قصتي ‏,,,‏ حب الطفوله

بسم الله الرحمن الرحيم

اخواتي,,,,,,
انا اليوم حبيت اطرح لكم قصة زواجي اللي لين الحين ماأكتملت
وايغى منكم نصايح عشان ماأنصدم من الواقع لاني انا كلمه
تجيبني وكلمه توديني ‏,,,,

المهم قصتي ابتدت من يوم وانا صغيره ممكن من قبل حتى
مااسجل في المدرسه
انا حبيت ولد عمي حب جنوني اللين كبرت وصرت في الصف الرابع
صرت استحي منه موت وغطيت منه مع انا صغار يعني هو انبر
مني بسنتين بس المهم كبرنا وهو كان يميل لي مدري يحبني ‏
من قبل حتى ماأحبه انا المهم يوم صرت في المتوسط اخوي تزوج بنت عمي اللي كانت محيره،‏)(محجوزه) له
وبالصدفه سمعت اني انا محيره لولد عمي اللي احبه
كبر الحلم وصرت ارسم احلام ورديه وكل ماأكبر يكبر حبه معاي
والحمدلله هالسنه سوينا الشوفه ولبسنا الدبل وبعدها بشهر
ملكنا وصار الحلم حقيقه
المشكله الحين انا متأكده ان ولد عمي يحبني مووووووت
لكن مايكلمني غير مره بالاسبوع مكالمه ماتستمر عشر دقايق
وتكون بالمره روتينيه مافيها كلام زي المملكين
ويكون بينا يوم ثاني نسولف فيه بالرسائل ونقعد خمس ‏
ساعات ونسولف سوالف حب وكلام من هانوع
انا سوالي ليش بالمكالمه مانسولف نفس بالرسائل
مع العلم اني انا خجوله موت وصارلنا شهرين مملكين ولكن
للحين حاجز الخجل مو راضي يروح
ياريت نصايحكم لي اختكم
ولكم مني دعواتي الحاره