بدون عنوان
ترددت كثيرا قبل لا اكتب هذا القصه لكن شي في قلبي يقول خلي غيرك يتعض يستفيد
مرحله طفولتي مرحله البرائه والتغيرات
كنت الثانيه في العائله الكريمه والاخت الكبري الاولي والي بعدي الولد اول استيعاب فهمته
اني بنت فرفوشه ومشاغبه واحب اللعب واكتشاف الاشياء واحب اعرف كل شي عقلي دايم
يسبق سني الوالدة دايم في بيت اهلها وابوي دايم يسافر واذا جا فرحنا با الهدايا وامي والله
العظيم كانت ما تحب تجلس في البيت دايم تحب تطلع وتتركنا في بيت اهلها او عند الشغاله
هذا الكلام صار ببعد ما تعديت المرحله الطفوليه الجميله من عمر 8 سنوات بدات تتضح
لي بعض الامور
انسانه ادرس في الابتدائي ساكنين ببيت جدي وعماتي كاو ما تزوجو يهتمون في تعليمنا
امي ا اتذكر دورها الا شي بسيط بس تهتم في اللبس والمظهر قدام الناس تحب ابوي واخواني
والامور تمام س كنت جدا شقيه ولا اهتم في احد وامارس طفولتي بحريه ولا في كان رقابه علينا
كنت ثير ما العب العاب بايخه انا وولد عمي تشهد لها اسياب البيت والمخزن والكراج
لعب طفولي بس غريب مريت با وقات اكو فيها ما ابي ارعف شي عن العالم الي حولي
احب العب واستكشف واحب كنت اطالع الفديو بكثرة هذا في بيت جدي ابو ابوي
لكن في حال سفر ابوي نروح بيت جدتي
انواع العذاب هذا العايله وقحه بكل معني الكلمه الكبير مايرحم الصغير والصغير ما يحترم
الكبير وانواع الاهانات والاستهزاء الله يسامحكم يا اهلي وخاصه امي جلستنا ببيتنا ارحم
م مقابل ناس غريبه ما عندها ثقافه وفهم ووعي انواع الجهل والتدخلات الشخصيه
وعدم احترام وتقدير طفولتي كانت اذا صرت معاهم صعبه
امي وابوي يدلعونا اول ويعطونا حقنا بس الي حولك يحطمونك بتعقليقاتهم السخيفه
علي شكلك ولونك كنك مسول عن خلقتك
ماكان فيه اول الا تجريح واهانه وتحطيم
واسلوب عنيف
مع هذا كله اعوضه بحنان وادب واخلاق اعل ابوي اذا رحت عندهم احس با الحب
والاهتمام من عماتي واقاربنا
الي تعبني بطفولتي اني عانيت م اعتدات جنسيه من الاقارب من عدة اشخاص في
ظروف مختلفه الحمدالله ما جاني شي واثروو في عذريتي بس الالم النفسي اكثر
الخوف كان يلازمني خفت البس خفت اعيش انوثتي زي باقي البنات براحه
صرت اتبع اسلوب اقص الشعر واتخشن والبس ملابس تكو ن قريبه للولد
فصرت القب بولد مسترجله وانا الحمدالله ما اعرف وش المعني الا الاسم بس
فصرت ارتاح من مضايقات كثيرة وخاصه لما اروح لبيت اهل امي معظمهم اولاد
ما يفكرون ابد يقربون لمي صرت زيهم الحين ولد والعب معهم كان غلاف
خليتها يغطيني عشان ما اتاذي ابدمن احد وصار العكس
الكلام يجرح والتحطيم يعيق اي نجاح تبي ترسمه لحياتك اذا تذرت اول احزن تدرون ليه
لاني ما عشت طفولتي با الشكل الي يرضيني والي المفروض هذا الوضع الطبيعي
لكن الحمدالله قدرت اتغلب علي اشياء كثيرة ونجحت عشت باقيها حلوة بس لا تخلو من بعض
احزاننا انا المراهقات
دخلت مرحله ا بعد البلوغ بديت ابحث عن اساس انوثتي استرجعت بقايا من انوثتي الي اعدمتها
في سبيل اني ارتاح من مضايقات وتحرشات بعض الاقارب
وجلست استعيد كل ما فقدته وحاولت اعوض في مرحله المراهقه احببت وكرهت واحبببت
وتالمت وحزنت وكل الامور الصعبه في حياة اي مراهقه مريت فيها
بعد كذا العائله المتخلفه ماكان فيها وعي يزوجون بناتهم صغار عادي وانا احسب العرس وناسه
المرحله الثانيه من حياتي :
عمري الان 15 سنه ادرس في المتوسط لس صديقات رائعات صراحه وامارس حياتي
بشكل يعجبني وزي اي بنت لي طموح واحلام وفكرة عن المستقبل وش راح يكون
بس كنت اخاف ارسم صورة رجل في بالي لاني كنت اعاني من تدخلات خوالي وامي في خصوصياتي
مالي شخصيه ابد امي كانت تضربني وتعاقبني وتهزئني وتمسح فيني البلاط قدام الناس
لازم امشي علي مزاجها ولا بتلعن خييري واختي الكبيرة عكس طلباتها مجابه
الي تسويه دايم حلو وهي الصح وانا الغلط بعدي اخوي بعدين بكم سنه خوات 2 بعدين
ولد بعدين بنت
المتعب في الي الموضوع ايش احس اني ما عجبتهم ولا راح اعجبهم وانا مو كويسه
ولا استاهل شي وومقرفه وقبيحه ولا اصلح لشي ابد هذا الي اعرفه عن نفسي منهم
وانا بداخلي ما ادري كيف ارضيهم واخليهم يحسسوني بقيمتي
وحسيت انهم متضايقين من وجودي واول ما تقدم لي شخص وافقو علي طول واقنعوي اوافق
حسيت انهم يبيون يخلصون من مسؤوليتي وصار الي يبيون
انا لا اعرف اول احب او اغازل اخذته وبس بعد الملكه خلصو اموري وطلبت زواج رفضو
وانزفيت عادي ببيت اهلي ورحت عنده طفله عمري 16 سنه
اول ما تزوجته حطيت املي فيه قلت هو الي بيعوضني حب وحنان واهتمام وبعيش معه مبسوطه
كانت هوايتي الوحيدة الي تسليني احب اقرا وارسم واكتب مرات شعر واحب استطلع في كل شي
اول ايام زواجي كانت حلوة واهلي خلاص معد ادري عنهم شهر عسل الحين
كان حبيب ورائع معي بس بعد ما خلص ال 15 يوم الي هو المفروض شهر عسل بدات
الامور توضح لي زوجي كان ظابط وكان يحب كل شي نظيف ومرتب وجاهز وعلمني علي كل شي اسويه له ويحبه
وصرت اسويه من يصاح الي ينام وانا اخدمه واناظر خاطرة وهو صدقوي كان يتهزا يني
يقول انتي صغيرة دلوعه واا بوريك بطلع الدلع من عيوونك
الصباح اصحا قبل الشغاله ساكنه ببيت اهله وقوم واسوي له فطوور واجيبه له ويفطرويلبس
واساعدة بلبسه واعطيه بوسه ويروح ومرات اكون تعبانه منهدة لاني يوم في الاسبوع انا اغسل ملابسي وملابس
وملابس العسكريه في البيت كانت ثقيله مرة واطلع السطح حقهم واغسل وانشر وانزل
وانظف قسمي بعدين شور واكشخ وانتظرة يجي يلبس يجلس مع اخوانه بتغدا معهم وانا لا
واجلس اكل بلحالي مرات او مع الشغاله او مع اهله بعدين يجي ينام
ويصحا قبل المغرب ويطلع وانا اجلس تحت مع امه الين 8 المغرب بعدين كل البيت يطلع فوق لغر فهم
ينامون وانا اجلس بلحالي في قسمي ما اطلع ابد الين يجي واذا جا يسولف شوي وياخذ غرضه
وينام وانا اجلس الين يجيني النوم وياما بكيت علي وسادتي كل ليله لاني احس وضعي مو حلو
استمريت معه مثل الشغاله يمكن بعد الشغاله احسن اهلي اروح لهم في الاسبوع مرة الاربعاء الصباح بعد السعه 10 ويرجع يا خذني 10 في اليل ويحطني ويطلع للبر
وانا اقابل الجدران بلحالي خالتي ام زوجي اجنبيه وسلفتي اجنبيه وماخذين حساسيه منننا احنا
ونظامهم كذا يصحو ن بدري ينامون بدري والسلفه برا ساكنه وبيتهم كبير وما في احد الا انا
وخالتي وخالي و2 من اخوانه ما اشوفهم ابد
هو يحب يطلع دايم للبر وكنت احسه ما يحبني وبنفس الوقت مو عالرف وش لون يوضح لي
وانا ما كنت استوعب الي كنت اعيشه الا بعدين من نناحيه انه كذا احسب الازواج كلهم عايشين كذا
المهم استمريت احبه واعطيه واخدمه واناظرة وهو العكس
يحطمني يتكلم علي يهزئني ولا يطلع فيني مكان ونوع زواجات وعزايم وزيارت للناس
اهلي بعد الزواج ارتاحو مني معد اشوفهم مرة الا يوم الاجازة والعيد امي مبسوطه
بعدتني عن وجهه وريحت مني بس يا ليت عطوي لرجال فاهم ويستاهل
حملت بعد 6 شهور وعلمته وقال ليه وزعل ووكلني انتم بكرامه الزق ليه مدري
وقال كانك جبتي بنت ما ابيها بخليك بيت اهلك وبعد 3 شهور عرف انها مو ولد وووزعل وتنرفز
ودايم كان يعاملني معامله سيئه اهانات بعدين ظرب بعدين اسلوب تحطيم بعدين ذل
لما اجي اروح لاهلي يسوي مشكله وكان يزعل علي اهلي بدون سبب خاصه ابوي
ولما اجي ازورهم كان يمنعني منعني فترة اشوفهم في بيت جدتي وشوي صار يجيبني
عند اول الشارع واكمل مشي عشانه زعلان وش السبب والله مدري الي اعرفه
اني ابوي وامي موعاجيبينه
اروح لاهلي عادي عندهم ما قد قالو ليه كذا يسويلك ولا نصحوني وش اسوي معه
ولا قالو بنتنا بنحفظ كرامتها وبنخليها عندا لين يتعدل لا عادي قلت لكم يبو الفكه مني
با اسرع وقت ومو فاضين لي مومهمه عندهم صرت اتعب اشتغل من الصبح وحامل
واشيل شبك الغسيل من تحت الين فوق عشان اعلقه لان خالتي خلت الغساله فوق
وصرت اصحا 7 الصباح انزل اغسل بعدين اسبع الملابس بعدين اطلع فوق الدورىالثالث
اعلقها وانزل انظف القسم بعدين اكوي الهدوم بعدين البس واستناه ولا انام وميته جوع وحامل
في 5 وهو يجي وينفخ ويتغدا بلحاله وينا م واذا جيت بنام برتاح يقول لا تطولين قوي انزلي
عند امي وكل هذا ومتحملته ليه لاني بزر احسب العرس كذا ولازم تطيعينه ولا تتكلمين
ما عدي الا اخت اكبر مني بس ما كانت تحبني وتغار مني ولا اسمع مها كلام زين ومطلقه
ع انها ما شافت ربع ماشفت بس هي المدلعه قالت مابيه قالو تم قالت ابي عرس قالو تم هذا الكلام قبل ما ارعس طبعا ط
الحين هي لها غلافه محد له كلام انا جلست بعدين معهم وقلت انه يسوي لي كذا هذا عادي قالو ايه
ولا تفكرين انك تطلبين الطلاق وتحملي وفعلا تحملت ومرت الايام وصار يهيني اكثر
واتهمني اني مو عذارا واني مو بنت اجل الدم الي طلع و4 ايام يحاول فيني لين سلكت الامور اخرتها مو بنت كل هذا عشان ايش تحطيم اكثر عشان امل واقول طلقني
وا=اخر مرة زرت الدكتورة قالت عندك نزول با الرحم لازم اشوفك بعد كم يوم
وقبل اليوم المحدد كان زوجي مسافر عنده دورة وكل اربعاء وخميس يجي زياارة وياخذني
من بيت اهلي واخر زيارة جا وخذني وجلس معي مبسوط واستغربت معاملته معي
نام معي ذي اليله وجاني بوحشيه بقوة واقول انا حامل وتعبانه مو مرة تسوي ا مارد
خذ غرضه من بكرة رحت الدورة المياة الله يكرمكم وصار معي دم ورحت المستشفي قالو تنويم
وعمليه ربط قال لا قومي وروحي نامي ببيت اهلك ارتاحي احسن لك
ورحت حطني وراح وانااانزف وامي تقول عادي يروح وموعدي كان السبت والصباح قمت علي الم
ونزيف ورحت للمستشفي ثاني قلو تنويم ورفعو رجولي من الصبح الين اليل راسي تحت ورجلي فوق
ولا فاد والزوج ما يرد علينا واظروو يولدوني وجبت بنت بس عاشت يومين الله يجعلها شفيعه لنا
بعدها اتصل زوجي وتفاجا وجا اا خلاص رحت لبيت اهلي وبعد كذا جا في اليل يزورني توة واصل من السفر
تخيلو وش سوا يقول ليه صار كذا وانتي موتي بنتي وين كنتي سهرانه ليه ماتت وانا بس اطالعه مدري كيف ارد
همه نفسه وبنته ماهمه انا انا اعاني وتعبانه نفسيتي وبنتي توها ميته وهو جاي ينافخ
امي ردت عليه وقالت له كل القصه ووش صار معي وكيف اظرو يولدوني
المهم طلع م عندي ذاك اليوم الي الان ما شفته السالفه لها 14 سنه يعني طلع م هنا ولا ادري عنه
بعدين جلست فترة طويله انتظرة ما جا بعدين جت وحدة م اقاربي تعرف اهله قالت روحو جيبو ورقه طلاق بنتكم
بكل سهوله ايه عادي سيارة ماخذاها اجار وباعاها
انا لا تسالوني وش كا وضعي تعبت وحزنت علي نفسي كيف هانت عليهم كلهم ولوني حيوان ذيك الساعه احسن لي
ولا شفت الظلم والعذاب الي شفته والاهانه واخرتها طلاق المشكله اني حبيته خلاني احبه
وجلست ايام اون وابكي عليه وجاني المرض سبته وجلست اعاني 6 سنوات مرارة وتعب نفسي
لاني احس اني طلعت منه بدون ما اخذ حقي كان يهيني ويضربني ويذلني ويتهزا فيني وبا اهلي
وكل انواع التعذيب واخرتها يطلقني ويروح ويتركني كذا
المرحله الثالثه م حياتي :
بعدها صرت في البيت حاولت اكمل دراستي اتعب نفستي ما كانت تساعدني ومصدومه
من الي حولي وكل شي كان بحياتي ماله معني وطعم ورجعنا للتحطيم من اهلي واقاربي
من الكلام واشياء كثيرة واخر شي تقدم واحد لي ووافقوو اهلي علي طول
قلت اسالو قالو كويس قلت ما ابي بسرعه قالو الا ا بعدين صار كل شي ووافقت لاني كنت
احس اني مظغوطه اهلي يبيون يخلصون وبس ما يهم من يكون اهن شي رجال واعرس ويفتككو ن مني انا مطلقه ببيتهم ووش يبون بها
وتزوجت واخذت ابو اعيالي من تزوجته وانا ابي احلي مشكله عدم التوفاق بيننا بكل شي
بكمل لكم بعدين تعبت
ريحه المسك @ryhh_almsk
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
كملي
اول شيء ارتاحي ثم كملي متابعتك