قصتي صعبة وبتمنا تنصحوني والكم الاجر والثواب

السلام عليكم من شوي قريت موضوع وحدة من الاخوات وهاد الي شجعني اكتب قصتي واستشيركم لعل وعسى اعرف شو بتصرف والاقي حل لحياتيأنا صبية عشت عمري من صغري وأمي قاسية علي وماحسستني لابحب ولا باهتمام وكرهتني لأن والدي سماني ع اسم والدته يعني جدتي كبرت و درست هندسة وتعرفت ع شب واتفقنا نتزوج ولكن الله شاء وتوفى الشب وفات بحالة حزن شديدة وصار عمري ٣٣ وما تزوجت هون صديقتي عرضت علي الزواج من اخوها مطلق هو وماعندو اطفال صديقتي هذه أنا بعرفها وعشت معها ايام الجامعة و بحبها هي واهلها فقبلت بالزواج رغم بيني وبينه ٢٠ سنة تعرفت عليه وقلت زلمة واعي وبيخاف الله فيني وتزوجنا **** بعد الزواج بشهر اكتشفت من محادثاته ع جوال انو مو مطلق ولا جايب سيرة الطلاق لمرتو قال مهرها عالي لهيك ما بدو يطلقها بس انو كرهانها ومستحيل يرجعها قال هي ما خلفت وكمان بتسحر ،رضيت انا بالواقع وسكتت وكملت حياتي بعد سنة وماصار حمل وصاروا اهلو يعملو مشاكل اختو تسمعني كلام وامو طبعا أن صرت روح دكاترة وخبرهن كل شي بالتفصيل لأن معتبرتن أهل وجوزي يخبئ تحاليله عني بأمر من امو ،قعدت عند اهلي أقل من شهر اسمعوني كتير كلام حتا ابوه نفر مني وقال انقلعي وماعرفت ليش
بعد فترة اتضح انو اختو لأنها مرضت قال أنا الي سحرتلها لتمرض وانا ورحمة ابوي ما فكرت حتا تفكير انو اعملها شي بس هي مو متزوجة وقاعدة بالبيت وصارت تغار
خلافات ومشاكل و دائما يعبو براس ابنن ضدي
حتا انو صار يتطاول ويسب و دائما بقلي رح طلقك
أنا بيت اهلي صغير جدا لان طلعت من بيتنا بسبب المشاكل بسوريا
ومجتمعنا كتير بيحكي ع المطلقة
محتارة ظل ذليلة واسمع بهدلة وسب جوزي عليي والا اختار كرامتي والله العظيم ماعم حاول العب دور الضحية ولكن هالجماعة كتير اذوني نفسيا و لفظيا والله شاهد وعم يحرضو ابنن ضدي وبحسو بيكرهني عالرغم هو كان مع زوجته الأولى كتير منيح ولكن معي بخيل و ما بيصرف علي و مصاريه عند والدتو وهي رافضة تعطيه مشان نبدا بطفل انبوب والي سنتين ونص ع هالحالة
مشان الله نصحوني