السلام عليكم
اتمنى تكونوا بصحه وسلامه يارب اجمعين
خواتي انا اليوم بطرح مشكلتي عليكم بعد الله لعلي القى حل او توجيه ايجابي لاني تعبت تعبت تعبت واحترت والله اني معد اكل ولا انام ولااضحك دايم اصيح ومكشره
ـــــــــــــــــــــــــــــــــــــــــــــــــ
اول شي رجاااااااااااائن مابي اي نقد الي عندها حل سايم وعقلاني تتفضل به والي ماعنده ياليت ترفع الموضوع الله لايهينها
انا ابوي متوفي واخوي الوحيد متوفي كلهم متوفين بنفس السنه لهم الحين 10 سنوات الله يرحمهم
امي ولدتني وهي عند ابوها الي هو جدي لان ابوي كان مطلقها وهي حامل فيني ربيت بين جدي وخوالي وتزوجت امي وانا عمري 5 سنوات من رجال ثاني
الزبده ... انا تزوجت قبل سنه وثلاث شهور من واحد قبيلته غير قبيلتي ونظام قبيلته مايطلع برى ابد وانا نظام قبيلتي عادي
هههه اصلا الي زوجني ولد عمي لان هو الولي علي ولاسال منهو ولا وشهو من لحية ولا شي وقع ومشى
المهم زوجي هذا كانت بيني وبينه علاقه والحمدالله ربي فتحها في وجهينا وتزوجنا على شرعه وشرع نبيه وعسى الله يكفر ماكنا عليه من قبل
المهم انا مطلقه لاكن مامعي اطفال وانا اصغر من زوجي بسنه انا عمري 25 وهو 24 لاكنه ماشالله عقل وثقل ورزين حتى شكله محد يعطيه 24 المهم
هو وحيد ابوه بينما امه عنده ولدين من زوجها المتوفي قبل ولزوجي 6 خوات اشقاء فقط وولدين من امه اكبر منه بكثير بالعمر يعني بالاربعين
قبل فتره الخطبه قالي بروح اكلم اخوي يجي معي عند ابوي عشان يساعدني اتكلم معه عنك قلت طيب
راح لااخوه وقاله ..
رد اخوه عليه تقطع وتخسى وتعقب ولاتاخذ وحده مطلقه ياشيخ لو تبي خذ صلبيه او عبده مالها اصل ولاتاخذ مطلقه حتى لو انها بنت مين ولانيب رايح معك عند ابوك
كلمني وهو يصيح يقول انا تعبت فيه حاولت فيه انا ماعندي جرءه اتكلم مع ابوي لحالي هذا موضوع قوي وحساس لازم احد يساعدني وهو رفض وهو الكبير وابوي يحبه لانه مربيه من كان صغير
قلت والحل ؟؟ قال اتزوجك من دون مايدورن اهلي ..
وافقت..
ليش ..لاني دايم بالشارع << تسالون كيف بالشارع
انا عند امي وكل ماصار بيني وبينها مشكله مسكتني الباب والله انها تطردني بثلاث الشهور ماتدري عني وانا ضايعه من بيت لبيت عند خوياتي وارجع ثم تصير مشكله وتمسكني الباب ماعندها مشكله الفجر الظهر عادي اهم شي تقلعني عن وجهها
وافقت وانا مااشوف الدرب قلت موافقه بس ابيه يطلعني من الي انا فيه
وفعلا تملكنا واخذنا شقه سعنونه على قدنا وقعدنا سنه ناثث فيها .
المهم انا قبل يدخل علي رحت للدكتوره ووصفت لي مانع الياسمين قالت خليك عليه بس ثلاث شهور وبعدها اتركيه لاتطولين عليه لانك بكريه وبيضرك
فعلا ثلاث شهور وتركته ..وضل الجماع بيني وبين زوجي عادي يعني بدون امان <<فهمتوا
المهم جلست شهرين من فكيت الحبوب الشهر الثالث ((حملت )) وكانت الصاعقه على زوجي وعلي بعد ماكانت فرحه كبيره لي
طبعا هو شارط علي بالبدايه قال مابي عيال قلت طيب
لاكني حملت الشكوى على الله والحمدلله
المهم كلمته وعلمته لاني وقتها كنت عند اهلي قلت ترى فيه << حتى ماعرفت اعبر قال وش فيه قلت فيه حمل
قال من جدك قلت والله قال ههه لالالا على كذا يبيلي الحين اروح لاامي واعلمها قلت اركد لاتستعجل كلش بالهون
قال تبيني بكره ادخل بولدي عليهم في يدي قلت بكيفك
المهم دخل على امه وجلس عاد زوجي فيه برررر برررر بوالديه ماشالله مو طبيعي يناظر الله ويناظر رضاهم
المهم يقول دخلت عليها وجلست وحبيت رجولها وقلت يمه سامحيني قالت وش عليه ؟ قال انا متزوج يقول سكتت شوي ثم قالت الله يسامحك وقامت عني
قلت ردة فعلها ماكنت متوقعتها الله يتمم على خير
بقى ابوه مابعد قاله لان وقتها كان بالمستشفى مع امه الي هي جدة زوجي الله يرحمها ((توفت ))
المهم قالي لازم تنزلين الي في بطنك قلت ليش قال صعبه اقولهم زواج وحمل تراه قويه عليهم
قلت حرام ومن هالكلام قال توه ابو سبوعين مابعد نفخة فيه الروح لان احسبي على بال مايرضون ويقتنعون ويسون حفله ووو الا بطنك قدامك قلت الحمدلله بالحلال قال ولو
المهم رحت وطلبت حبوب من وحده حقة اجهاض وعطاني قيمتها 750 ريال
مر على مقابلته لاامه يومين وهي طبعا ماتكلمه ولاشي
اليوم الثالث العصر وداها لم خالته وهم بالسياره قالت له
((طلقها ))قلت انت وش قلت لها قال اني قلت ابشري مالك الا الي يرضيك لاكن هدي نفسك
واروح عند وحده من البنات واخذها عندها والله يابنات ساعتين الا بدى الدم يغرقني هالكلام الساعه 7 العشا ونزل الجنين الفجر
ومثلت قدام الكل الي داري اني حامل انه نزل من الله :(
المهم وسالته قلت امك معد طرت بشي قال لا
طبعا لعلمكم هو ماينام عندي يوميا بس يمرني كل يوم واذا جت فرصه نام عندي ..طبعا انا مقدره الوضع عشان مايشكون فيه
المهم مرت ايام عقبها وصارت بيني وبينه مشاكل قوووووووويه
ثم هدت الامور
عقبها حلفت اني احمل واني الي سويته له مابين بعينه
وجلست ادعي كل هذيك الفتره ان ربي يرزقني بضنا
وقلت له .. انا باكل مانع ابي استمتع معك انا زوجتك ماني خويتك اذا صار جماع قمت و .... برا << افهموا
قال لالا الحبوب بتظرك قلت ماهيب ظارتني المهم اشترها لي ..
شراها لي وعطيته الامان وانا كل يوم افك حبه واذب مع الدريشه:42:
ويوم جت ايام التبويض وادعي ليل نهار ربي
وفعلا حملت توني محلله قبل اسبوعين طلعت حاااااااامل
دقيت عليه برضوا كنت اهلي قلت انا حامل
قال بالله تستهبلين قلت والله ورح شف نتيجتي او مرني ونروح نحلل
قال والحل قلت في ايش قال وش بتسوين قلت ولاشي
حنا اخترنا شي لاكن اختيار رب العالمين افضل من اختيارنا
كان بالدوام قال شوي وبمرك قلت طيب
ومرني ورحنا للبيت .. قال وش الحل قلت ياخي لاتعلم اهلك عن اي شي اسكت قال مقدر قلت وش اسوي قال نزليه والله اعوضك عن كل شي
قلت مجنون انت المؤمن مايلدغ من جحره مرتين خلاص طقتين بالراس توجع
قال تكفين نزليه قلت حرام عليك المره الاولى بغيت اموت شفت الموت من الالام والالاوجاع
قلت اسكت لاتعلمهم الحمدلله تراه جاي بالحلال
وانا امه وانت ابوه مهوب ماله اصل
قال لا حرام وشذنب جدانه مايدورن ان لهم حفيذ وش ذنبه هو لاجا مايعرف اهله وجدانه
المهم وطال الكلام قلت مانيب منزلته .. قال انا ابيك ولاابي اخسرك وهالشي بيخليني اخسرك قلت كيف ؟؟
قال لو قلت لهم بيقولون طلقها
قلت اصلا من قالت امك طلقها المره الاولى وانا غاسله يدي من اهلك كلهم
هذا وهم ناس يعرفون الله ويخافون من الله وامك ماشالله رجولها قيحت من الروحه والجيه للتحفيظ لاسف تقرى كلام الله لاكن ماعملت به
ماخافت من الله في بناتها انها تشوفها فيهم
مانيب منزلته والي الله كاتبه بيصير قم ودني لبيتنا عند اهلي
والله واجي
وكل يوم يكلمني تكفين وتكفين
تدرون وش مشكلتي .. اني احبه احبه احبه والله العظيم الله لايعاقبني اني احبه اكثر من امي هو مايبي يخسرني وانا برضوا مابي اخسره ..
تدرون لاتطلقت مدري وين بروح .. زوج امي نجس وسخ ودايم يحرشها علي
ولاعندي احد اررروح له او اجلس عنده يعني زوجي هو الي ضافني وهو الي ساندني بعد الله بها الدنيا
حتى لو كان يصبحني ويمسيني طق .ز اهم شي اني مستوره في بيتي محد له كلمه علي غير زوجي
انا تهت وضعت
المهم مااخفيكم اقتنعت بكلامه وقلت بنزله لاكن والله لو يجي يوم واسمعك تقول ان اهلي قالو تزوج مدري ايش وانهم وانهم والله لااخليك تندم على اليوم الي جابتك امك فيه واخليهم بدال مايزوجونك ان ياخذون عزاك
قال اوعدك اني مااتزوج غيرك وانهم اذا اصروا والله والله والله اني لااقولهم عن زواجي منك يا ... انا احبك والله احبك ولاابي اخسرك
المهم قبل يومين اخذت حبوب من وحده واكلت 2 واحط في المهبل 2 والساعتين الثانيه اكلت برضوا 2 واحط تحت 2 طبعا والله العظيم اني اصيح وانا احطها وهو يحطها لي مو من الم لا من شي جواي مهما قلته ماراح اقدر اوصفه
امس يابنات والله ان الحبوب نزلت كلها زي مادخلت
وشاورت خوياتي الي تقول نزليه عشان لو تطلقتي مايصير معس شي
والي تقول خليه
والي تقول نزليه دام توه صغير
وكلمت وحده وقالت بتجيب لي حبوب قويه اقوى من الي اخذتها قبل
اخترت وحالي الحين خلالالالالالالالالالالاص شرفت على الموت
ابي زوجي وابي ضناي
وانا محتاره تكفون وش اسوي :(
لغة العواطف @lgh_alaaoatf
محررة برونزية
يلزم عليك تسجيل الدخول أولًا لكتابة تعليق.
اختي ماادري ايش اقولك الله يعينك ..
وانصحك ماتاخذين الحبوب القوويه هذي ارادة ربك حتى لواخذتيها يمكن ماينزل الطفل وتسبب مضاعفات لك وللطفل وممكن تسببلك عقم دايما او تشوه للجنين وممكن تتسبب بوفااااااااتك .. مالك الا الصلاه والدعاء بجوف الليل وحاولي تقنعي زوجك ان الحمل موراضي ينزل وانك اكلتي حبوب كثيره بس مافي فايده .. الله يفرج همك..
وانصحك ماتاخذين الحبوب القوويه هذي ارادة ربك حتى لواخذتيها يمكن ماينزل الطفل وتسبب مضاعفات لك وللطفل وممكن تسببلك عقم دايما او تشوه للجنين وممكن تتسبب بوفااااااااتك .. مالك الا الصلاه والدعاء بجوف الليل وحاولي تقنعي زوجك ان الحمل موراضي ينزل وانك اكلتي حبوب كثيره بس مافي فايده .. الله يفرج همك..
بعد ردودكم تابعوا لان في شي فكرت اسويهبعد ردودكم تابعوا لان في شي فكرت اسويه
لا تنزلينه
ابدا
اذا جبتي الولد
بتجيبين ابوه
نصيحه
ليلك ونهارك سخريه للدعاء
الله يفرجها عليك
الله يهدي زوجك لك
الله يحنن قلبه عليك
الله ينزل السكينه والرحمه
نصيحه مني
اقري سورة الرحمن بكثره
وقولي
اللهم حنن ولين قلب فلان علي
وكرريها
وبعد صلاة الجمعه اقري سورة الجمعه لمدة شهر
مجرررررررررررربه
ابدا
اذا جبتي الولد
بتجيبين ابوه
نصيحه
ليلك ونهارك سخريه للدعاء
الله يفرجها عليك
الله يهدي زوجك لك
الله يحنن قلبه عليك
الله ينزل السكينه والرحمه
نصيحه مني
اقري سورة الرحمن بكثره
وقولي
اللهم حنن ولين قلب فلان علي
وكرريها
وبعد صلاة الجمعه اقري سورة الجمعه لمدة شهر
مجرررررررررررربه
الصفحة الأخيرة
لان في شي فكرت اسويه