السلام عليكم ورحمة الله وبركاته ...
قصتي مع الحمل ..(يشهد الله ماكتبتها إلا من أجلكم ودي تحسون بالأمل والثقه بما عند الله)لأني كنت اغلب وقتي في هذا القسم واقرأ مأسي
وحاسه فيكم بس باقولكم شي واحد انا مريت بدوامه وحطيت نفسي في ألام نفسيه ..
لما أتذكرها الآن اندم ..
من أول يوم تزوجت فيه وانا شايله فكرة الحمل ع الأقل ثلاث شهور لأن زوجي مولع بالأطفال
المهم مرت الشهر الأول والثاني والثالث ومرت السنه كامله وماحملت ..
امه :غريبه ماحملتي وليش ماحملتي .. مع ان بنتها الكبيره جلست سنه وشهرين تقريبا ماحملت كان عندها هرمون حليب ,,,
فاأنا ارد على عمتي واقول لها ماني مستعجله لامرت سنه يصير خير عادي زي بنتك قعدت سنه وعليها وهذا شي بيد الله ..
بس اللي يضيق الصدر اني سويت تحاليل وزوجي نفس الشي وجميع التحاليل سليمه على العكس الدكتوره تقول الأخصاب عندك ممتاز وزوجك نفس الشيء...
أنا وقتها استانس اني سليمه حتى لاحد يعايرني
بس انا في قرارت نفسي كنت اتمنى يكون عندي هرمون او تكيس او اي شيء ع الأقل اعرف ليه تأخرت بالحمل ..
وصار كلن يفتي من راسه كنت احب وحده من خالاته طيوبه وعلى نياتها انسانه محترمه بس تفاجئة ان عمتي اللي هي اختها تقول والله أختي تقول وش هالحظ لولدك اللي تزوجوا معها أحملوا
انا أنصدمت مو من كلامها انصدمت انه طلع من الأنسانه اللي اعتبرها اختي الكبيره..
وصار زوجي يضايق بس قدامي يكابر وقال اهم شي انك بخير وانا مافيني شي احمدي ربك غيرنا سنين يتعالجون ..
كان منى عيني اني ارضيه وأفرحه
تخيلوا يابنات أخذت كلوميد كذا مره ومن راسي
لادكتوره ولايحزنون اخذ طريقة استخدامها من النت .وبغيت اجيب العيد بنفسي. بالأخير قلت والله رح تكون آخر تجربه سمعت عن الأبر المنشطه وقمت وأخذتها في شهر ثمانيه .. عند دكتوره بالدمام كبيره في سنها كانت قمه بالأخلاق رائعه وكلامها يفتح النفس تقول انتوا باقي صغار ولو بيدي ماعطيتك الأبره ونصحتني ماأخذها قالت انتي شكل فلوسك زايده انتي مافيك شيء خليه يجي وقت مالله يريد.
وأنا معنده ماأبي اطلع عند اهله بالصيف وانا ماني حامل مالكم بالطويله... كملت عندها متابعه وفعلا كان عندي بويضات حتى بعد انتهاء وقت التبويض لان التبويض عندي كويس وزادت البويضات بعدها عطتني دوفاستون لكن للأسف طلعت ديرة أهله وجتني الدوره لكن في شي غريب أن الدوره كانت مؤلمه جداً خاصه آخر ضهري وكان ينزل علي قطع كثيره صغار مره ماادري هي بويضات متفجره او وش هي ورحت اقول لعمتي قالت لاتخافين مو جنين
وطول الوقت ينزل مني هذاك الشي مع ان دورتي منتظمه وينزل القطع السوداء صغار وبنسبه عاديه بس ذا المره طول الوقت ينزل قطع وحسيت ان رحمي صار نضيف قلت يمكن سدد وبرمضان رحنا مكه مع اهله وجلسنا لنص الشهر ونسيت موضوع الحمل نهائي لأن أمنت أن الخلفه بالذات هبه ورزق من الله .. كل شي بيد الله طبعا لكن قلت انا باأبذل الأسباب بس
واسوي كل شي اقدر عليه عشان ماأندم
وفعلا راح من بالي موضوع الحمل قلت ان أراد الله باحمل وكل ماقالت شي عمتي قلت لاحملت بتشوفينه خخخخخخخخخخ الله يهديها .
ونزلت عند اهلي جده بعدين رحنا المدينه هالكلام بنص رمضان والله والله يابنات طبعا كانت اول زياره لي بحياتي للمدينه حسيت بحب وأطمأنان فيها وتمنيت السكن فيها وكل شوي انا بالحرم وطول الوقت امشي وأستغفر كل وقتي استغفر أنا وزوجي بالحرم من الليل الين ماتشرق الشمس فعلا تحسين بالأمان ونرد الفندق وننام ونروح نفطر وعلى الحرم كانت اجمل ذكريات قضيناها هناك وقبل مانرد مكه بيومين يطلع تحت عيوني بقعه بنيه واضحه مره مع اني ماأحس بأي الم وماني تعبانه حتى قبل الدوره ماكان يصير لي كذا قال زوجي والله انك حامل طنشته واهو بعد ماكثر مايبغى يعشمني بشيء
وردينا مكه وطول الوقت عمتي تناظر صدري وقالت ابي اشوف صدرك قلت لها ماراح تشوفينه انا استحي وفعلا انا انحرج
اهي جريئه مع بناتها تشوفهم عادي بس انا ماتعودت الصدق .. قالت صدرك ذا المره غير احس ان حجمه مو زي كل مره يمكن انك حامل
قلت لا ماني حامل عادي صدري قبل
الدوره يورم.. بعدين سكتت ماتبي تضايقني
واليوم الثاني تقول اعرف دكتوره شاطره باوديك لها وباخليها تعالجني قدامك ياحليها تحسبني اخاف من السونار قلت وش له تعالجيني وانا سويت فحوصات ومافيني شي بعدين عرفت انها مو مقتنعه اني سليمه وتبي تتأكد بنفسها ..(كيدهن عظيم) الله يصلحها ويحسن خاتمتها
طنشت بس قلت لزوجي زي ماوصلت لأمك انك سليم وفحوصاتك تمام قولها اني سليمه وحالنا واحد قام اهو زعل قال امي الله يهديها زودتها
بعدين عرفت انها تحن عليه بس ماكان يعلمني
رحت لأهلي وقبل الدوره بيومين الأفرازات بالعاده تنقطع بس استمرت معي وقلت لزوجي ابي تحليل وجاب لي هذاك التحليل الفوري اللي باي وقت وحللت وطلع خطين على طول
ورحت علمته والله يابنات حسيت بغصه في حلقه من الفرحه ورحت حللت وطلعت حامل وضمني بالمختبر السستر تقول هذا اول حمل أنفجعت واستغربت هههههههههههههههههههههه شعور ماينوصف يارب ياكريم يارحيم فرح قلوبهن زي مافرحتني واثلج صدورهن وارزقهن بما تشتهي نفس كل وحده ..
خلاصة الحديث قبل كل شي ظني بالله خير
لاتقولين انا عندي هرمون وانا غير اللي فيها شي واللي سليمه مابيرزقك الا ربي فلا تطلبي من غيره لان رجولك بتحفى وانتي ماأخذتي اللي تبين
الأستغفار والظن بالله خير واعتبري الحمل غير أساسي في حياتك لان العامل النفسي يلعب دور كبير اعذروني ع الأطاله (أحبكم ف الله )
وأنا الآن حامل بالثالث يارب يفرحني فيه سليم معافى تام الخلق والخلقه وكل من قال آمين
ري ــــــــــوف @ry_of_1
عضوة نشيطة
يلزم عليك تسجيل الدخول أولًا لكتابة تعليق.
احساسي انا111
•
ماشاء الله الله يتمم لك على خير يارب
ماشاءالله تبارك الله :icon28::icon28::icon28:
الله يتمم لك على خير وإن شاءالله
تشوفينه بين احضانك يارب
وعقباااااااااااالي ياااااارب
وعقبال كل متأخرة بالحمل يارب
يارب يارب يارب يارب
الله يتمم لك على خير وإن شاءالله
تشوفينه بين احضانك يارب
وعقباااااااااااالي ياااااارب
وعقبال كل متأخرة بالحمل يارب
يارب يارب يارب يارب
الصفحة الأخيرة