ياعيــــونــــهـ :

الجزء الرابع والأخير صديقتي عندها أخت اكبر منها متزوجه وعندها اطفال وكانت تحضر الدكتوراه انسانه طيبه واحيانا إذا اتصلت على صديقتي واختها موجوده ترد الأخت وتسولف معي حتى ايام اللي قبل زواجي عطيتها مبلغ وشرت لي اشياء على ذوقها ,,ومره كنت جالسه بالجامعه أفكر وتجي صديقتي وتضربني بالدفتر قلت حرام عليك خوفتيني قالت بس بس وربي التفكير بيلعب فيك وشعرك بينقلب ابيض,,قلت والله طالعة لي شعره بيضا ,,قالت أحلفي ههه قلت والله قالت اعوذبالله كرهتيني بالزواج هههه قلت لا مومن الزواج الشعره ذي فيني من قبل زواجي الأول جلسنا نضحك قالت لي وسعي صدرك وش رايك تروحين معي انا وأختي لسوووق ومنها تشرين لك ملابس لسفرتكم قلت لاا لا لا تذكريني ههه قالت ياخوافه قوي قلبك ,,قلت الله يعين والسوق بقول لناصر إذا وافق كان بها قلت لناصر قال ماله داعي انا أوديك ونروح مع بعض,,قلت لا موبس عشان أشري انا ودي أطلع معهم وأغير جو وبعدين كلها ساعتين وأناأعرفهم من زمان وابي عبايه وماعرف أختار الأقمشه الحلوه ابي اشاورها وأجلس أزن على راسه إلين وافق واليوم الثاني أتفقنا معهم ونزلني عند البوابه اللي وعدت صديقتي واختها عندهم أدري بتستغربون إذا قلت لكم أني احتاج أكون مع أخت صديقتي أحس بحنانها علي أويمكن لأن ماعندي اخت كبيره وأحس براحه وأطمئنان إذا سولفت معي وأسمعت لي ونصحتني أوأختارت لي شئ أشريه دخلت المجمع وسلمت عليهم ورحنا نفرفر فيه وشرينا الأغراض اللي نبي وأخذنا عيالها للألعاب وبعدين تعشينا وكنت أسولف لأخت صديقتي وصديقتي تعلق ونضحك والله عشت ليلة رهيييبه معهم وقالت لي أخت صديقتي انتي طيبه مره ومومتعوده على لكاعة الحريم لازم يافلانه تقوين شخصيتك عليهم وزوجك امسكيه وتكلمي معه كلام جامد وكل ماقالت لي شئ قلت استحي اخاف وتحط يدها على وجهي تقول مااالت عليك هههه رجعنا للبيت سألني ناصر في الطريق قال أحسن الطلعه معي في السوق وإلا معهم قلت لا معك وأقول في قلبي وش جاب لجاب ههههه وكل يوم أتصل على أمي أشكي لها من حزني على ذا السفر وعصبت مني قالت خلاص لاتروحين تعالي عندنا وريحي راسك قلت لا لا بروح قالت خلاص أجل لاعاد تشكين ويجي يوم السفر كأن أحد ميت لي مالي خلق حتى ألبس عباتي ونروح لسيارة وأشوف أم فهد وعيالها يركبون مع عمتي أم ناصر ويجي واحد من عيالها قال خالي ناصر بروح معكم ,,قال لاياشيخ روح مع أمك يالله مابي بزارين معي,,ونمشي وننتظر عماته واهل عمه عند محطه يوم شفت سيارتهم حسيت بإختناق وكتمت مشينا وفي الطريق أحيانا ناصر يفتح الشباك ويتكلم مع ولد عمه قلت ناصر فيه شئ اسمه جوال قال وانتي وش حاشرك فيني انا والرجال قلت خلاص ولاشئ قال والله العظيم حاله وفي الطريق وقفوا عند محطه قلت ناصر موكأننا مثل حلقة لطاش ماطاش مسافرين مع بعض قال موأنتي تقولين ماأتابع هالمسلسل قلت ايوالله ماأتابعه بس الحلقه قديمه قبل سنين قال ايه مررره ضحكتيني أجل تشبهينا في طاش قلت أمزح معاك وش فيك مومتقبل مزحي اليوم سفهني ونزل للبقالة شوي إلا تنزل ام فهد وبنت عمتها ذيك المزيونه أم عبايه ضيقه يدخلون البقاله :eek: وأولع أحس راسي بينفجر ويدق ناصر قال تبون شئ معين قلت لا مابي شئ قال أحسن وشوي ويرجع ناصر قال يالله جبت لك العصير اللي تحبين قلت شكرا ناصر قال عفوا فلانه وضحكنا قلت ناصر بالله شفت ام فهد واللي معها نازلين عيب عليهم المحطه مليانه رجال ليش ماقالوا للعيال يجيبون لهم اللي يبون قال وش دخلك فيهم بكيفهم قلت يعني عادي عندك طيب بنزل>>>طبعا أكذب علييه قال أنزلي وشوفي وش بسوي فيك قلت وش بتسوي يعني تتركني وتمشي قال لابقص رجلينك واسكت ونكمل طريقنا وكان مشغل شريط قصه وقصيده قال وش فيك مكتمه قلت لامكتمه ولاشئ قال أجل تفكرين قلت لاماافكر معك قال إذا صدق معي قولي وش آخر قصه سمعناها وقلت له القصه قال شاطره فزتي بجالكسي ويعطيني جالكسي قلت ناصر انا مومرتاحه ماودي اني سافرت قال لاحول ولاقوة إلا بالله موقلت لك إذا ماتبين أجلسي أنتي اللي رحتي وبعدين ليش وش المشكله انتي تستحين وإلا وش سالفتك عادي خليك اجتماعيه اضحكي وسولفي وخووشي مع الناس قلت موعن أستحي أوموأجتماعيه بس ماارتاح لهم واحس انهم مايحبوني ولاأنا أحبهم قال خلاص تحملي كلها اسبوع أو5 ايام وبعدين معك صديقاتك فلانه وفلانه >>>يعدد اسامي خواته اللي ماتزوجوا قلت معهم بنات عمهم احشر نفسي معهم وأترك الحريم قال عادي هم متقاربين معك بالعمر ماعليك من أحد وإلا أقولك أجلسي مع أمي ألصقي فيها وش رايك ههههه قلت ليش تضحك قال وش اسوي لك مشكلتك صعبه مررره وإلا أقولك تجين تجلسين عندي وأحطك وراي وأجلس أسولف مع الشباب ههههههه قلت طيب ياناصر تضحك علي ويجلس يضحك قال والله انك تووحفه وأول مادخلنا الشرقيه ويوفق ولد عمه قال ياناصر وش رايك ناخذ شقتين عند بعض الحريم في وحده وحنا في وحده قال أوكي أول مامشينا قلت لاياناصر حرام عليك اساسا ماآخذ راحتي معهم وانت ماتاخذ راحتك لابالغرفه ولادوراة مياه وبعدين الشقه ماندخلها إلا في الليل تعبانين بنكون طول اليوم برا وش الفايده تجتمعون مع بعض ماله داعي قال صادقه والله ,,نزل ناصر وولد عمه لشقق ورجعوا ياخذون الأغراض ونزلنا معهم أول ماطلعنا فوق قال ناصر أدخلوا يمه هذي شقتكم قالت وانت ؟,,قال انا أخذت لي شقه انا واهلي,,حسيت بإنتصار جلست أتخيل شكل ام فهد كنا نطلع للبحر أومنتزه والله ساحبين علي أم فهد تاخذ بنات عمتها وبنات عمها وتلف عني وأنا صرت أوقف عند اخت ناصر اللي عمرها 19 ونمسك يدين بعض ونمشي معهم بس شعور مؤلم أنك تكونين مع مجموعه اغلبهم تحسين انهم مايبونك حاولت أسولف أدخل معهم مايعطوني وجه واحيانا اجلس مع عمتي وزوجة عمهم وانبسط معهم سوالف وضحك واحيانا أتمشى مع خوات ناصر الصغار وبنت أم فهد بنتها صغيره وحبوبه عكس أمها وترسل لي صديقتي رساله مره وحنا جالسين عند البحر وأرسل لها قالت أم فهد من ترسلين له؟ ضحكت قلت صديقتي قالت صديقتك وإلا مهند!!! وبعدين قالت وش رايكم بنات نسبح مافيه أحد عندنا وليل قالت عمتي أم ناصر أسبحوا كلكم إلا فلانه(تقصدني) زوجها موصيني عليها وضحكوا البنات قالت أم فهد ماعليك من امي أسبحي وإذا بغيتي تغرقين يجي مهند ينقذك وكنت أفكر أقول بنفسي وش سالفة مهند هذا ههههه أثاريها تقصد مسلسل تركي قلت لا مستحيل أسبح ماعرف بعدين دق علي ناصر ورحت أمشي معه بعد ماسحب علي كم يوم ماكنت أشوفه إلا الفجر في الشقه إذا رجعنا من برا واحيانا نرجع بدري لشقه ويروح يسهر مع عيال عمه والحريم في الشقه الثانيه وانا أجلس لحالي بشقتي تدق علي عمتي واعتذر منها أني بنام رحت أمشي معه قلت له أم فهد تقول اسبحي وإذا بغيتي تغرقين يجي مهند ينقذك وأنفجر من الضحك قلت الله ياناصر من زمان ماضحكت كذا ,,قال البركه فيك صايره بس تحنين وتبكبكين وتشكين قلت ماأشكي من فراغ قال اللي تحب زوجها تصبر قلت ايه طيب قال طيب ودك تسبحين قلت خيييير صاحي أنت كيف اسبح هنا قال ناخذ شاليه وتاخذين راحتك ,,قلت مع الشلة اللي هنا لاتكفى بلاشاليه بلا هم وجلس يضحك قال لهذي الدرجه مهبلين فيك ,,قلت أكثر مماتتصور وجلس يضحك قال بالله وش آخر موقف هبل فيك,,قلت شفت هذيك بنت عمتك يوم تاخذ الإيسكريم تصارخ واااااو يقالي دلوعه وتسمعكم صوتها وهي وحشش وكنت أقلدها وهي تصارخ ,,وناصر أنفجر ضحك قال ياحليلك يافلانه لهذي الدرجه تغارين علي قلت مرررره,,قال أجل لوتزوجت عليك وش تسوين,,قلت أموت,,قال لاإله إلا الله وهويضحك قال لاتخافين تبقين القمر وغيرك نجوم,,قلت وش تقصد يعني بتزوج,,قال الحمدلله صاحيه أنتي وين أحطها فيه انا يالله أشيل نفسي وأشيلك ريحي نفسك ماأسويها مشينا مسافه طويله وحنا ساكتين قلت خلاص تعبت والله مافيني أرجع واتصل على أخوه يجيب السيارة ورحنا قال بتصل على صديقي مدح لي مطعم هندي وش رايك قلت أوكي واتصل عليه وعطاه الوصف ورحنا له وكانت أول مره نتعشى انا وهو بدون الشلة وتتصل أم فهد قال لا تنتظروني بالعشى انا وأهلي نتعشى مع بعض اليوم الثاني شفت ام فهد نفسها شينه علي بزياده ومعصبه وتضرب عيالها على أتفه أمر وقاموا البنات يتمشون وتناظر فيني أخت ناصر اللي غمرها 19 قالت تعالي ياحلوه وتسحبني مع يدي وأروح أمشي معهم وضحك وسوالف والله مدري وش يقولون اسمع بس همس وأسولف مع اللي معي بدون مايسمعون وتسألني انبسطتي البارح يوم طلعتي مع ناصر؟ ضحكت قلت ايه الحمدلله وتسولف لي عن صديقاتها وأنا منسجمه معها,,واسمع ام فهد رفعت صوتها وتناظر فيني تقول أييييييييه مرررره مدري وش تقصد!!,,رجعوا وجلست انا وناصر قال بنجلس يومين قلت لا خلاص محاضراتي راحت علي يوم واحد ونرجع ,,في هذا اليوم جلسنا بشاليه ومسح هذا اليوم كل التوتر اللي كان فيني ورجعنا اليوم اللي بعده دخلنا الرياض بعد المغرب ووقف أخذ له كوفي واتصلت أمي تبي تسولف لي بملكة بنت خالتي قلت لها تتصل بعد نص ساعه أكون في البيت سكرت من أمي ومشينا وسمعت صوت كفرات سيارة جايه ورانا بسررعه وبلتفت أشوفها وأصدمت فينا من ورى وضربت اللي قدامي وكنت أحس السيارة طايره فوق وافكر ابي أقول شئ وسبحان الله نسيت صحيت شفت رجال واقف عندي يتكلم واناظر بناصر جالس مايتحرك وتجي حرمه مع الرجال قالت فيك شئ وأنزل أبكي قلت زوجي مات وتضمني قالت بسم الله عليك لاوالله مامات قال الرجال اللي معها والله حي بس مغمى عليه وقال للحرمه ركبيها معك وركبتني في سيارتهم قلت انا مافيني شئ بس زوجي شكله مات وكنت ابكي قال الرجال أحلف لك بالله أنه حي لاتخافين والحرمه تقولي أنتي تنزفين وكنت أرتجف أذكر انها كانت ماسكه يديني وتقرا علي وكنت أحيانا أحس فيهم وأحيانا أفقد الوعي صحيت وانا على السرير بالطوارئ وماعندي إلا ممرضه وأسمع صوت أخوي خلف الستاره يتكلم اول ماسمعت صوته جلست أبكي أحس أني من سنوااااات ماسمعته ولاشفته ويدخل ابوي يحب راسي ويبكي قلت أنا مافيني شئ بس ناصر وينه قال والله مافيه شئ ريحي نفسك ويدخلون أخواني وعلموني أن رجله مكسوره ودخل غرفة العمليات طلعت لبيت أهلي وعرفت أني كنت حامل وسقطت وكان ظهري وجسمي عموما كله يألمني كأني مضروبه ضرب موطبيعي وطلع ناصر بعد اسبوعين ورحت لبيتي وجلس ناصر شهرين مايتحرك من رجله وأحيانا في الليل يبكي من ألمها وكنت أبكي معه وإذا خلصنا بكي يضحك يقول وش فيك إذا جلست أعيط تعيطي معاي شهرين وهويتألم وأنا أتألم معه وأخته تجي تجلس ساعه تقهوى وتاكل من الحلا وتروح ماتدري عنه,, اخته اللي عمرها 19 كانت دايم بمشاكل مع أم فهد دايم مناقر وهواش لأن البنت كانت تطول لسانها وترد عليها وام فهد ماتبي أحد يجادلها أحيانا البنت تتلقف وتدخل إذا شافت أم فهد تضرب عيالها ومره قالت لي تذكرين يوم ناصر بيسافر انتداب لـ ...وكان بياخذك معه وغير رايه تراها قالت له لاتاخذها بعدين الناس تحسدك ويقولون مايقدر يفارقها ,,قلت حسيبها الله بعد هالشهرين مره من المرات طلعنا لملاهي الروضه وكانت عمتي بتلتقي مع جارتها قديما" وأمي وخواتي بيجون أنا خواتي وحده عمرها 18 والثانيه 13 ورحنا نتمشى انا وخواتي وخوات ناصر وثنتين من بنات جيرانهم وجلسنا قدام بعض نسولف قالت بنت جيرانهم لي أنتي أمك مصريه فيكم عرق مصري وضحكت أنا وأختي وحسيت ان البنت أنحرجت قلت لا لا سوريه قالت صدق ؟,,وضحكنا مره ثانيه قالت أختي تلعب عليك أمي سعوديه ولافينا عرق لامصري ولاسوري وضحكوا البنات ,,قالت لي صدق ماأحد قبلي سألكم هالسؤال؟,,قلت ايه انا أول مادخلت جامعه سألتني صديقتي نفس سؤالك وجلسنا نضحك شوي وغيرنا الموضوع رجعنا للبيت مع ناصر وقالت وحده من خواته ناصر بنت الجيران تسأل فلانه تقول أمك مصريه قالت ام فهد هههه ايه أكيد شافت عدسات اختك وطول الطريق وهي تكرر هالعباره وأناساكته وناصر يضحك آخر شئ قلت لها ترى أختي مثلي مانعترف بالعدسات قالت بسم الله عليك ماشفتي عيون أختك على كبرها وتكرر سالفة العدسات وكل مانجتمع تعيد السالفه وهي تضحك بصوت عالي غثتني وحلفت ماعاد أطلع معها لمكان,,ومره رحت لأهلي وهوكان معصب وكان له فتره متغير معي وأحسه دايم متضايق قلت له وش فيك ياناصر قال اناطفشان وانا وانا,,قلت انت اللي تجيب لنفسك المتاعب ونجلس نتجادل وهورافع صوته ويرد بعصبيه ويقول أنه بيسافر لخاله بمنطقه ثانيه قلت لاماتروح ماله داعي وإلا بروح معك ويقول أحسن عشان نرتاح من بعض!! ونتجادل آخر شئ قال انا مومرتاح معك بالفراش وأنفجرت بكي,,قال خلاص اناآسف ماكنت أقصد انا مرتاح معك بس مدري وش فيني وأجلس أبكي ولارديت عليه قال خلاص يافلانه والله آسف وبعدين وش اللي يبكيك مافيه شئ يزعل لأن أنتي مالك دخل بالموضوع انا نفسيا تعبان!!! ويوقف عند محل قال مسحي دموعك ماأقدر أخليك تنزلين عند أهلك وأنتي كذا بتخوفينهم عليك وأمسح دموعي قال ردي علي واسكت ويوديني لأهلي ويطلع ألف ريال ويحطها في شنطتي قال يمكن تحتاجينها يمكن تطلعون لسوق أومنتره وأنزل لأهلي وأدخل غرفتي وارسل له رساله (حتى أنا مومرتاحه معك بالفراش وأضغط على نفسي وأجامل عشان خاطرك) أدري رسالتي كانت أكبر غلط بس كنت مقهوره ومجروحه منه لأني عارفه انه مرتاح بس خلاص حسيته يدور أي شئ لأن براسه شئ وأبي أجرحه مثل ماجرحني ولاأتصل ولاأرسل وتركني أسبوع عند أهلي واتصل علي وسلم وسأل عن الحال وكنت أرد وأسأله عن حاله كلامنا كان هادئ وبارد مافيه إلا الحزن وقالي بمرك الأسبوع الثاني وأناراجع من السفر وقال أمي معي لأنها رايحه تزور ناس هناك قال يوم الأربعاء تجهزي أوكي ؟,,قلت ان شاءالله وكنت مرررره متضايقه ومخنوقه من كلامه مدري كلامه كبير وإلا انا حساسه لدرجة أني ماكنت متخيله كيف بكمل حياتي معه وكيف بنام معه أحس أني كرهته وبنفس الوقت ماقدر أصر على الطلاق لأني كل ماأتذكر ان هذا طلاقي الثاني اصبر نفسي أرسل لي رسالة أنا مشتاقلك مووووت وأحبك وبنفتح صفحه جديده مع بعض فرحت ورحت بدون تفكير أتجهز أرجع معه وشريت لي ملابس ورحت قصيت شعري مدرجات على طوله وصبغته بني غزالي وأتذكر مره قبل زواجنا كان يقول انا أكره الحنه على البنت وعععع وكنت أقوله النقش يعني الرسمه غير ويقول مدري يمكن,,وحطيت رسمه على رجولي وعلى كتفي وبعد ماقصيت شعري وصبغته صراااحه غييير قلت لومن زمان قصيته أحسن مع أنه كان حلو ويمرني الأربعاء في الليل وينزل يفتح لي باب السيارة الخلفي واركب ويمسك أنفي وأدفه قال أووص أمي نايمه وكان مبسوط ونمشي للبيت وتصحى عمتي قالت مريت زوجتك قال ماتشوفين النور ساطع من وراك وضحكت قالت الله يخليك لها ورفعت يدها لي ومديت يدي أصافحها وأمسكت يدي وحبتها بدون ماينتبه ناصر قلت فديييتك عمتي قالت وش اخبارك واخبار أهلك وتسألني عن جدتي وخالاتي وأجلس اسولف لها فيهم ونوصل البيت وبغرفتنا يسلم علي قال زعلانه مني قلت يعني وكانت عباتي علي ولافه طرحتي ويعطيني هديه قلت أ..أ..كنت بقول أكبر هديه رجعتك لي بالسلامه وضيعت الكلام وهوكان مبتسم ويهز راسه يعني يالله قولي قولي وضحكنا قلت أكبر هديه رجعتك لي بالسلامه قال الله يسلمك قلت طيب ممكن شوي أبدل ملابسي بوريك شئ جلس يضحك قال طيب بدخل أتسبح ,,وألبس بسرعه قبل يطلع وأول ماطلع شافني قال ماشاءالله تبارك الله ويلمس الحنه قال الله ياحلوه رهيب صراحه ماتوقعت أنه حلو غيرتي نظرتي له واليوم الثاني نزلت وحصلت ام فهد موجوده وكانت وحده من الجارات عندهم وكانت تقول لأم فهد أنتي وش يجيبك كل شوي لأهلك أنتي ماعندك زوج ماعندك بيت قالت وش فيك علي ياأم فلان قالت عيالك أزعجوا امك وأزعجوا بنت الناس وتضحك وقالت لي وش عندك حاطه حنه ناصر مايحبه قلت إلا أعجبه ويقول إذا راح حطي هههههه بعد ماراحت جارتهم كانوا خوات ناصر يقولون روووعه الحنه تكفين يافلانه نبي نسوي مثلك وقالت عمتي دقي على اللي حطت لك خليها تجي تسوي للبنات ودخل ناصر قال بسم الله قل أعوذ برب الفلق أذكروا الله على مريتي,,وضحكوا البنات ,,قال من هي اللي بتقلدنا؟,,قالوا البنات حنا بنقلدها قال ياناس حنه من يد ليد يفرق ومن ساق لساق يفرق أرفعي وريهم رجلك وأدفه ويضحكون لأنه كان يمزح معهم,,في الليل دق علي قال تراني موجود تحت في الملحق قلت تعال فوق انا طفشانه قال برجع بدري بعدين قال أرسلي جهازك مع البنات قلت وين جهازك؟ قال نسيت كلمة السر!! وحسيت أن وراه شئ وإلا ليش يبدل كلمة السر أكيد عنده شئ يخبيه وانا في حياتي معه ولامره احلف لكم ولامره مسكت جواله أفتش وراه أوحاولت أفتح اللاب,,عطيت أخته جهازي توصله له وجلست أنتظره بعد مارجع سألته عن الجهاز قال نسيته في الملحق بكره أجيبه لك,, سهرنا مع بعض إلى صلاة الفجر وبعد الصلاة نام وتأكدت انه نام نزلت تحت يوم وصلت باب الحوش خفت يكون فيه أحد من أخوانه وأدق على اخته قلت أنا تحت تعالي ونزلت بسرعه كانت طفشانه تبي تجلس معي قالت وش عندك قلت أبي جهازي نساه ناصر بالملحق ولاجاني نوم تعالي معي أخاف فيه أحد من اخوانك ونروح للملحق وآخذ جهازي قالت أسهري معي شوي ,,قلت أي أسهر خلاص دخنا قالت توك تقولين مافيني نوم قلت أيه بس بجلس شوي أشوف لي موضوع وبجبر نفسي على النوم ورانا صلاة وغدا وأركض لغرفتي وأدخل بشويش وأفتح اللاب وادخل سجل المحادثات وأحصل له محادثه مع وحده فهمت أنها بنت خالته من سؤاله كيف حال خالتي وفلان وفلان عرفت انها تقرب له مع أني قريت اسمها بالمحادثه وقريت اسامي اخوانها بس ماعرفتهم لأني اصلا ماعرف كل قرابتهم وفهمت أنه متفق معها على الزواج وهي تسولف ام فهد قالت وقالت حسيت انها مشبكه بينهم وتسأله طيب أنت تحب السمينه أوالنحيفه ويقول انتي تميلين لسمنه صح وتقول ايه اكيد ام فهد قايله لك كل شئ و أول جاوب,, ويقولها انا احب النحيفه على رويانه مثل زوجتي عاجبتني أنتي شفتيها صح جميله بس عادي انتي بعد ام فهد تقول انك جميله قالت لاتقول عنها كذا أغاااااار ويرد عليها فديييييت اللي يغارون ويقولها يالله بروح فلانه تنتظرني وتقوله لااا تقول تنتظرني وبروح لها أحس قلبي يعورني قال لا سلامة قلبك لازم تعودين وش بتسوين بعد الزواج ترى هاه مابي غيره ومشاكل أجل وش تسوي هي الضعيفه وأنتي اللي بتدخلين عليها,,قالت وش فيك ياناصر لايكون بكره بس الضعيفه وانتي اللي داخله عليها ,,قال لاياعمري بس بجد هي طيوبه واحبها واغليها وانتي بعد أحبك وأغليك بس هي حساسه ومتعلقه فيني مره تصدقين ماتنام على السرير إلا وأنا عندها قالت خلاص ناصر بلاش من الزواج وربي تعاطفت معها قال لاياعمري الزواج بتزوج ولازم ترضى بنصيبها أنا أحس بضيقه معها مدري حسد مدري وشو وبعد حبيتك وتعلقت فيك ,,كلاااااااااام كثيييييييير وهو كل كلمة والثانيه ياعمري وياقلبي وياروحي وتنكيت وضحك وبوسات وأسكر الجهاز وأروح اتوضأ احس بنار في صدري وأصلي ركعتين وأبكي في سجودي وأدعي ربي يربط على قلبي وأروح آخذ جواله وأرجع لصاله وأفتشه وأحصل كل اللي بصندوق الوارد من رقم واحد فقط اللي هورقمها وأنقله بجوالي بدون ماأقرا كل رسايلها ولانمت إلا بعد الغدا ساعه وصحيت أحس أني مرضت كنت أنتظر بعد المغرب بتسألوني ليش؟؟ عشان أبي اضمن انه جالس قدامي وأضمن ان البنت صاحيه مونايمه وأجهز قهوة المغرب بجناحي لأن أحيانا نتقهوى مع بعض شوي ثم ننزل نتقهوى مع أهله,,كنت أعرف انه لوواجهته بينكر ويصلي المغرب ويرجع يجلس عندي وكنت مجهزة لها رساله كاتبه لها أنتي فلانه صح أنا زوجة ناصر حسبي الله عليك الله يحرمك من الراحه مثل ماأحرمتيني راحتي الله يحرمك من العافيه الله يفرق بينك وبين اعز انسان عندك مثل مافرقتي بيني وبين زوجي كنت مرتاحه إلين دخلتي بحياتي أدري اني ماأقدر أسوي شئ فيك وآخذ حقي منك لكن حقي آخذه منك إذا وقفنا بين يدي الله حسبي الله ونعم الوكيل قلت ناصر ليش بتزوج علي؟ كنت أبي أتماسك بس ماقدرت وبكيت قلت ليش ياناصر ليش الخيانه انا وش قصرت فيه وأنصدم قال أنتي توهمين مافيه احد بحياتي غيرك قلت لا تكذب لاتكذب وأضغط على أرسال الرساله قلت نشوف ياناصر هي يمديها تعلمك أو لا مامرت ثواني إلا صوت مسج واصل جواله وأنقلب وجهه وبفتح الرساله وياخذ الجوال مني وياخذ جوالي معه وأجلس أبكي ويقفل الجوالات قال انتي مريضه وموسوسه قلت انا موسوسه وإلا انت المريض اللي تفضل وحده صايعه علي قال أنتي طالق ويطلع يتركني وأجلس أبكي وأدق علي أبوي أبكي وأقوله السالفه قال خلاص بدق عليه ويرجع بعد دقايق قال خلاص يافلانه قومي غسلي وجهك وكنت لابسه عباتي قلت والله ماأجلس عندك ودني أهلي ويوديني أهلي وأجلس أسبوع ويجي ويناديني في المجلس ويعتذر ويقول أنا كنت أتسلى قلت لاتكذب ونتناقش وأرجع معه برضاوه كنت غبيييييييييه أزعل وأرضى بسرعه وأجلس 6 شهور كنت عارفه أنه يكلمها وتعبت نفسيتي مررره لأنه حط لجواله قفل وكنت بس أدعي أن الله يصرف قلبه عنها وأن الله يشتتهم ولايجمعهم كنت أحس بجرح عمييييييييييق إذا زوجك تزوج عليك فهو قهر لكن يوم يتزوج وحده طايح بغرامها ويكلمها فهو أكبر قهررررر تحسين أنك ولاشئ حتى دراستي ماكنت مركزه إلين قلت لدكتور بنسحب بأجل بسوي أي شئ ماأقدر أداوم قالي حرام يابنتي مابقى إلا شهر على الإمتحانات بالنسبه لمادتي بعفيك من الحضور والله شئ مؤسف أنك تنسحبي آخر الترم ,,ومره وأنا جالسه وصلتني رساله من البنت تعتذر وتقول سامحيني يافلانه زوجك خطبني وصارت مشكله وتفركش الموضوع وحلمت أني داخله عليك في بيتك وبجناحك وأول مادخلت أحترقت عندك زاويه في البيت وكنتي أنتي جالسه على سجادتك وتدعين وأنا خفت وطلعت أركض برا بيتك وكنت أقول لحرمه الحين ناصر بيقول أني انا اللي أحرقت بيته وأنا والله ماأحرقته,,,حلليني وسامحيني انا حبيته بس موبيدي وطنشتها ولارديت عليها بس حسيت برااااحه وحسيت ان ناصر متضايق وبعد فتره رجعت نفسيته تمام وجلست فتره كم شهر أثاري أخته تضبط وضعه تبي تخطب له بنت عمه وتركني عند أهلي وسافرت أمه لانها ماتبي وقت خطوبته تكون موجوده عشان ماأزعل منها عمه قال عطنا فرصه نفكر والبنت تستخير مع أنها كانت موافقه ويبون كل شئ بسرعه بس عمه قال فرصه نفكر ونستخير لأنك متزوج وتوك وليش تزوج عليها وأسأله كثيره أنا يوم عرفت بسالفة الخطبه خلاااااااص أنهرت وحلفت ماارجع له وأجلس عنده إلين يجرحني هووأخته وحسيت بكره له خاصة بعد ماقامت اخته تمشي وتطلع أشاعات عن اسباب زواجه جيت مره وأضفته عندي بالمسن وبسرعه عطاني وجه وسوالف وكان يسألني أسئله عن أسباب مشاكله لأني قلت له انا متزوجه فقام يسأل انتي في بيت لحالك وإلا مع أهلك كيف تعامل خواته وزوجك وغيره عرفت ان شخصيته ضعيفه وأني ضيعت سنتين من عمري معه وكلامنا على المسن كان كثيييير وهوكان رافض يطلق,,بعدين أرسلت له رساله على البريد أني انا فلانه كنت أبي أقهره مثل ماقهرني وأجرحه مثل ماجرحني لأنه بينصدم أني زوجته ماجاء في باله أني ممكن اسوي فيه كذا وصار يدق ويدق على جوالي ولارديت وأرسلت له رساله خلاص عافك الخاطر ولاعاد بينا ثقه بعد اللي صار أنا مرضت معك أبي بس طلاقي تكفى طلاقي وبس ويطنشني 5 شهور خلالها تتصل عمتي تحاول برجعتي قلت سامحيني يالغاليه ماعاد أقدر ويرفع قضيه يطلبني لبيت الطاعه وأروح مع أبوي للجلسه سألني الشيخ وش تشكين منه قلت هوعارف مابي أقول قال أنت وش عندك قال انا أبيها وشاريها وتبشر باللي تبي قلت وانا ماأقدر أرجع له وينصحني القاضي بالرجعه وأرجع للبيت وأبكي وأجلس ثلاث أيام لاآكل ولاأنام أحبه بس خلاص ماأقدر اتحمل حياتي معه كنت اعيش بضغوطات معه وأبوي قال أرجعي له قلت ماأقدر هذا يسمع للحريم وشوره بيد أخته وبعد اللي صار ماأرجع له أبد وأروح للجلسه الثانيه كانت بعد 3 شهور وأصر على الإنفصال ويطلقني طلقه وحده قال الشيخ تقدر تراجعها برضاها قبل انتهاء العدة ويرسل لي رسالة إذا بترجعين وغيره من الكلام وخلصت العدة ماقدرت أجبر نفسي على الرجعه بعد 8 شهور كذا بديت أحن له وأتذكره وأبكي وأقول ليتني رجعت وليتني مدري أيش وصرت بس أتخيله وأتخيل صوته أستغفرالله وتعبت نفسيتي وأتعب إذا قابلت أهله وسلمت عليهم وأفكر بأخطائي انا كنت ضعيفه وسلبيه صحيح أني إلى الآن لورجع بي الزمن ماعرف اتصررف بس اللي متأكده منه أني ضعيفه وطيبه بزياده وخوافه ماحب المشاكل أو أرادد الحريم أخطأت لأني مالجات لله بكل جوارحي إلا يوم خيانته مع بنت خالته أما غيره كنت اتخبط يمين ويسار وأستشير وأبكي وأن دعيت كنت ادعي وانا بداخلي ماعندي ثقه ان الله بيستجاب لدعائي وهذا أكبر غلط نسيت حسن الظن بالله,,الحين يوم جربت الإستغفار وحطيت السبحه دايم بيدي صارت نفسيتي عال العال قلت ياليتني من زمان كذا,,كنت أول بس أفكر برضاه لكن غلطت والله ياأخواتي الرجال إذا عاف الحرمه أو شاف غيرها حتى لوكانت كامله ووالكامل وجه الله خلاص مهما تسوي له مايبين في عينه أبد أنصحكم ياخواتي بأي مشكله تمرين فيها مع زوجك تشوفين علاقتك مع ربك مومشكله أستشيري وأسألي وأشكي بس قبل كل هذا قوي علاقتك مع الله وأدعيه وأشغلي نفسك بطاعته وأكثري من الإستغفار تفررررج بإذن الله.. ناصر للحين ماتزوج واخته ام فهد آخر خبر سمعته انها جابت بيبي لكن الله يمهل ولايهمل بيجي يوم الله ياخذ لي حقي ممن ظلمني,, بنات سامحوني إذا فيه اخطاء املائيه أوأحرف مقلوبه ههه جدوالله تعبانه ماقدر أراجع واصحح الأخطاء واللي تسألني إذا هي حقيقيه ايه بس للأمانه غيرت بعدد الأفراد والأسامي وبعض الأماكن اشياء لابد أغير فيها أضطريت اغير فيها بس مومأثره على الواقع

الجزء الرابع والأخير صديقتي عندها أخت اكبر منها متزوجه وعندها اطفال وكانت تحضر الدكتوراه انسانه...