بقولكم اليوم قصتي ببداية شهري التاسع في حملي البكري طبعا الاشهر الي قبل كان وحامي صعب وتم معي للولادة
وجتني كحه الله لايوريكم وجاني معاها تشنج حنجرة وربكم ستر وطبت من الكحه وبديت اجهز نفسي للمشي والمشكلة كان بداية الرطوبة مع بداية التاسع :09: يعني مااقدر امشي بالهواء الطلق <<===حشى عايشة بسويسرا
المهم قلت بمشي بالبيت عادي أمري لله وطبعا تعرفون البكرية تكون مثل الاطرش بالزفة :icon28: لاتعرف ولادة ولا طلق على بركة الله المهم جلست امشي بالبيت وكل ماتعبت جلست العب بلاي ستيشن وكلة العب شريك ذاك الغول الاخضر لووول<<===تضيع موضوع الولادة والرهبه منها
المهم رجعت أمشي ومريت من جنب المراية حسيت في شي غريب كملت قلت اتهيء رجعت اللفه الثانية في شي غريب بكوعي مع العلم ماشاءالله لاقوة إلا بالله مانفخت ولاتغيرت اللهم شكلي ماكلة وشبعانة
رجعت ادقق الاقي عند كوعي في شي منتفخ والكوع الثاني نفس الشي زي قرصة الحشرة بس اكبر ونافخة وبالكوعين ونفس المكان!!! قلت هااا اكيد حساسية كملي كملي ماعليه ثاني يوم بدت هالشغله تتوسع تمت من الكوع ونزلت لتحته بشوي ويوم عن يوم انتشر بجسمي كله :(شي غريب والله يابنات تقولين قطع مطاط على الجلد والقطع تتمدد لين تلزق بجاراتها :09:وتكبر لين ماعاد يبين لون جسمي منها والله على ما اقول شهيد ماعادا ظهري كأنه لانسانة ثانيه ماجاه شي أبدا ولا وجهي وطبعا يحررررررررررررررررررررررررررررق الله لايذوقها لمخلووق وحكككككككه بس ماقدر احكها ولونها صار خمري على بنفجسي ولما اوقف فتره تصير مايلة للسواد أأأخخ على ذيك الايام تنذكر ماتنعااااد يارب ولا احد يذووقها يارب رحت المستشفى قالوا مانعرف ومانقدر نعالجها ونتحمل مسؤليتها خاصة إنها حامل وخافوا يعطوني مهدئات يجيني الطلق وينام البيبي عليها وتصير مشكلة ياررربي
عطوني دواء الجدري بس هذا الابيض رحت البيت احط منه يبرد جسمي خمس دقايق ويرجع يحرقني ويحكني اكثر من اول وطبعا ماعدت عرفت طعم النوم يابنات حتى الملابس ماعدت اطيقها البسها غصب لاني احسها تحرق جسمي حتى السرير كرهته ماقدر انسدح لانه اصير احس بهالقطع هذي زيادة صرت كل يوم النوم عندي تحت الدوش افتحه واغمض عيوني واتخيل نفسي نايمة علشان ارتاح شوي واشغل المكيف على الاخر والمساكين اهلي يثلجون وانا ماحس غير بحرارة
رحت دكاترة ثانيين كلهم مارضوا يعالجوني خافوا موفاهمين شسالفه ماقد جاتهم حاله زي كذا المهم اخر شي رحت عند استشاري نساء وولادة واول ماشافني قال الله اكبر ايه ده وقال لماما بنتك عندها ارتكاريا حادة جدا جدا سالته ايش سببها قال ممكن من الحمل وتروح بعد الولادة ان شاءالله ووصف لي خمس ابر كورتيزون كل اسبوع ابره قلتله مايأثر على البيبي قال لا لانك بالتاسع المهم وعطاني دهانات على الجسم كمان كورتيزون قلت وين ادهن ولا وين المهم رجعت البيت وصار همي متى اولد علشان أفتك صرت أبكي ياربي سترك ولطفك بنفس الليله الي اخذت فيها اول ابره كورتيزون صحيت الفجر لقيت اكرمكم الله خيوط دم بسيطة :icon28: قلت خلااااص قربت ولادتي ماعدت افكر بهم الولادة صار همي اولد علشان اخلص من هالارتكاريا المهم جا العصر ولقيت نفس الخيوط الي بالفجر ماما الله يحفظها ويطول بعمرها قالتلي والله اعلم ولادتك اليوم طبعا انا كنت عند اهلي زوجي وصلني في بدايات حملي لاني عايشه في بلد واهلي في بلد
المهم وصلنا للمغرب طبعا لسه مابدا فيني الطلق الجد بس لسه يدوب مغص خفيف خفت لانه كان يوم اربعاء والطريق زحمة وكان آخر يوم في شعبان والناس تجهز لرمضان واعلق بالزحمة لذلك توكلت على الله واكلت سبع تمرات ورحنا المستشفى وكانت رطوووبة آآآه وش ذا الحظ وصلت واحس العبايه لازقققة فيني والرطوبة مع الارتكاريا شعوووووووووووووور لايوصف استغفر الله دخلت المستشفى وانتظر دوري جلست اتمشى شوي ولا نادوني ودخلت والدكتورة تطالع فيني والنيرسات بتعجب <<====تمتلك جلد تمساح حسيت نفسي مخلوق جاي من الفضاء قالتلي وين كنتي تتابعي حملك وشوية أساله بعدين كشفت علي وقالتلي فيكي ولادة اخدوا مني كل اغراضي وعطوها للماما ولبسوني ملابس الولادة وانا جالسة افكر كيف احك يدي ولا رجلي تعبببت من هالحاله دخلوني غرفة الولادة وجات الممرضة بتحطلي السيروم وصارت تدور على مكان بيدي مو محصلة الظاهر ماودها تبط هالبقع هذي قلتلها توكلي على الله حطيها مو مشكلة حطته وقالتلي نامي مو مشكلة انسدحت وصرت أقرأ الزلزلة والمعوذات والكرسي وبدأت أسمع المواويل من الغرف الي جنبي وبدأ يزيد فيني الألم وانا ودي اضحك على الكلام الي اسمعه لانه في وحدة كانت تقول آه ياليلي آه يانهاري ياغجر يانور بعدين اصوات بيبيات صريخ بعدين بيبيات تبكي :angry:لين بدا الجد معاي ودي ابكي اصرخ ماني عارفة بعدين اجت الممرضة وعطتني الكمام وحطت ابرة بالسيروم وعطتني ابره بالعضل وماني عارفة وش هو طلق صناعي مدري! بعدين حسيت نفسي احس بالالم وكاني شخصيتين وحده تصرخ وتبكي ووحده واعية على الدنيا بس مو قادرة تتحرك ههههههههه وتقول شفيها هذي تصرخ والله شعور غريب بدت الطلقات تزيد ولاشعوريا يجيني شعور بالدف تقولي الممرضة لاتدفي لسه واقولهاااا مااقدررر وادف وتقولي لسه بس شوي اخذي كمام احطه واحسه كلام فاضي سالتها كم فتح الرحم قالت 8 سم يلا ولادة صار 9سم جت ممرضة مصرية الله يجزاها الخير سمعتها كانت تكلم تلفون قبل لاتجيني وفهمت امها تعبانه وكانها كانت بكي وخفت لما ندوها لي لانها مو مركزة وقالتلي يلا اعملي رجولك كذا خلتني اضمهم على صدري وقالتلي دفي وماشاءالله لاقوة إلا بالله لسه ادف وولدت بالسلامة الحمدالله رب العالمين كانت الساعه 12.00 ص وعملولي خياطة بعدها وبعدين ودوني الغرفة والشباك كله قطرات ماي من الرطوبة رجعت احك طيب ودي اشيل البيبي ماني قادرة جسمي كله يحرقني ويحكني ياربي تميت على هالحاله لين خلصت ابر الكورتيزون كلها وتلاشت تدريجيا وكملت الاربعين والحمدالله كان كل شي تمام عملت جلسة صغيرة وعزمنا المقربين وتاني يوم <<==== حشى فيلم هندي رجعت اشوف نفس البقع الي طلعتلي بالحمل وقالوا سببها الحمل وتروح مع الولادة رجعت طلعت الله واكبر :(رحت عند الاستشاري الي تعالجت عنده قال انا تخصصي حمل ولادة لازم تروحي متخصص جلدية ورحت عند استشاري جلدية واخدلته ملفي شاف العلاج الي اخذته قال علاجك ممتاز وما اقدر اعطيكي فوق الي اعطاكي اياه دكتورك بعدين سألته قلتله وش سببها يادكتور نظر لي نظره قالي كل شي ممكن يجي في بالك ممكن يكون سببها حسيت انه يلمح لشي معين تعرفون الاطباء مايحب يعترف بالعين علنا بس لمح لي بهالشي وفهمت ساعتها بس انا مع الحوسةوبكرية والخوف وخوف اهلي علي ماجا في بالنا هالشي نهائيا
رجعت البيت وانسدحت واحس بالحرارةةةةةةةةةة بجسمي وجلست جنبي ماما وجابت القرآن وكتاب الدعاء وبدأت تقرأ علي
ومجرد مالمستني والله على ما أقول شهيد أحس بثلججججججججججججج برااااااااااد ياسلام وأبكي أقولها كملي تكفين برااااد الله يفرجها عليكي ياأمي ريحتيني الله يريحك ونمت بعد عذاااااااااب وحروووق وبعد يومين بالضبببط اختفى كل الي طلع لييييييييييييي عرفت ساعتها إنه العين حقققققققققققققق ولا كورتيزون ولا اطباء ولايحزنون غير كلام الله والتحصن فيه سبحانك يالله مع العلم انه الدكتور حذرني انها ممكن تجي بالحمل الثاني وبعدها حملت بالثاني لكني بعت الدنيا ماعاد همني شي بعد توكلي على الله بوالشي الي مريت فيه بس سويت شغله إني بتأكد صحيح هي عين؟؟ وماخبرت حدا عن حملي نهائيا نهائيا غير ابوي وامي وام زوجي فقططط وصبغت شعري مرتين بالرابع والتاسع وماهتميت زي حملي الاول وكان حملي ماشاءالله لاقوة إلا بالله سهل بس وقت ولادتي جيت عند أهلي وعرفوا لانه بنت خالتي كانت عنا وانتشر الخبر وولادتي كانت اصعب من الاولى بس ربي سهلها الحمدالله بس مقارنة مع البكري كانت أسهل وعن تجربة جنس الجنين ماله شغغغغغغغغغغغغغل يابنات عن تجربة انا اثنينهم نفس النوع وكل حمل شكل وكل ولادة شكل وعلامات الولادة مختلفة الاول فيه دم الثاني مافي غير نفاضة وألم بالظهر بس والاول كرهت اغلب الاكلات وكل ماكلت طلعت الي اكلته و الثاني حبيت كل الاكللللللللللل بس كنت ارجع مره باليوم بس يطلع دم مع الترجيع اكرمكم الله وواحد يرفس كثير وواحد رفسه خفيفف لذا توكلوا على الله وماعليكم من هالخرابيط والجنة تحت أقدام الامهات الي تجيب بنات واولاد وكلهم نعمة والله يرزق كل محرمة يارب العالمين ويسهل على كل حامل يارحمن يارحيم
وآآسفة على الاطالة بس حبيت أنكم تستفيدوا من قصتي :26:
يلزم عليك تسجيل الدخول أولًا لكتابة تعليق.
k.s.a 2010
•
الحمد لله على سلامتك والله يستر من العين صحيح انها حق و***** الله ربي مايعيد هاللايام عليك ويخليلك اهلك
الحمدلله على سلامتك وسلامه الولد.
الله يعوضك ان شاءالله ويفرح قلبك على الي مريتي فيه.
وحسبي الله على كل حاسد ومعين قاصد.
الله يعوضك ان شاءالله ويفرح قلبك على الي مريتي فيه.
وحسبي الله على كل حاسد ومعين قاصد.
الصفحة الأخيرة