اللحلوحة

اللحلوحة @allhloh_1

عضوة نشيطة

قصتي انا وزوجي والرجيم

علاج السمنة والنحافة

:39:بسم الله الرحمان الرحيم
اشكركم في البدايه على الدخول
انا كتبلي الله من الزواج من شاب بدين جدا حيث وزنه 128 كيلو
وانا وزني 52كيلو
وانا بطبعي لا احب السمنه وحلمي ان زوجي يكون رشيق
ولكن مجرد خطب فيني احسست براحه وأهلي يقلون
لي ترى الي خطبك سمين ولكي الخيار وابويه يقول انا بلغتك علشان ما تنصدمين
ودخلت النضره الشرعيه وشفته عادي مو سمين مره
ولكن بعد عدة زيارات نزل قدامي من الدرج والله ماأقدر انسىذاك
المنظر
والله انه من شدة السمنه احس راسه داخل جوا كتفه
وبعد ما طلع جلست ابكي وابكي
مو مصدقه ان الأنسان الي بأرتبط به بهذي السمنه كلها
وبعدها بدءت الأتصالات والزيارات
وحبيته بجنون وقدر بأخلاقه العاليه يكسبني
وقدر بأسلوبه يحسسني انه اجمل رجل في العالم
ونساني عيب جسمه بحنانه ورقته
الله يخليه لي ولا يحرمني منه
ولكن قررت انه ينحف واني احقق حلمي بأن ارتبط برجل رشيق
وبعد الزواج بشهر
طلبته نروح عند دكتورة تغذيه
وبدأت أساعده في البرنامج الغذائي
واكلت نفس اكله
ودخلت النت وصرت اقرا عن الرجيم
وصار كل كلامي عن الرجيم
حتى إذا دخلت مجلس أحس اني أقلب السواليف عن الرجيم
وزي ماأنتو عارفين اكثر الطلعات والخرجات تعتمد على الأكل
مطاعم- ملاهي-بر-زياره عائليه-
كلها هذي اقسم بالله اني احرمت نفسي منها باالرغم اني عروس
صح زوجي ما بيقصر بس عندي هدف ولازم احققه
وصبرت على كلام الناس
ليش نحفت؟
اكيد مو مرتاحه؟
الله اعلم وش عندها؟
حيث نحفت مره
والله ياقبل شهرين سافرنا انا وزوجي جده
اقسم بالله اني كنت افتح الثلاجه في الفندق وأطلع خبز ناشف اسمر بارد ساده واكله
بس علشان اقدر انام من شدة الجوع
بالرغم اني كنت عند اهلي دلوعه مره بالنسبه للأكل ومستحيل اكل اي شي
واحيانا" امي تسوي عشاء ولا يعجبني
فتطر انها تطلب لي من المطعم
وأذا رجعنا من عزيمه لابد نمر مطعم
لأني ما أتعشى احيانا
ولا انسى شعري الي تساقط من الرجيم
بس هذا يهون في سبيل ان زوجي ينحف
و بعد خمس شهور من زواجنا نحف زوجي حوالي 20كيلو
وطلع شكله حلو مره
والله من شدة مني معجبه فيه اني اناظر فيه وهو نايم
واطالع التغير واحمد الله
حيث صار ملك جمال
وبيض مره
وان اكتب الحين وانا ارجف من الجوع حيث كملت عن الأكل يوم كامل والله ان اخر اكل اكلته عشاء قبل امس بأستثناء اشياء لاتذكر
بهذا يهون في سبيل ان زوجي ينحف
واحس الشهر هذا صار عنده اراده اكثر
وصار مهتم في الرجيم والنادي
الله لا يحرمني منه
وانا صبرت هذا الصبر لأن مافيه شي يجي الا بتعب
لازم نصبر
الازم نتحمل علشان نوصل
ونسيت شي مهم الميزان الي عند باب الحمام
حطيت عند باب الحمام ميزان
وكل ماطلع او دخل يوزن
واحيانا"يفرحني هذا الميزان فرح شديد واحيانا" يعكر مزاجي
ولا انسى توتري اذا خرج من
شدة خوفي انه ياكل
وزعله مني اذا سألته
وفي النهايه نقلت لكم تجرت زوجي مع الرجيم ومعاناتي لرفع الهمم
اسأل الله التوفيق للجميع
60
11K

يلزم عليك تسجيل الدخول أولًا لكتابة تعليق.

تسجيل دخول

¨°o.O (شهـد) O.o°¨
مبرووووك حبيبتي نزوووول وزن ابو الشباب ^_^
اللحلوحة
اللحلوحة
الله يبارك فيكي يا قمر
امولتي
امولتي
مبروووووووك حبيبتي ع لى نزول وزن زوجك ومنها إلى الاعلى ((( أقصد إلى الأسفل في الوزن )))

لكن ليش انتي تقسي على حالك ؟؟؟؟ وانتي تقولي انك ضعيفة
عزيزتي تسوين رجيم مومعناته تحرمين نفسك ممكن تاكلي كل اللي تبيه بس بشكل الأكل الصحي وبين الوجبات خضار وفاكهة

يعني كم صار وزنك ووزن زوجك واطوالكم ؟
.. متفائله ..
.. متفائله ..
ماشاء الله تبارك الله

الفضل لله سبحانه وتعالى ثم لك يالغاليه

وصدق من قال وراء كل رجل عظيم امراءه لان بالفعل لو انتي السمينه

وهو النحيف ماكان يفكر انه يحرم نفسه من الأكل ما أتكلم عن زوجك خصوصا للرجال عموما

ياما حريم سمان ورجالهم ماساعدوهم الا يحبطون الوحده من الطنازه

الله يوفقكم ويسعدكم يارب ويسخر لك زوجك بما يحبه الله ويرضاه

بحفظ الرحمن
miss nadoo
miss nadoo
ألـــف ألــــف مبـــروك .. نـــزول الـــوزن مــاشــاء الله ..
بس واللــه حـــرام تحــرمين نفســك ياقلبــي ..
انــا مــااقــول كـــلي قــدام زوجــك ..أنــواع الحلويــات وأشهــى الاصنــاف ..لكــن كــلي نفس أكـــله بــالرجيـــم ,,وإذا طــلع ولا مومــوجود..كــلي لك شي يســد جوعــك ..حــرام والله اللي تسوينــه بنفســك,,أوكـــي ماتبين تكــسرين بخــاطره وتبينيــن انــه مو مهــم بالنسبــه لك ..لــكن انت شووو ذنبــك؟؟,, انت وزنك حـــلو مــاشاء الله ,, لاتخــربينــه بالنحــف...
والله يوفقكـــم.. ويرزقكــم بــالذريــه الصــالحه ..ويتمـــم لكـــم ع خيـــر,,يــارب,,,



اللـــــهم ياحـــي يــاقـــيوم أشــفي تــوأم روحــي نـــدووو..آآآميــن ..
أختكــــمـ :: أمـ أمـــؤيـــد:::