قصتي قصه وحالتي حاله .......الموضوع غريب لا تستغربون؟

في البدايه بسم الله الرحمن الرحيم
اعرض لكم قصه اختي المسكينه ...نعم تستحق كلمه مسكينه
اختي تزوجت قبل سنتين من رجل ملتزم من مظهره متزوج وعنده 6 اولاد خمس بنات وولد واحد
اخلاقه واسلوبه مرره في القمه معااها عاشت معاه في بدايه زواجهم في نفس بيت زوجته تقريبا تقدرون تقولون في ملاحق في الحوش غرفتين وبينهم دوره ميااه لان زوجته ماهي راضيه فيها وانواع الهواش هي وياها لا وعياله مأذينها اذى اللهم يااكافي وهي ساكته ومتحمله ولا تقول لزوجها شي مااوده تضيق صدره مع العلم انه حالته المااديه عاليه فهو ضاابط كبير وكان يأملها المسكينه في بيت لحالها وتستقل لحالها وبعد منفذ صبرها المسكينه ركبت راسها وجلست في بيت اهلي وقالتله اذا تبغاني من جد حطني في بيت بروحي؟
وبعد خمس شهور اخذ بيت جنب بيت عياله الجدار بالجدار بس وش ذاك البيت خلق وفرق بين بيتها وبيت عياله مااخذ بيت بيسكتها بس وهي رضت لانه يقولها ابرمم في البيت واشتغل فيه وهي بنت اصل وتقدر الحياه الزوجيه صبرت وتحملت
وعاشت في ذا البيت حدود السنه بدون اثاث يفتح النفس لا وازيدكم من الشعر بيت هي اللي مأثثته بعد متسلفه علشان البيت
ومشت امورها الى ان قدم على سكن الضباط وافقو عليه وسكنت فيه على الاقل ارحم من البيت الاول لكن المشكله يوم ابعدت عنه بدأت الشكوك في اصغر شي وهو في باله انه بيتخلص منها بس مالقى حجه عليها ولا عذر وكانت وراء السالفه هذي امه الله يحفظها راحت لهم في جده وجلست شهر عندهم لا يحاكونها ولا يكلمونها متضامنين مع الزوجه الاولى ويخافون منها
وامه قامت تحرض فيه طلقها طلقها !!! وهو مو عاارف وش يسوي دلوعه ماما خاايف من امه ولا يرفضلها طلب لو تقوله صلي جنوب صلى
والفاجعه الكبيره والصدمه العظمى يوم عرف انها حاامل ؟؟؟؟

توقعوا وش سوى؟؟؟

طلب منها انها تنزله وخيرها بين الولد وبينه
واختي المسكينه كاان رأيها سديد قالتله ابيكم كلكم واذا اجبرتني ابي الولد وتضايقت من الموضوع وزعلت وجلست شهر بيت اهلي وكان يكلمها وهو متندم انه قال الكلام هذا بس ماادري وش نيته؟
وراحت لبيتها يوم ومن بكرى رجعها يقول بساافر عندي شغل واكتشفت بعد اسبوع يرسل ورقه طلاقها مع اغراضها وملابسها تخيلوا المجرم وش سوى لاذمه ولا ضمير!!
بعد ماساله ابوي وش السالفه طلع فها عيوب الدنيا الى درجه انه يقوول ان الولد اللي في بطنها مو مني ؟؟تخيلوا مجرررررررم

اختي انصدمت من هوول الموقف الللي صاار منه ولا توقعت ان كل هذا يطلع منه
مااغير بلسانها حسبي الله ونعم الوكيل
كلمها بعد مااصاار اللي صاار وجااب ورقتها متحسف على اللي سوااه ويتصنع البكااااء وانه ماانام الليل من التفكير
ومرت الشهور وولدت اختي وجاابت ولد وش حلاته وراح لها زوجها في المستشفى وتحمدلله على سلامتها وسلامه الولد وطلع على ذيك الطلعه الولد الحين عمره ثلاث شهوور لا شافه ولا سأل عنه ولا حتى مصررروف للولد متبري منه خير شر

بصراحه احس اني طولت عليكم بس هذي الحقيقه تغتر الوحده بالرجاال انه ملتزم وهو ماايخااف الله

وش رايكم بالموضووع والله مسكينه هي وولدها حسبي الله على من كان السبب