السلام عليكم ورحمة الله وبركاته
بداية انا حملت حملي الاول بعد زواجي بـ3شهور وكان طبيعي وجبت بنت
فكرت بمانع بعد الحمل وصرفتلي الدكتوره حبوب جينرا وكانت قويه سببت لي صداع وغثيان ودوار
استخدمتها شهر ووقفتها و كملت بدون موانع بس ايام الامان والعزل
المهم
رضعتها سنتين كامله وفطمتها واستعديت للحمل ومرت 7شهور ماحملت :(
راجعت دكتوره قالت لي عندك الرحم مايل لورى وكسل بالمبايض والغده
طلعت من عندها متحطمه لاني اول مره اسمع هالمصطلحات وخفت والنفسيه زييييرووو
فكرت اروح لدكتور ثاني واتأكد المهم رحت وشرحت الوضع وصلح لي اشعه من تحت وقال المبايض عندك فيها كسل شوي
و الرحم فيه احتقان وسالني اذا كنت اخذت حبوب منع حمل وقال هذي اثارها المفروض ماتاخذينها بعد
الاربعين مباشره هذا خطير وشوفي كيف اثرت عليك
سالته عن وضع الرحم قال سليم :mad: شفتو كيف
المهم سويت تحاليل
طلع عندي كسل بالغده وصرفلي اثيروكس 50
وهرمون حليب مرتفع وصرفلي نوربرولاك مع حبوب ثانيه اخذهامع حبوب هرمون الحليب اسمها ايفورتيل على شان الغثيان والدوخه
وحبوب تنزل الدوره قال اول ماتنزل وقفيها اسمها Dupbaston
وحبوب لقاح النحل للتقويه
استخدمت الحبوب اللي تنزل الدوره ونزلت بعد 10ايام من استخدامي للحبوب
ورحت للدكتور رابع يوم نزلت فيه الدوره وقال لازم ابر تنشيط للمبايض
واخذت اليوم اول ابره وباقي 5 كل يوم وحده
اسمها بيورجون
توووووووووجع الحمدلله على كل حال :09:
وياررررررررررررب يتسهل الباقي ويرزقني ربي وكل من قالت امين بالحمل السليم والطفل المعافى بدون زياده ولانقصان ..
والله علاج الهرمون متعب متعب فعلا ماادري انتو مثلي او لا احس بدوخه ودوار وغثيان
اااااه يارب رحمتك :44:
الحمدلله على كل حال ويارب تعوضنا خير
وراح اوافيكم بالاخبار وايش يصير معي ان شاء الله
أُم دنـو @am_dno_3
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
حبيت اقولكم للفائده
والدكتور اللي انا عنده اسمه حسن البار مررررره ممتاز وعالج حالات كثير ..