بسم الله الرحمن الرحيم
السلام علـــيكم ورحــمة الله وبركــاته
قصتي غير عن قصصكم
انا متزوجه من 10 سنوات
حملت بعد سنتين وجبت ولد بولاده قيصريه >>> الله يخليه ويحفظه
منعت الحمل لمدة 3 سنوات <<< مانع زوجي يعني ماحطيت لولب او تحاميل بس اللهم خذت مرتين حبوب منع الحمل بس قليل جدا يعني شي لايذكر
والحين لي 4 سنوات مامنع والحين الله ماكتب لي بالحمل <<< دعواتكم لي ولي جميع المومنات
في البدايه استبطيت قلت مادري شفيني
بعدها رحت مستوصف خاص عند دكتوره شاطره
سوت لي تحاليل وعطتني منشطات بس
واخذتها وبعدها حسيت علاجها مافيه فايده تركتها على طووول
من سنتين قررت ادخل عند اخصائي
الكل نصحني بدكاترت مستشفى الولاده والاطفال في الدمام
وقررت اروح هناك عندهم
سويت موعد وعطوني بعد شهرين :(
ولي سوء الحظ الله ماكتب اني اروح
قلت يمكن في صلاح لي اني ماروح
المهم
والزبده
رجعت لهم مره ثاني وسويت الموعد وحطيت في بالي الموعد <<< خفت انسى من طول المده
ودخلت على الدكتوره خذت مني كل البينات وخلتني اعمل تحليل كثير
وحللت وحلل زوجي
والنتايج كلها سليمه ولله الحمد والشكر
واليوم سويت اشعه سونار وقالت لي الاخصائيه ان مافي شي ولله الحمد
واذا جاتني الدوره باخذ موعد لي اشعة الصبغه واعملها قريب <<< ميته خوف منها يقولون تعور :06:
عندي حساس ان مافيني شي وهذا كلام الدكتوره ايضا مافي شي
طيب شسوي
شنو اخذ
والله تعبت ولدي تعب اكثر مني
ابــــــــــــــــــغي احمل باي طريقه
عطوني الحل الله يخليكم
سلمت امري الى الله وتوكلت عليه
وان شاء الله الكل يحمل يارب
:06:
رروامس @rroams
عضوة فعالة
يلزم عليك تسجيل الدخول أولًا لكتابة تعليق.
ووتين
•
الله يرزقك الذريه الصالحه
شي غريب كل الحريم يخافوا من الصبغة وهي زيها زي الكشف النسائي وماتعور الا اذا كانت الانابيب مسدودة او الي بيسويها مو شاطر اتوكلي على الله وخدي حبتين بنادول اكسترا قبلها
الصفحة الأخيرة