مرحبا بخواتي الغاليات شخباركم والله يهون على كل حامل يارب وإلي تقرا موضوعي أبيها تدعي لي ولعيالي بالتوفيق أنا الحمدلله عندي بنتين وولد وفكرت أجيب أخو لولدي وبعد دخول النت والبحث عن كيفيه الحمل بالولد بعد الله سبحانه وتعالى أولا كثرت من الأستغفار وفي اليوم 15 و16 و17 حصل جماع بس شرط أنك تغسلين في بودره بيكربونات الصوديوم ولا تكونين مرتاحه مع زوجك يعني خلي زوجك يكت المني بسرعه:o والحمدلله طاف على دورتي 12 يوم وكل ماحلل مافي حمل إلا يوم جا 12 يوم حللت والحمدلله حامل المهم بديت أسوي نفسي حقل تجارب عشان أعرف النوع أولا شفت حجم العانه أكرمكم الله بدا حجمها يصغر وماكان فيني وحم وجهي تغير للأسوأ تعبانه ويوم صارلي 5 أسابيع نزل مني أفرازات لونها بني وخفت سويت سونار قالت الدكتوره فيه كيس من غير جنين لازم تنظيفات خليتها تولي وقلت عطيني موعد بعد أسبوعين وبشوف المهم بعد أسبوعين رحت سوويت سونار ويارب لك الحمد بين النبض شفتوا شلون أخذت مثبتات وأبر عشان يوقف الدم وبعدين في الأسبوع 12 سويت سونار وبين نوع البيبي الحمدلله ضحكت الدكتوره وقالت 99% ولد مع العلم أن عندي كذا دكتوره أراجع عندها والله حيل فرحت بهالخبر بس يوم جا الأسبوع 22 قلت بتأكد والحمدلله طلع كلام الدكتوره الأوليه صح ولد سافرت الصيف تايلاند وأنا بالشهر الخامس وكان عندي نزول بالمشيمه بس ماعلمت زوجي خفت يلغي سفرتنا وأنا مومصدقه أنها حصلتلي :hahaha:
أقرق وايد صح
:D
عطتني الدكتوره أخر موعد للولاده في 13\12\2008 المهم في أيامي الأخيره ماكنت أقدر أمشي ياني زلال وزاد وزني حتى عيالي حبايبي ماطلعتهم في العيد متفشله من شكلي يوم يانا ثاني يوم عيد وجهي صار لونه أسود حيل حيل قعدت أقرا وأتصفح بالنت لقيت وحده كاتبه في منتدى كويتيات الله يعطيا العافيه إذا دخلتي شهرك وتبين تولدين سخني حليب سايل مثل حليب السعوديه عندكم مثلا مع 5 أعواد دارسين ( قرفه) مع 5 أعواد مسمار مع ملعقه عسل مع ملعقه زيت السمسم سخنيهم مع بعض وأشربيهم المهم أخذت الوصفه ورحت طبقتها في تاريخ 9\12\2008الساعه 3 العصر هذا الحكي في ثاني يو عيد قلت لعيالي شرايكم نروح لبيت أهلي ماكنت متوقعه راح يجي طلق قلت بس بشرب الحليب أشوف صج أو حكي بنات رحت لبيت أهلي وأنا مومجهزه ولاشي بس ماخذه تبديله لعيالي غلى أساس برجع لبيتي الساعه 12 يوم يت الساعه 9 حسيت بشوي ألام بس قلت تهيأت بعد نص ساعه بدا الألم يزيد ماقلت لأحد صبرت إل الساعه 12 قلت أدق على زوجي وأقول لا تجي بنام اليوم سال عن السبب قلت عيالك يبون يقعدون يستانسون عند خوالهم المهم الطلق قعد يجيني كل ربع ساعه إا وحده من خواتي قالت ام قبوله أنا حاسه فيك شي قلت إي والله قلت بخلي عيالي عند أمي حرام أخليه بروحهم مه الخدامه في البيت المهم بعد ماناموا أهلي وأنا ماسكه نفسي ما أصرخ ولاقلت لأحدغير أختي راحت أختي الله يعطيها الصحه والعافيه سوتلي كف مريم والحمدلله بعد أذان الفجر صليت ودقيت على زوجي قلت تعال فيني ولاده جاني طاير والحمدلله ولدت الساعه 7 الصبح ثالث يوم عيد وجبت أحمد عين السيح سماه زوجي على صديقه
واااااااااااااي تعبت
رحت نفست عند أمي ويوم جالي 20 يوم نظفت من الدوره ولله الحمد بس المشكله يوم جالي 35 يوم جاتني وحده من جماعتنا تسلم علي وأنا نسيت أقرا على ولدي بس الحمدلله على كل حال تعب ولدي من ثاني يوم وجا فيه التهاب شديد بالصدر والله يابنات كان ولدي بيروح مني شلته للمستشفى وكان نفس الخامه من التهب المهم حجزوه عندهم لمده 10 ايام وقالولي عنده لخبطه في الأملاح ونقص أكسجين قعدت أقرا عليه طول ما أنا معاه في المستشفى (ألا بذكر الله تطمأن القلوب ) والله يابنات قعدت أبكي في المستشفى لا شعوري وبعد ما رخصولنا الطلعه رحت الصالون أتزين لزوجي ( مسكينه هاه) :06: بعد مارديت من الصالون حسيت بألام شديده في بطني تدرون شصار
نزلتلي أخت النفاس افففففففففففففففف والله العظيم صارلي إلى الأن 20 يوم وأنا ما نظفت مع أني أكل حبوب مانع حتى زوجي ماقرب مني بس ما أقول ألا الحمدلله على كل حال ولاتنسون أن العين حق وأخيرا وليس أخرا أشكر كل البنات إلي باركولي يوم ولدت أشكر تجمعنا مع أم نهيان وذكريات أشكر كل بنت قلبها على الثانيه وأشكركم كلكم أدري دوخت روسكم بس ودي خواتي يسمعون قصتي ومع السلامه
بس تكفون لاتنسون تدعون لي ولعيالي وزوجي بالتوفيق والأستقرار
ام قبوله @am_kbolh
محررة
يلزم عليك تسجيل الدخول أولًا لكتابة تعليق.
أحلا حلى
•
الله يوفقك انتي وعيالك وزوجك وان شاءالله تستقرون
أحلا حلى :
الله يوفقك انتي وعيالك وزوجك وان شاءالله تستقرونالله يوفقك انتي وعيالك وزوجك وان شاءالله تستقرون
الصفحة الأخيرة