قصتي انا وجارتي

السلام عليكم ورحمة الله وبركاته
ابغى استشيركم في قصه مع جارتي انا اعيش في امريكا وزوجي وزوجها اصحاب وتعرفون العيشه هنه كيف انفتاحيه طبعا زوجي يدرس واكيد يكون معه بنات في نفس الصف وانا انسانه غيوره حتى ان غيرتي تخرب علي حياتي وطبعا كنت اشتكي لجارتي ان زوجي يعرف وحده في الجامعه وانه يكلمها طبعا هي طبعها انها تقول لزوجها كل شي عني وطلعت انها تقول كل شي دقيق عن حياتي وانا ما تكلمت معها الا اني وثقت فيها ثقه عميا ويوم من الايام دقت علي وقالت ( الو سلام ..............يا نوره اسكتي ساكته ما عرفتي قلت لها ايش قالت طلع زوجش يلعب ورايح فيها طبعا انفجعت بغيت اموت قلت لها ايش قالت لا لا خلاص وحلفتها ان تكلمني وتقول اش عرفت عن زوجي طبعا حاولت تصرفني بس انا عرفت ان فيه شي قات ان زوجش قاعد ينام مع وحده ووله اسبوعين طبعا سالتها من قال الكلام هذا قالت زوجها طبعا هي حطت السم في فمي لا قدرت اتفه برى ولا قدرت ابلعه وقعدت احوس وما كنت ابغى اكلم زوجي لاني بسوي مصيبه بس ما قدرت اصبر واسكت قمت كلمته عاد شوفي اش سوى انجن مات من القهر قالي بس من قال الكلام هذا قولي وقعدت اهديه وعرف انها هيه لانها دايم تدق علي تجيب لي اخبار زوجي
وقام كلم زوجها طبعا زوجها انصدم وما توقع انه بيوصل لزوجي هذا الكلام وقام زوجها طلقها عشانها نقلت الكلام لي وبغت تخرب بيتي
ابغى اسالكم هل انا ضلمتها هل انا تسببت في خراب بيتها والله اني ما اقصد والله ذبحني تأنيب الضمير