السلام عليكم ورحمة الله وبركاته :
حبيت افضفض واكتب قصة امي هنا لعل وعسا احد يستفيد منها..
انا عضوه قديمه في حواء ولكن لزوم التخفي بكتب بمعرف اخر ,, تدرون الاقارب وما الاقارب قاطين في المنتدى.
**************************
هذي قصة حياة امي واحاول اختصرها ...
رح اكتب قصتها على لسانها عشان مانتشتت..
يعني هي اللي تتكلم:
كانت حياتنا زمان صعبه جداً على فوانيس وبيوت حجر و طين , وحياة شقا بس كنا مبسوطين.
كانا عايشين زي اي عائله في حالنا كان عمري 5 سنوات امي كانت جميله جداً وماكانت من اهل المنطقه
واهل القريه يسمعون في جمالها, بدأو الحريم يخافون على ازواجهم ويلفقون لأمي كلام مو زين , لكن ابويه
ماكان يسمع, لما يوم من الايام جاه واحد يقرب لوحده كانت في القريه قبل امي وكانت هي اجمل نساء القريه,
لكن لما جت امي غطت عليها بالجمال,,,, ابويه دخل على امي قالها سوي عشا عندي ضيف,
وهي مشغوله في العشا دخل عليها فجأه قال انتي طالق 3 مرات. وهي مذهوله وهو برضه مذهول من اللي سواه
(كأنه كان في غيبوبه).
تقول طحت على الارض ومو عارفه وش صار , والرجال انهار , قال خلاص اسكتي لاتعلمين احد , عشا الضيف وراح.
قال انا برح بكره للشيخ وافتي عسا يفتينا ونرجع.(المسأله كانت سحر من الضيف بس ماكانو يدرون)
راح للشيخ وماطلع بيده شي راحت امي يم اهلها وكانت حامل بأختي الصغيره.
هنا بدأ مشوار معاناتي.
كنت انا واختي الكبيره مع ابويه وامي لما انجبت بقيت اختي الصغيره معاها.
ابوي تزوج ويادوب حملت زوجته بعدها انقتل على يد مجهول.
زوجته راحت لأخوها , واخوها كان تاجر كبير وقتها يُعتبر من الاغنياء, احنا كان عندنا اخ من ابونا أكبر مننا,
اخونا تزوج وكنا عايشين معاه, مو راضي يخلينا نروح لأمنا, وامي ماكانت تقدر تعولنا,
اختي الكبيره وقتها كان عمرها 14 تقدم لها ولد عمنا لكن اخويه رفض لأنه كان واحد تاجر يبغا يتقدم.
وفعلاً تزوجها التاجر وهو يكبرها وكان متزوج وعنده ابناء,
كنت انا بس عايشه عند اخويه وكانت زوجته شرسه معايه حيل وكنت ارعى اطفالها لأني احبهم اطفال وانا
اُعتبر طفله. بعد فتره رجع ولد عمي اللي تقدم لأختي وخطبني و وافق اخويه وتزوجت كان عمري 12 سنه (عشان يفتك مني).
عشت في بيت عمي اول ماحملت راح زوجي يدرس بالرياض وكانت بعيده جداً عنا, يعني يجينا كل سنه مره.
وخلاني عند اهله, سنه وانا عند اهله عايشه في ذُل طفله عمرها 12 وحامل وتكرف , ماكان احد يحس فيني, والأم
كانت قاسيه (كل ام تغار على ولدها معروف) .
كنت اطحن على الطاحون وتعبانه من الحمل , جت بنت عمي وغصب عنها طيحت حجر على راسي وبكيت من الالم.
راحت قالت لأمها نوره تبكي جت امها وسبتني وضربتني تقول تبكين عشان ماتكملين الطحن!!!. قومي كملي.
وانا اكمل وابكي.آهـ .
لما جت وقت الولاده وتخيلو طفله وحامل والحاله الجسميه ماتدعم كنت نحيفه وتعبانه.
ارسلو لأمي تجي لأنهم قالو يمكن تموت ماتقدر تولد.
جت امي وكانو مستعدين بالكفن وعدة الميت, لأن زمان كانت كثرة الموت في الولادات طبيعي , مو زي اللحين.
جت الدايه حقت القريه وهي من الاقارب, وتجمعو الناس في بيت عمي وامتلاء البيت ينتظرون خبر وفاتي,
انا في حال لايعلمه إلا الله زي الخرقه في اياديهم, وبطني كبير وانا جسمي ضعيف ومنهك.
امي وصلت وكانت مع الدايه ويحاولون بشتى الطرق انهم يولدوني, اضطرت انها تشق بالموس قالت مع الايام يلتأم
طبعاً مستحيل يلتأم لكن الجهل سبحان الله (الله يسامحها ويرحمها لعبت فيني).
و ولدت وربي سلمني ونجاني .
بعد 8 ايام وصل الخبر لزوجي , وسمينا الولد ونفاسي كان عند اهل زوجي. بعد كم شهر زوجي جاء وجلس شهر وراح .
حملت و ولدت وصار عمر بنتي سنه وبدأت تمشي وبعدين جاء زوجي يعني كانت الحياه صعبه, بحكم صعوبة المواصلات.
قال زوجي باخذكم معي للرياض .
رحت معاه واستأجرنا بيت غرفتين ومطبخ وحمام (بيت من الطين) , وعشنا حياتنا , كان زوجي قاااسي وشخصيته قويه
رغم انه يحن ويغار.
انا صغيره في السن 15 او 16 سنه وعندي طفلين, وزوجي كان في العشرينات, شخصيتي ضعيفه مره واخاف منه مره, مااقدر اقول
لا او اجادله, اخدمه واقوم بواجباتي على اكمل وجه , كنت اعتبره ابويه مو زوجي, وهذا اللي مخليني اتحمل.
مايقصر في المصروف ولا في البيت ويحب اولاده, لكن انا زي الخادمه اخلف واخدم, مايهمه رأيي ولاينتظره اصلاً.
........................
مشت حياتنا وصار عندي 4 اطفال, وقتها بدأ مشوار القسوه و التجريح., صار يهزئني على اتفهه شي ويمد يده علي.
قال اسمعي يابنت الناس انا ماعاد ابغاك وابغا اتزوج , اذا تبغين اطلق وتروحين لأخوك,
دارت فيني الدنيا وماادري وين اروح امي تزوجت وعندها اطفال كثير في رقبتها ابوهم مايشتغل وامي هي اللي
تشتغل وتصارفهم.
اخوي مااقدر اروح له زوجته زي الجزمه وعنده اطفال .
مالي الا ارضى , صبرت ولازم اصبر لأخر لحظه في حياتي معاه.
طحت على رجوله وبوستها وقلت انا لك واللي تبغاه يصير. بس لاتطلق وين اروح بـ 4 عيال.
اليوم الثاني راح يخطب وهو في الطريق وبكاااامل كشخته طاح في بياره (بيارة .....)
رجع البيت وهو متنكد وماعاد خطب , وكأنها خيره اختارها الله.
اشترينا بيت صغير وعشنا فيه و هو ماتغير من ناحيتي طبعاً , جاب اخوانه 2 بحريمهم واولادهم,
وصرت اخدم الكل وما اوقف , واشوف زوجي اخر الليل وقت الفراش فقط.
البيت 3 غرف فقط والدور الثاني غرفه وحده وكان فيها عزابيه (اولاد اعمامنا).
وجلسنا سنتين على هالحال... وانا ساكته لأني ماابغا اضيع واضييع عيالي معاي. وكان يشغلني اخدم
اخوانه واولاد اعمامه العزابيه.
نقلنا على منطقه ثانيه ومرت السنين ونقلنا منطقه ثالثه ومرت السنين ..
نقلنا لأخر منطقه وكانت وظيفته كبيره وصار شخص مهم جداً في المنطقه كان معي 9 من الاولاد و البنات.
كل فتره يجيه واحد بهديه شكل والهدايا اغلبها بنات (اي نعم بنات). وهو كان يتردد وبعدين يرفض
جلس فتره طويله وهو يرفض هدايا العرس... يعني كانو يجون اباء يهدون بناتهم له.
ــــــــــــــــــــــــــــــــــــــــــــــــــــــــــــــــــــــ
الجزء 2
كنت اقوم بشغل البيت والاولاد والزوج والضيوف, كنت زي المكينه ما اوقف ولا دقيقه الا وقت النوم.
ماكان يراعي مشاعري ولا كان يراعي اني تعبانه ,, كنت اقوم بشغل يهد جبل مو آدمي بس.
كنت اصبخ الذبايح انا بنفسي في البيت وكنت اسويها مفاطيح بعد. وكله على ظهري.
و فوق هذا كله اذا ماعجبه الشي مجرد مايروح الضيوف يضربني.
صبرت وسكتت,
نقلنا بيت كبير (فيلا) بحكم منصبه الكبير, وجاب لي اول شغاله , كبرو اولادي ., زوجت بنت و ولد.
الحمل خف نسبياً عن اول , وبدأ انشغاله بوظيفته وكانت دوامين صباح ومساء.
ماكنت ادري عن شي , جاء يوم وكان فيه عزيمه عند رأيسه في العمل كبيره مره وقالي روحي وجمليني قدامهم.
لاتفشليني, وكنت اروح عزايم واحاول اجمله قدامهم,
تعرفت على الجيران ,, ودخلت صداقه مع جارتي اللي مقابلتني, ولما صرنا زي الاخوات كانت تجيب لي اخبار.
قالت سمعنا ان زوجك خطب اخت واحد عنده في العمل مُعيده في الجامعه ومطلقه,, انا انصدمت وانجرحت,
رحت بيتي وانا ابكي وبرضه اقول يمكن اشاعات لأن منصبه حلو., مجرد مااحط عيني بعينه انهااار بكاء.
انا عشت معاه طفله وكبرت بين ايديه وهو مربيني, حتى لو كان يقسى علي كان هو حياتي ودنيتي اللي عايشه فيها.
بعد هالمشوار من العمر يروح لغيري ويتركني,, اشياء واشياء دارت في راسي,
ماكنت اتجرأ اجادله في اتفه شي , لكن وقتها تعبت وقلت بتشجع واقوله.
رحت قلت يابو فلان سمعت انك خطبت ..الخ
قال كذب ماصار هالشي, ارتحت وفرحت , كنت على نياتي كلمه توديني وكلمه تجيبني صح اني كبرت
لكن مشاعري مازالت طفله.,, مجرد هالكلمتين لملمت جروحي.
بعد فتره رحت لمناسبه وكانت خطيبته موجوده وتطالعني طول الوقت بدأ جرحي ينفتح من جديد ويتأكد لي الكلام.
جت زوجت اخوها تقول ترا احنا صرنا اهل ونبغا نتعرف على بعض تزورينا ونزورك, وتهذر على راسي, وانا
الدنيا تلف بي, رحت البيت وش اسوي !!.. خلاص مالي الا ارضى ,
كنت مااكل ولا اشرب ولا ارتاح لما هو ياكل ويرتاح, كنت زي الخدامه عند رجوله لما يمرض, اشيل الذبايح على ظهري
عشان ضيوفه ولا احد كان يساعدني, تغربت معاه وتمرمطت وكنت معاه من الصفر من لما كان يدرس لما توظف وحبه حبه كبر
وصار له مكانه وصيت, ورضيت بالذل ونهايتي اقدمه لغيري على طبق من ذهب!!!
قلت خلاص هذا نصيبي في هالدنيا, وكنت ابكي بحرقه وناررر, مقطوعه من شجره وين اروح, حسيت كأنه اب بيتبرا من بنته
ويرميها في الشارع للكلاب تنهشها.. كنت اشوفه أب قاسي, مااشوفه زوج إلا وقت النوم.
بعد فتره سمعت ان البنت رفضته لما شافتني , تقول زوجته احلى مني حتى وان كانت كبيره, ماارضى اروح عليها.
ربي صرفها عني , لكن الجرح مازال,
مشت السنين وخطب وحده مصريه دكتوره في مستشفى, المصريه مجرد ماوافقت بدت تفرد عضلاتها عليه وهو باقي ماتزوجها,
تركها لأنه يبغا الحرمه مالها شخصيه لأني انا عودته بسلبيتي, وكانت نقطه حلوه في هالموقف فقط.
كانت احدى بناتي تدرس في منطقه ثانيه لأنها كانت تبغا كليه متوسطه سنتين واحنا عندنا جامعه , اضطريت اروح معاها
واخذت باقي عيالي معايه, واشترالنا بيت في المنطقه.
ــــــــــــــــــــــــــــــــــــــــــــــــــــــــــــ
الجزء 3
صار هو ساكن لحاله , وهو راضي عاااادي, جلس 5 سنين على كذا لأن بنتي لما تخرجت دخلت الثانيه نفس الكليه.
وكنت احياناً اتركهم واروح لزوجي اقعد اسبوع وارجع لهم. ماكنت اقدر استغنى عنه وكنت احن عليه مين يخدمه..
وكان يفرح اذا جلست عنده اسبوع.,, يعني كنت اترك بناتي عشانه.
تزوجي بناتي الثنتين, وزوجت ولدين بعد,, صارو على اللي من قبل 3 اولاد و3 بنات.. باقي عندي 3 بنتين و ولد.
قال خلاص استقرو هناك باقي كم سنه واتقاعد , لأنه شرا ارضين في نفس المنطقه اللي درسو بناتي فيها وبنا بيت كبير
وسكنا فيه.,
مات ابو زوجي وام زوجي حرمه كبيره يالله حسن الخاتمه, بس كانت بقية حياتها معاي من بعد ماسافرت مع ولدها حلوه
حبتني حيل وماتقدر تضايقني.. قلت خالتي تجلس عندي في عيوني, رغم ان عندها اولاد وبنات لكن مايحسون الله يهديهم.
زوجي ترقا وباقي له 3 سنوات ويتقاعد , قال بنقل للمنطقه الفلانيه وهي بعيده , انا وقتها تعبت
من السفر والشيل والحط.وهالمنطقه كان واحد من اولادي ساكن هناك بزوجته, قلت تجلس هالثلاث سنوات عند حمد لما تتقاعد.
قال ايوه.. قال امي تبقا عندك انتي , اخدميها وارعيها تراها كبيره, قلت تشيلها عيوني.
وهو يجهز للنقل وانا غافله خطب و ولدي حمد كان يدري وساكت, جاء عندي حمد قال يمه لو ابوي تزوج ؟!!.. تنهدت
بحراره وحرقت قلب قلت يتزوج خلاص انتو كبرتو وحولي واذا هالشي بيساعده في مشواره هالحين يروح الله معاه.
قال احنا حولك واذا تزوج تفتكين منه ومن عصبيته حتى احنا نرتاح شوي, ابوي حار الله يهديه ..
قال ترا ابوي خطب, قلت من جدك قال ايه .. سكتت قلت رح تتفركش زي المحاولات السابقه.
جلسنا اسبوع دقت زوجت ولدي تقول ياخاله ترا عمي امس راح وشافها وجاب لها طقم ذهب وساعه ألماس,
واليوم ملك عليها وحمد معاه,,
ياااهـ وين أنا رميت السماعه ومادريت عن نفسي ارتفع السكر فجأه واغمى علي صحيت من صوت بناتي واولادي يبكون
حولي, وجابو الهلال الاحمر وعطوني انسولين ينزل السكر ..
وكلهم مو عارفين وش فيه, قلت ابوكم ملك علي ورجعت اغمى علي مره ثانيه,
عطوني ابر ونمت.
ــــــــــــــــــــــــــــــــــــــــــــــــــــــ
الجزء 4
يتبع
ام مليــكه @am_mlykh_1
عضوة جديدة
يلزم عليك تسجيل الدخول أولًا لكتابة تعليق.
امي تعبت حيل حيل لما صارت زي الشرشف على السرير وابويه اندمرت نفسيته من خوفه على امي, لأن حياته اصبحت سيئه
مع مها , وعنده منها 5 عيال وشايل همهم ومو قادر يطلق عشان العيال, قد فكر يطلقها لكن اخواني منعوه .
لأنه يقول انتو ربو اخوانكم وهي بتروح لأهلها.
قالو لاعاد تخلفون وخلها تربي عيالها.
امي ماخلينا مكان ودينها حتى الشيوخ اكثر من شيخ وديناها, بس مافيها شي, المسأله تراكمات نفسيه وتعب جسماني.
تدهور حالها لما صارت ماتتكلم ولا تاكل ولا تشرب نجلسها ونحممها زي البيبي,
دخلناها المستشفى جلست 4 شهور على الانابيب لما تحسن حالها , نقلوها للتنويم, صارت تطالع فينا وتتكلم بس كلامها
قليل..
اول مره اشوف حال ابوي كذا مذلول تحت سريرها جالس على الارض ويهرج ويضحك لأنها فتحت وصارت تعي حولها, كأنه طفل
مو عارف وش يقول وكلامه مو مرتب,
يقول متى تخرجين ابغا جريش وامي تتبسم له وكل ماتبسمت له باس يدها, قرب منها قال يا ام حمد انا احبك واغليك
, مااقدر استغنى عنك, مسامحتني؟,
هزت راسها وابتسمت ( في لحظه نسيت كل الماضي والالم والجرح اللي تسبب لها فيه).
صارت امي توقف على حيلها شوي قلنا بنطلعها البيت, ابوي نام عندها ويعطيها الادويه في الليل.
قالت امي يومي طيب لكن يوم مها اطلع لها والا والله مااسامحك.
نزل وانا جيت نمت عند امي , زوجي كان متعاون الله يسعده يارب, كان يومها الثاني بعد المستشفى.
تعبت في الليل وصارت تشاهق وعيونها تغيرت , مو عارفه اتصرف دقيت على فهد اخوي و 10 دقايق على بال مايجي
طلعت ركض على الملحق وادق الباب زي المجنونه,
طلعت مها فتحت دخلت جري على غرفة نومه, قلت امي تعبانه , شلناها على المستشفى دخلوها الطوارى
قاله الدكتور ومن غير مايراعي مشاعرنا , انتو جبتولي جثه
آآآآآهـ ياأمي كلنا انهرنا لكن ابوي كان غير يصيح بصوت عااااالي كأن احد طعنه في قلبه.
لما افتكر هاللحظه وكأن ابوي الندم دمره ومو عارف وش يسوي عشان يرجعها للحياه ثاني,
ابويه كان قاسي وجاف , لكن ماكان يقدر يستغنى عنها ابد ابد , حتى وان تزوج و حتى وان كان يجرحها
لكن مايقدر تبعد عنه, وكأنها جزء من جسمه لابد منه.
ابويه اللحين مشغول بعياله , وتعبان حيل لأنه كبر , الله يشفيه
الله يرحم امي ............ مضى على وفاتها سنه .
حبيت اكتب لكم قصتها ..
لأني لما تزوجت قالت لي , لاتكون حياتك بيده ولاحياته بيدك لأنك حياتك مو ملكه., انتم اضافه لحياة بعضكم , بس خليها اضافه حلوه.
لاتستحين تطلبين اطلبي ولاتتركين شي لك عنده بعلة الحنيه والا الخوف.
حقك لاتتركينه, احترميه وقدريه لكن اذا في موضوع معين لاتخافين تجادلين, بالعكس ناقشي وجادلي بس بأدب وعقل.
لاترفعين صوتك لكن خلي لهجتك شديده بدال رفع الصوت.
اهرجي معاه خذي واعطي لاتعاملينه كأنه رأيسك , عامليه كصديق وحبيب, يعني طيحي الميانه معاهـ, خذيه لك رفيق
في الحياة, لاتسووين زيي وتضيع حياتك . انا كنت سلبيه بسبب عيشتي وصغر سني, وضروف حياتي قبل الزواج وبعده.
زمنكم هذا افضل بكثير ...
ــــــــــــــــــــــــــــــــــــــــــــــ
انتهى
سلامي الى قلوبكم الكريمه.
( مااقدر اضيف رد.. سويت تعديل عشان ارد:: الله يسعد كل من دخل حبايب قلبي انتم والله ,لايحرمني منكم)
مع مها , وعنده منها 5 عيال وشايل همهم ومو قادر يطلق عشان العيال, قد فكر يطلقها لكن اخواني منعوه .
لأنه يقول انتو ربو اخوانكم وهي بتروح لأهلها.
قالو لاعاد تخلفون وخلها تربي عيالها.
امي ماخلينا مكان ودينها حتى الشيوخ اكثر من شيخ وديناها, بس مافيها شي, المسأله تراكمات نفسيه وتعب جسماني.
تدهور حالها لما صارت ماتتكلم ولا تاكل ولا تشرب نجلسها ونحممها زي البيبي,
دخلناها المستشفى جلست 4 شهور على الانابيب لما تحسن حالها , نقلوها للتنويم, صارت تطالع فينا وتتكلم بس كلامها
قليل..
اول مره اشوف حال ابوي كذا مذلول تحت سريرها جالس على الارض ويهرج ويضحك لأنها فتحت وصارت تعي حولها, كأنه طفل
مو عارف وش يقول وكلامه مو مرتب,
يقول متى تخرجين ابغا جريش وامي تتبسم له وكل ماتبسمت له باس يدها, قرب منها قال يا ام حمد انا احبك واغليك
, مااقدر استغنى عنك, مسامحتني؟,
هزت راسها وابتسمت ( في لحظه نسيت كل الماضي والالم والجرح اللي تسبب لها فيه).
صارت امي توقف على حيلها شوي قلنا بنطلعها البيت, ابوي نام عندها ويعطيها الادويه في الليل.
قالت امي يومي طيب لكن يوم مها اطلع لها والا والله مااسامحك.
نزل وانا جيت نمت عند امي , زوجي كان متعاون الله يسعده يارب, كان يومها الثاني بعد المستشفى.
تعبت في الليل وصارت تشاهق وعيونها تغيرت , مو عارفه اتصرف دقيت على فهد اخوي و 10 دقايق على بال مايجي
طلعت ركض على الملحق وادق الباب زي المجنونه,
طلعت مها فتحت دخلت جري على غرفة نومه, قلت امي تعبانه , شلناها على المستشفى دخلوها الطوارى
قاله الدكتور ومن غير مايراعي مشاعرنا , انتو جبتولي جثه
آآآآآهـ ياأمي كلنا انهرنا لكن ابوي كان غير يصيح بصوت عااااالي كأن احد طعنه في قلبه.
لما افتكر هاللحظه وكأن ابوي الندم دمره ومو عارف وش يسوي عشان يرجعها للحياه ثاني,
ابويه كان قاسي وجاف , لكن ماكان يقدر يستغنى عنها ابد ابد , حتى وان تزوج و حتى وان كان يجرحها
لكن مايقدر تبعد عنه, وكأنها جزء من جسمه لابد منه.
ابويه اللحين مشغول بعياله , وتعبان حيل لأنه كبر , الله يشفيه
الله يرحم امي ............ مضى على وفاتها سنه .
حبيت اكتب لكم قصتها ..
لأني لما تزوجت قالت لي , لاتكون حياتك بيده ولاحياته بيدك لأنك حياتك مو ملكه., انتم اضافه لحياة بعضكم , بس خليها اضافه حلوه.
لاتستحين تطلبين اطلبي ولاتتركين شي لك عنده بعلة الحنيه والا الخوف.
حقك لاتتركينه, احترميه وقدريه لكن اذا في موضوع معين لاتخافين تجادلين, بالعكس ناقشي وجادلي بس بأدب وعقل.
لاترفعين صوتك لكن خلي لهجتك شديده بدال رفع الصوت.
اهرجي معاه خذي واعطي لاتعاملينه كأنه رأيسك , عامليه كصديق وحبيب, يعني طيحي الميانه معاهـ, خذيه لك رفيق
في الحياة, لاتسووين زيي وتضيع حياتك . انا كنت سلبيه بسبب عيشتي وصغر سني, وضروف حياتي قبل الزواج وبعده.
زمنكم هذا افضل بكثير ...
ــــــــــــــــــــــــــــــــــــــــــــــ
انتهى
سلامي الى قلوبكم الكريمه.
( مااقدر اضيف رد.. سويت تعديل عشان ارد:: الله يسعد كل من دخل حبايب قلبي انتم والله ,لايحرمني منكم)
رهومــا
•
بجزء من الاجزاء عجزت اقرا من الدمووووع الله يرحم امك وينصركم على من ظلمكم والوعد قدام رب العالمين
والله اني بكييييييييييت الله يرحم امك ويغفرلها آميييين ابشرك امك اصبرت وان شاء الله ان الله يبشرها بالجنه وتذكري (وبشر الصابرين ) وانششششهد انها كلامها روعه جعل ربي يرحمها ويوسع مدخلها وجعل الفردوس دراها يارب والله يوفقك ويوفق اخوانك وخواتك ويشفي ابوك ويخلي لكم يارب
الصفحة الأخيرة
ولا يعيدني حتى. وماانتظرت هالشي منه.
بناتي في سن زواج وولدي الصغير بيدخل الجامعه كان قضينا الباقي من عمرنا سوا وشلنا بعضنا,
اللحين بكون وحدي بهالدنيا من جديد مين يسندني
لو اموت مية موته مااروح على بناتي و اولادي واثقل عليهم,
بلزم بيتي لما ربي ياخذ امانته,
اشغلت نفسي بخالتي وبعنايتي لها., حتى بناتها اصغر مني ولا وحده تكلف على روحها تجي تجلس ترعا امها يوم واحد.
وهالشي اللي خلاني افكر اني ماارمي نفسي على احد لا بنات ولا اولاد.
رجع بعد اسبوعين جاب لي هديه وكانت اول هديه منه لي في حياتي كلها من اول ماتزوجت.. يبغا يراضيني (يسكتني).
قال انتي ام عيالي وراس مالي لاتزعلين علي ياحبيبتي, وانا ساكته وعيني في عينه والنار تشعل قلبي وروحي وكل جسمي,
اقوووول في نفسي آآآهـ يابو حمد ماقد سمعت هالكلام من قبل.
حسيت انهواحد غريب مااعرفه من طريقة كلامه وهديته لي, طلعت من عنده ورحت عند بناتي كانو نايمين من بعد دوامهم.
واستغليت نومهم , وجلست ابكي ابكي والدموع احسها حاره زي الجمر على وجهي, و صوتي كأني طفل يبكي على امه.
دخل علي قال لاتبكين ومن هالكلام, قلت تكفى اطلع البنات نايمين , قال طيب تعالي عندي الغرفه ابغاك معايه,
ياالله وش هالاحاسيس نزلت عليه على اليوم , لما تزوج!!!!
قلت روح انا مابغا اشوفك اللحين. وطلع من الغرفه.
لما جا موعد الزواج قال ابغا عيالي يحضرون معي بناتي واولادي يخافون من ابوهم حيل وكلمته عليهم زي السيف
مااحد يقدر يجادله او حتى يقول رأيه بأريحيه.
طبعاً ماحد قدر يرفض خوفاً منه وحتى وان رفضو لن يسلمو منه, وطلب من اخواته ان يحضرو, رفضت احداهم والبقيه
راحو مع بناتي,
عطاني طقم ذهب وحجز عن مطعم ذبيحتين, قال اعزمي في بيتك اللي تبين, (في نفس يوم زواجه) طبعاً عشان يشغلني.
امه حرمه كبيره وبدأت في مرحلة الزهايمر تضييع شوي وترجع شوي, لما درت زعلت حيل لأنها تحبني لكن ماقدرها.
بناتي لما شافو ابوهم يفتح للعروس باب السياره تجننو وانهارو, فما بالكم بي لو رأيت المنظر.
فعلاً عزمت كل احبابي ولأول مره اعزم وماخذه راحتي من يوم ماتزوجت, اول مره احس لي كلمه و امر وانهي هذاك اليوم
بس.
ــــــــــــــــــــــــــــــــــــــــــــــــــــــــــــــــــــــــــــــــــ
الجزء 5
لما خلص الزواج هو راح بزوجته الفندق وبناتي واولادي جو وهم ميتين ضحك, استعجبت , قالو فاتك العروسه تفطس موت
واهلها يجيبون الهم, والله يابويه تورط توريطها لايحسد عليها ,
يقولون العروس عكسك تمااااام قصيره وشينه ومتينه , شوي الا حماتي (اخته إللي ماراحت معاهم) انهارت تبكي ,
اتاريها كانت ماسكه نفسها قدامي, انا كنت متماسه وحاولت انسى على الاقل هاليوم وبكره يحلها حللال.
رحت غرفتي وقفلت على نفسي وجلست ابكي من حرتي , آه يابو حمد وش هالقلب معاك, حسبي الله ونعم الوكيل.
جلسو يدقون الباب وانا كأني داخل بير احس الصوت بعيييييد واعيد كل اللحظات القديمه معاه واتخيل وانقهر اكثر
اقول يارب اصرف قلبي عنه وانا راسي على الارض ساجده ادعي وادعي.
شوي إلا حمد يكسر الباب, وشالوني من على الارض , كنت صاحيه لكن مو يمهم, بالي مشغول ودموعي عيت تنشف.
قال حمد يمه احنا نبغاك هو راح وخليه يريحنا تحرقين نفسك عشانه وهو ماحس فيك , انا فدا رجولك يمه
كلنا لك وتحت رجلك اللي تقولينه يمشي ولو تحطين السيف على رقابنا احنا فداك سوي اللي تبغين, وانهار يبكي
يااااهـ ماقد شفت ولدي بهالحاله من قبل , رجال طول وعرض ويبكي زي الطفل عند رجلي, جاء فهد وطاح جنب
اخوه يبكي ويبوس رجلي يقول لاتقهرين نفسك مانبغاك تروحين منا, انتي كل حياتنا مانعيش من غيرك, والله لو صار
فيك شي لأقتل نفسي.
وكلهم حولي فديتهم ياجعل يومي قبل يومهم,ومتأثرين من حالي,قلت بقوم اصلي واجيكم الصاله اخرجو عني شوي .
طلعو وقمت صليت وقريت قرأن , وهديت عن أول.
فكرت انا ذليت نفسي له كثير لأني كبرت بين اديه وماكنت ادري عن شي ولا كيف اعيش وادير حياتي, كانت كل مفاتيح
حياتي بيده هو يسيرها, واللحين الحال اختلف هو يبغا يشوف نفسه وحياته مع وحده جاهزه ومخلصه دراسه ومتفتحه.
عيالي حولي الله لايحرمني منهم حولي وشايليني على روسهم.
خلاص اشوف حياتي حتى انا بين اولادي وبناتي , لازم اكون شخص ثاني يعني حياتي تنتهي مجرد ماراح لغيري عشانه.
لا مارح اسمحله يدمرني وهو في حضن غيري. دمرني وهو في حضني وقلت هذي حياتي له وهو كبرني ورباني.
لكن في حضنها واتدمر اكثر لا ., انا مجروحه مره وناري مارح تنطفي لكن مارح يوقف حياتي هالشي رح اقاوم.
قمت اخذت دش وطلعت لأولادي وانا هاديه بعض الشي, وسهرت معاهم وهم يحشون في العرس ويضحكون ياحياتي وسعادتي هم.
مرت الايام وهو وعروسته ماشفتهم لمدة شهر لأنه راح يمشيها (شهر عسل ) يالله حسن الخاتمكه.
بالخطاء دق جواله علي سبحان الله , ماكان قصده واضح ان الجوال كان في جيبه, انا اقول الو وهو يتكلم معاها ويضحكون
وهي هاتك من الكلام المعسول , وهو يدعيلها, وانا ماقدرت اقفل جلست اسمع واسمع و دموعي زي المطر, فقط دموع.
وكل كلمه منها ومنه كانت زي السكين في قلبي,
بعدها مادريت إلا وانا صاحيه في المستشفى وكان لي يومين في غيبوبه بسبب ارتفاع السكر, وعيالي حولي,
لما وعيت حولي جلست ابكي وبنتي الكبيره حضنتني حسيت كأني بنتها مو امها, ابكي زي الاطفال.
ارتحت كم يوم وطلعت , رجع زوجي وهو كان واعدني مايسكنها عندي , فعلاً استأجر لها بيت ومشت كم شهر وانا ارعى خالتي
لأن حالتها بدت تدهور وصرت ممرضه لها , كانت مُحزنه جداً, لكن كانت تشغلني عنه وعن التفكير فيه.
بعد كذا راح لوظيفته واخذها معاه, اول اجازه جابها لشقتها , ولما جا عندي طلع الملحق وجاب عمال ينظفونه
قلت وش تبغا في الملحق , قال عشان حمد والا البنات لما يجون اجازه يكون الملحق لهم, قلت البيت كبير وتشيلهم
عيوني هذولا عيالي, قال لا ياخذون راحتهم اكثر.
ـــــــــــــــــــــــــــــــــــــــــــــــــــــــــــــــ
الجزء 6
جدد الصبغ وفرش احسن فرش , والصدمه جابها في الملحق , قلت ليش تبغا تموتني عشان ترتاح, قام يعلي صوته علي
لأنه زمان مجرد مايصرخ استسلم واخاف, لكن اللي سواه قواني شوي, قلت شوف بيتي هذا ماتعتب بابه , اذا بتسكنها
في الملحق ماتنزل ولا اشوف وجهها عندي , قال طيب ,
صارت كل اجازه يجيبها في الملحق, مرت السنين وتقاعد وجابها وسكنها في الملحق وبنا باقي الغرف لما صار بيت كاااامل
لها , رضيت وسكتت , لأنه مافي فايده وخالتي عندي مااقدر اروح اخليها,
كنت اسمعها تصارخ عليه وهو بصوت هادي يقول طيب طيب بس انتي هدي نفسك, كنت انحرق واضحك في نفس الوقت
ياهـ يابو حمد الدنيا دارت وصرت اسمع صوتك وانت زي القطو ماتقدر ترفع صوتك عليها,
كانت ماتهتم في ملابسه ولا اكله وهو متعود على اموره تكون زي الساعه , وكل شي يجهز من قبل مايطلب,
صار يجي يحط ملابسه عندي اغسلها وانا ماادري وكنت اشوفها واغسلها افكرها من عندي ,,
طبعاً ماكنت اعرفه في غرفة النوم من تزوج يعني مرت 3 سنوات واحنا اصحاب فقط يادوب ينام وياكل ويرتاح ويروح ليومها.
لأني مو على المزاج نتيجة الماضي الاليم وقت ولادتي بولدي الاول وكثرة الخلفه زادت الموضوع. لكن مشت حياتي.
مرت السنين وكانت خالتي تدهور حالتها صرت اشيلها انا والشغاله وكنت اعتني فيها وزوجت بناتي وباقي عندي ولد.
توفت خالتي وفضي علي البيت حسيت اني تايهه من غيرها , وجودها ملا علي حياتي وشغلني .
مرت شهور على وفاتها فكرنا نخطب لولدي الاخير وبدأت ادور على عروس, رحت خطبت عند ناس رفضت البنت مو الاهل.
وتقدمنا عند ناس نعرفهم وافقو وفجأه غيرو رأيهم ورفضو, تعقدت وتعقد الولد, قلت نرتاح وتهدأ الامور ونرجع ندور.
في هذي الفتره الحيه إللي في الملحق كانت تزن على ابو حمد ياخذ اختها لولدي.
قلت لايكون نفسها الشينه عشان كذا ماتوفق ولدي في العروستين هذولا.
جا عندي وفي عيونه الشر, يقول بنت الناس راضيه بأي شي حتى ماتبغا مهر ولا هيصه ولا شي , راضيه بعيوب ولدك,
قلت ولدي الف من تتمناه لكن هذا نصيب, قال رفضوه لأنه ولد امه ومافيه شي زين, هذي البنت راضيه بكل عيوبه
حتى لو تسكن حياتها في غرفه راضيه , قلت لا مو مجبوره تاخذ ولدي بهالعيوب ولامجبوره تسكن في غرفه ,
تستنى يجي نصيبها بعدها في الثانوي,
قال انتي ماعندك ذوق وبتضيعين الولد , هذا ولدي انا بزوجه, هالفتره كان منقلب مزاجه مره حسبي الله عليها,
ماتبغا تفرط في هالفرصه , تبغا الولد يعني تبغاه خلاص حطت في راسها.
مرض ولدي وتعب نفسياً فجأه وصار يخاف في الليل ويبكي زي النونو, صرت اداريه وانام جنبه وهو اطول مني,
ماادري وش جا عليه, صرت اقرأ عليه واحصن البيت لما يطلع , رجعت الاوضاع عادي,
رحت خطبت له من الاقارب وافقو ورحبو فينا, وبدأنا في الاستعداد, رفضت البنت تقول مو مرتاحه له .
قلنا اوكي احنا اهل وحبايب ومافيها شي, الولد تعقد قال امي لاتفكرين في الزواج حالياً خلاص ابغا ارتاح,
قلت طيب, بدأت الشكوك تدور في راسي وش الموضوع, معقول كل هالشي من نفسها الشينه تبغا الولد؟!!!!
بعد هالرفض صار ابو حمد زي المجنون يزن على اختها قلت بالعربي انا اقولك لا كفايه اختها تحت باطك
وش تبغا بالثانيه, قالي انتي متكبره وشايفه نفسك وسبني سب لما قال بس.
سافر للولد مكان عمله عشان ينفرد فيه, وحاول يقنع ولدي والولد رفض , تركه وحاول بعد شهر ورفض, قام يسب
الولد يقول ولد امك متكبر وماتحترم ابوك, امك عبت راسك علي , انا ابوك مو بنقالي عندي.
صدفه رحت مع بنت ولدي مدرستها لأن امها نفاس, شفت بنت عجبتني توها مُدرسه, سألت عنها ورحنا خطبنا , ابو حمد
كان متوقع تتفركش زي اللي قبل, لكن وافقو وتمت الخطوبه واحنا متخوفين , لكن ملكنا,
كانت هالفتره زوجي متغير حيل ومزاجه زفت كمل 6 شهور مايكلمني ولا حتى يسلم , ولما يشوفني يدير ظهره ويتأفف.
كأنه شايف جني, قال لولدي حمد لما اشوف امك كأني شايف شيطان , ماادري وش فيني, احاول ارجع طبيعي مو قادر,
صرت اشغل البقره في البيت واحصن نفسي واشغلها في غرفة نومه ,
تعبت من الكوابيس و ولدي وليد(الصغير اللي بتزوج) تعب نفسياً صار يكلمني وهو يبكي يقول احس بخنقه.
بنت الناس ترسل وتدق وانا اشوف رقمها احس اني بستفرغ ماابغا اكلمها وكرهتها.
هنا وقفت قلت الموضوع فيه ان,, قلت لحمد واخوانه انتبهو لأخوكم ,, صار يحصن نفسه ويشغل البقره في البيت
يقول كوابس كلها زوجة الوالد بس تناظر نظرات شر وكرهه لي.
انا بدأت اخاف على حياتي وحيات عيالي,, قلت يمكن نفسها الشينه ماظنتي بتسوي شي.. لو سووت كان عرفت تزوج وليد
لأختها.
مرت الشهور , في يوم قلت بتسلى واخذت الشغالي وغسلنا درج االفيلا لقيت لفافه صغير في خرم في الدرج , حسيت
الدنيا تلف فيني لف, قالت الشغاله هذا ورقه من الشيخ , قلت وش عرفك قالت احنا في اندونيسيا اذا كنت تعبانه
اروح للشيخ يعطيني زي هذا عشان اصير بخير (قصدها بالشيخ المشعوذ) بس هم يرون انه تقي و مؤمن.
قلت طيب رحت عطيتها بنتي المتزوجه عطت زوجها وراح فكها عند شيخ معروف, لقيها عمل لتشتيتنا وخراب سعادتنا.
قلت لازم ننفض البيت اكيد فيه غيرها , افتكرت بنتي الاخيره كانت تكرهه مرت ابوها وكانت تحصل مواقف بينهم
كانت بنتي جريئه شوي ترد وتغسل شراع مها (زوجة ابو حمد), بعد ماتزوجت صارت كل شوي تعبانه وتبكي ومو مرتاحه
لكن زوجها يحبها و مهتم فيها ويرعاها.
قلت اكيد ماسلمت منها, فجأه بنتي تعبت وراحت للشيخ وبدأت تتعالج استمرت سنه وصارت تمام.
وتزوج ولدي والحمد لله كله تمام لكن صارت مها عيونها على طول حمرا ومليانه دموع من
القهر لأنها ماقدرت تجيب راس وليد.
عدت سنه وحملت زوجة ولدي, وجابت بنوته زي القمر , قال وليد بسميها نوره بإسمك يمه قلت لا انا خايفه عليكم
من الحسد (اقصد من مها) قال حتى زوجتي تبغا هالاسم. سموها نوره.
بغت تتجنن مها من الحره, عدت امورنا بخير وسلامه , بدأت الوحده والهم تنهش جسمي نهش , نحفت وسأت حالتي الصحيه.
اهلا حبايبي بنات حواء .. هنا نقف لأكمل القصه أنا
يتبع ...