قصتي قبل الحمل في البحث عن ولد واراده الله فوق كل شي

راح احكي لكم قصتي انا ام لبنات الله يحفظهم ويخليهم لي

وكان نفسي اجيب لهم اخوا يكون سند لهم بالدنيا وقريت كثير عن الطرق والفسولات والحميه في انجاب الولد

وكنت ااجل الحمل لظروف ماعندي شغاله وظروف ثانيه

ويوم قررت احمل كنت احاول اعرف موعد التبويض وكنت اراقب التبويض مثلا الشهر هاذا احس ان التبويض جا باليوم 14
اقول خلاص الشهر الجاي باليوم 14 يكون اول يوم تبويض يجي الشهر الجاي ومااحس باعراض تبويض

واقول الشهر اللي عقبه ولا احس باعراض تبويض لين طفش زوجي من القذف برا وقال شكلك ماراح تبيضي هالشهر

وكان اليوم 16 ونزل داخل علا اساس ماراح يصير حمل وثاني يوم حسيت باعراض تبويض وحسيت بافرازات التبويض
وقلت شكلي اتوهم ان شاء الله مو تبويض عشان الشهر الجاي احسب مظبوط للبويضه

ولاكن صار الحمل سبحان الله وقلت خلا ص الله رايد

وبعدها حلمت ان شعري طويل وقريت بالمنتدى ان اللي تحلم ان شعرها طويل تجيب بنت

وما انكر ان نفسيتي تعبت لان عندي نزول بالارحام وفرص الحمل تزيد من مشكلتي وتذكرون موضوعي لما عرفت ان عندي نزول
وخليتها على الله

وقررت مااكشف وشو نوع الجنين لاني متاكده انها بنت

بس قعدت احاول اطبق طرق معرفه الجنين اللي كتبوها البنات

ومنها 1-التحليل حق الحمل طلع واحد فاتح و واحد غامق يعني ولد
2-انفتحت شهيتي للاكل معناه ولد
3-صدري انتفخ من قبل حتى مااحلل يعني بنت
4-بطني كان فوق يعني بنت
5-الشعر خف بجسم يعني بنت
6- كنت ثقيله يعني بنت
7- الحركه بطيئه وما حسيت فيها الا بالشهر 5 يعني بنت
8-اما الملح والبول ماجربتها قلت حرام احط النجاسه على النعمه وماجربتها
9-الجدول الصيني ماحاولت افتحه لانه نفس التنجيم وحرام
10-السلسله ماجربتها لاني قريت ان لها علاقه بالجن وقلت الله الغني عن هالطريقه
11- الشعير والقمح ماجربتها قلت حرام احط البول على النعمه
12-تجربه التحليل اللي في الشهر السابع انك تسوين تحليل حمل في الشهر السابع اذا طلع واحد فاتح والثاني غامق
يعني ولد واذا الاثنين غامقين بنت وجربتها وطلع واحد فاتح وواحد غامق يعني ولد قلت يمكن خرطي هالطريقه انا متاكده انها بنت
13-ورق تباع الشمس مالقيت الا اللون الاصفر وجربته وطلع لونه اخضر والبنت كاتبه ياازرق ياوردي رحت ونفس الورق حطيته بخل وطلع لونه احمر مو اخضر قلت يمكن ولد بس قلت لا وش دخل البول بنوع الجنين

تعبت من التفكير وكل ليله ادعي اني اشوف رؤيه اعرف نوع الجنين بس ابي اتاكد مع اني حاسه انها:04:
والله على مااقول شهيد ماعمري دعيت ان اللي ببطني يكون ولد قلت الله يكتب لي اللي فيه الخيره وبديت احب البنت اللي ببطني ودورت لها اسم

وبالشهر الثامن قررت اكشف عشان اتاكد لاني 99% متاكده انها بنت وشايله كل احتمال انه ولد وقانعه بقسمه ربي لي

وكانت الدكتوره تقول زمنكم عرفتو نوعه علا اساس اني بنص الثامن قلت لا




وقالت






ولد زوجي مااستوعب سكت ماعلق قلت لها اكيد قالت اكيد طار زوجي من الفرح





وحمدت ربي وصليت شكر لكرم ربي معي


وقنعت ان كل طرق تحديد نوع الجنين خرطي اذا الله مااراد


فالايمان بالله والدعاء هما اصدق الوسائل لنيل الحاجه من الله سبحانه

والله يرزق كل محروم ويقومني انا وجنيني بالسلامه ادعوا لي اخواتي بولاده سهله وجنين سليم معافى
واسفه اني طولت عليكم

تقبلوا تحياتي واعذروني على الاطاله