بدايةً قصتي عجيبه وغريبه ومخيفه يا اخواتي ،طمنوني وريحو قلبي وعقلي
ارجو منكم مساعدتي،
جاني اتصال من رقم غريب من دوله عربيه ،رديت وتكلمت معي امرأه يبدو انها قطريه او عراقيه
قالت كلام فهمت منها انها تقدر تعمل سحر لأي شي يخطر في بالي، انا من باب المزاح والضحك رديت عليها بطقطقه( قلت تقدري تحببي زوجي فيني ويصير خاتم ف يدي)؟ ردت قالت :نعم
مع العلم انا غير مؤمنه بما تفعله، وعارفه انه حرام وكفر خارج عن المله
قفلت منها وانا اضحك على غبائها والظاهر انها حابه تسحبني بطريقه غير مباشره ،جتني واتس وارسلت لي انها قادره على فعل اي شي ،واني فقط ارسل صورتي وصورة زوجي، وهي تتكفل بالباقي،
ارسلت لها صوره لي قديمه وملامحي غير واضحه واسم وهمي وصوره زعمت انها ل زوجي وهي لشخص لا اعرفه تماماً
بعد ماوصلتها الصور قالت ادفعي ٣٢٠٠ ريال!!😰
قلت ليه على اي اساس؟ قالت حق الادوات من العطار لعمل السحر ،ومعك ١٠ دقايق اذا ماحولتي صورك راح انشرها على مواقع التواصل
انا ضحكت من سخافة عقلها وقلت لها بالحرف الواحد : روحي انشريها بيدك ورجلك ترا الصور مو لي وانا قاعده اطقطق عليك
قالت انتي تلعبين بالنار ،وكلام كثير
انا الان مو خايفه تنشر الصوره لانها اساسا مو واضحه تماما ومغبشه ،انا خايفه تسحرني
ب رايكم تقدر والا لا ؟ طمنوني تكفون لاتهاوشوني كله كان مزح وفضاوه وطقطقه وانقلب جد
ماعطيتها اي معلومات عني، لا اسمي ولا اسم امي ولا اسم زوجي ولا شي تماماً.
ارجوكم طمنوني انا في حال مايعلم فيه الا الله..💔💔

ام الزين- @am_alzyn_31
عضوة جديدة
يلزم عليك تسجيل الدخول أولًا لكتابة تعليق.



توكلي على الله وراح تشوفين كيف تنحل مشكلتك اهم شي تيقني ان الله قادر على امرك ولا عاد تفكرين في الموضوع وراح يجيك الفرج
الصفحة الأخيرة
استغفري ربك اولا وهذا اهم شي
ثانيا الزمي سورة البقرة كل لليله
لاتستطيعها البطله يعني السحرة
واذكارك ليل ونهار وعند النوم
وطنشيهااااااا