قصتي طويله\ام زوجي علمتني انها انانيه بتصرفها/فهمت ان تجري لمصلحة ابنها وانا الضحيه😭

لإول مره تكلمني امه بهذه الطريقه شعرت انها فقدت الامل بإبنها(زوجي)وتريدني ان ابقى على ذمة لراحته فقط قالت لي كلام ابكاني اكثر شعرت اني رخيصه عندها ولاتحبني مثل بناتها نعم انها ام زوجي/سالتني عن صحة ابنها(زوجي)من ناحيه الانجاب اخبرتها لا جديد...قالت كلام لم اعهده منها ساكمل بالعامي فماساكتبه ترفضه اللغه العربيه الفصحى😢
قالت يمكن ربي مامنع عنكم الخلفه الا لخير✔️صح ولكن ماكانوا يقولوا كدا كانوا يحاولوا اتطلق وكل مره يرفعوا ضغطي بالحمل والله يابنات راسي مليان شيب منهم ويرسلوا صور عيالهم لزوجي عشان يعلقوا بالصغار ويرسلوا لي بالواتس صور عيالهم يعني مافي تواصل بالواتس نهائي الا يرسلون صور فقط
طبعا لاعتقادهم ان الخلل من عندي وان ابنهم يخبي وباعتقادهم انه يحط العله فيه ويغطي عني
المهم لماسألت عن ولدها قلت ادعي لولدك ياخاله وقلت انا خايفه من المستقبل
اكون وحيده ماعندي طفل ينفعني بكبري قالت يابنتي اسمعي والله ماراح يجي منا الاذيه قلت انتوا اهلي ومايجي منكم الا كل خير
قالت وش تبغي بالعيال تحملي وتكبري ويمكن مايطلع زين ويعذبكم قلت والله ياخاله اني اتمنى على الاقل اعيش لحظات الامومه واعيش حالي حال الناس /قالت شوفي انا اعرف ان ولدي مبسوط منك(شي طبيعي بينسط ع وحده متحملته
وقالت وانا تهمني سعادة ابني😳قلت معليش وضحي/انا فاهمتها بس مصدومه قالت بما اني اعرف انه مرتاح والله معد نقولك كلمه الى ان نموت قلت ياخاله ان كنتي تقولي كدا عشان لا اترك ولدك فابشرك لو قالوا عقيم مابتركه(ابغى اقنعها اني لن اتركه وانا بصراحه افكر بالطلاق) قلت انا مابتركه لاني تعودت ع حياتي معه ولو انها ناقصه
قالت شوفي بناتي مو مرتاحات بالخلفه وتبغى توصل لي انهم ندمانين انجبوا وكلهم ماشاء الله يخلفوا وراء بعض الله يزيدهم
قلت بما انك تقنعيني ان الخلفه مو مهمه بسألك سؤال وجاوبي بصراحه قالت ابشري
قلت اسألك بالله لو كانت وحده من بناتك صابره ع زوجها مثل وضعي مع ابنك تتركينها معه او تقولي لها اتركيه وازوجك غيره وتلحقي تخلفي قالت لا والله ما اقولها قلت ماتفكري بمصلحة بنتك قالت والله مااقولها والله مااقولها اذا هي
مبسوطه معه تجلس بكيفها والله مااقولها والله مااقولها/ قلت انا متفائله بالانجاب رغم سوء حالة ابنك وشوي قالت شوفي فلان عنده عيال ومطلق زوجته قلت هذا نصيبهم قالت لا ماعنده زوجه زينه وعنده عيال وولدي عنده حرمه زينه
ويابنتي لاتفكرين بالحمل عيشوا حياتكم قلت شوفي انا بقولك كلام ماعمري قلته لك ويمكن ماتعرفي ولدك مايتمنى يعيش بدوني(كنت اتمنى اقولها صريحه لان فيه عله فرحان اني جالسه معه)
وقلت ردا ع الشخص اللي معه عيال ومطلق قلت اذا الزوجين متفاهين من دون العيال بتمشي حياتهم حتى بوجود الاطفال قالت ايييييه الحب اهم من العيال سكتتتتتتت والله يابنات اني افكر اتركه ابغى احمل المهم وشوي قالت شوفي بنتي فلانه متأخره بالحمل قلت لا مو متاخره قالت تسعه شهور قالت باقي ثلاثه شهور وتكمل سنه قلت ادي اول سنه قالت والله انها خايفه تتاخر اكثر 😳وقالت والله اني شايله همها بالخلفه/ شوي تقنعني ان العيال مو اساس الحياه والعيال تعب ويوم جات السالفه ع بنتها تغيرت العباره
قلت الله يرزقها ويرزقنا وما ابغى منك الا الدعاء لولدك فقط قالت والله اني امدحك عند خالك زوجها واقول له الحمد لله اللي رزق ولدي بزوجه طيبه
هي اذا عندها سالفه تنط ع طول عندي
انا ودي اني ماقلت لها ان ولدك لو كان عقيم ما راح اتركه وانا اصلا قلتها كذا وبنفسي افكر بالانفصال
وربي يابنات من قبل ماتفتح السالفه معي انا حاطه ببالي اترك زوجي
وسولفت معي بوجهه بشوش لاول مره من سبع سنوات
ارجوكم لا تقتبسوا كلامي نهائيا😘