ومعها حمامه سوده ونحرتها فوق راسي والدم ينثر على راسي وانا اقول لها ليش يا فلانه تسحريني وش سويت وحسيت بحراره من الدم صحيت وجلست وسميت بالرحمن كانت الساعه ثلاث الفجر وصحيت زوجي الساعه سبع راح زوجي للدوام وانا انتظرت للساعه تسع وكلمت مفسره وخبرتها بحلمي قالت الحلم يدل على ان خادمتك ساحره طبعا حسيت اني صحيت من اللغز وكلمت زوجي وخبرته وقال الحين وش تبيني اسوي قلت احجز لها تذكره باسرع وقت وانا اخذت ملابس جديده من محل قريب منا وشنطه وجاء زوجي واعطاني تذكرتها ودخلت عليها بالمطبخ وناديتها وفتشتها ولقيت السحر في حزام بخصرها وفلوس سارقتها خليتها تلبس الملابس وانا عندها وتحسبت عليها وذلفت الاغراض الي حصلتها عطيتها لشيخ وفرا عليها ونثر فوقها ماي مقري فيه وقال رشي زوايا البيت وسبحي اولادك وان شاء الله مع الوقت تتحسنون الحمدالله الي عدت على خير واذلفت وانكشفت وسلامتكم
كويتيه بقطر @koytyh_bktr
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
حصني نفسك بسوره البقره
اقريها كل يوم