قصتي كاامله

السلام عليكم
بنات مشكلتي هي العين
نعم العين وهي مذكوره في القران وجميعنا نؤمن بها
معليه بتكلم بالعاميه حتى اقدر افهمك
انا متزوجه من ثلاث سنوات ولم انجب ل اسباب ليست معلومه في البدايه قالو كل شي سليم الحمدلله بس احيانا ينزل هرمون الحليب وعادي يرتفع من التفكير وبعد سنه تقريبا رحت مركز الحبيب من كثر الالحاح من الاقارب ومدحه تخيلو قالو عندي لحميه في الرحم ولازم تنشال وهي سبب منع الحمل وتكلف 4 الاف اوكي قررت اسوي العمليه لكن قدر الله ان يكون عندي فقر دم حاااد ولازم قبل العمليه اخذ ابر الحديد في اي مستوصف حتى اخذه عن طريق محلول رحت لمستوصف قريب من بيتي ومن سوء حظي او حسن حظي الله اعلم كان هناك طبيبة نساء وولاده وانا على السرير جلست تسولف معي وحكيت لها قصتي قالت لا يهمونك كذا المستشفيات يكبرون الموضوع يمكن تكون صغيره وما يحتاج كل هالضجه وش رايك اشوف لك الرحم عن طريق السونار يمكن تكون صغيره وتروح بالكحت قلت شورك وهداية الله شافتها قالت شفتي والله صغيررررره مره ماتسوى انا بسويلك عمليه في المستشفى اللي بجنبنا بالافين وهي عمليه تنظيف بس يعني كحت وبتروح ان شاء الله سالت زوجي قال براحتك انا بالنسبه لي كنت مشتته وما تهمني الفلوس بس كلمت عمليه تروع وعمليه عن عمليه تفرق وافقت حدد يوم العمليه اول يوم تنزل فيه الدوره سويت العمليه ونفسيه ما ادري حاسه ان العمليه خرابيط قلت خل اروح لمستشفى حكومي اتأكد منهم رحت لمستشفى العسكري سوى لي سونار تخيلو قالو فيه حاجز قاسم الرحم نصين بس مو كل ويمكن هو سبب منع الحمل قالت الدكتوره فيه زائر من برى بحطك عليه علشان يشيلها لك قلت اوكي دخلت المستشفى تنومت لبست لبس العمليه انتظر ياخذوني للعمليه شوي والا كل شوي داخل علي دكتور او دكتوره يقولون من قالك ادخلي من اللي قرر لك العمليه الزائر عنده زحمه وخلص وراح طيب والحل قالو ابد بنسوي عمليه استكشافيه مدامك نومتي ونتاكد ان الرحم من برى مافيه شي لا يكون رحم ذو عنقين اوكي سوى لي منظار من عند السره وطلعت قالو الرحم مافيه شي من برى قلت اوكي الحمدلله قالو عندنا دكتور ممتاز هو الوحيد اللي يقدر يشيلك الحاجز بنحجزلك عليه اوكي رحت للدكتور قرر العمليه وحددت في يوم رحت تنومت سوو لي تحليل دم وبعدين قالو لا ما نقدر نسوي لك عمليه عندك فقر دم حاااد لاحول وش الحل بنعطيك فيتامينات وبعد شهر نسويها اوكي طلعت بعد شهر جاء مو عد العمليه دخلوني العمليات طلعت من العمليه من بكره جايني الدكتور يقول تصدقين مالقينا فيك شي مافيه حاجز وسوينا لك اشعة الصبغه نتاكد مافيه شي عندك بس الانبوب الايمن متسكر بس ومايأثر على الحمل طيب يادكتور انتو سويتو اشعه واكدتو الموضوع قال لا يمكن غلط يا الله كل ها المرمطه وما فيه شي والحل قال مافيه حل عندك انوب سليم خلاص ورحمك مافيه شي بنعطيك منشطات راحت سنه على هالمنشطات وما صار حمل وما خليت مستشفى ما رحت لها وما خليت ممرخه مارحت لها اللي تقول رحمك مايل وعدلته واللي تقول مافيك شي والحمدلله مافيني شي جسدي مانع الحمل الان تذكرت موضوع الا وهو قبل زواجي بكم شهر نويت احج وحجزنا بس مو عد الدوره قريب قالت امي كلي من الحبوب اللي تمنع نزولها اكلتها يومين اليوم الثالث طبت كلمت صديقه لي قالت يو وووووووو اكيد اجل بتحملين من اول ليله شكل التبويض قوي عندك وما نفعت معه الحبوب انا ماقلت لها اذكري الله غابت عن بالي وهي ماذكرته ولا قدرت اقوله مره ثانيه خفت تزعل الان ما خليت طبيب مارحت له وماخليت ممرخه مارحت لها وقريت سورة البقره كل يوم والحمدلله اكثر الاستغفار بس شي واحد ماسويته الرقيه بسويها ان شاءالله بس الحين بسألكم كيف ابلغ صديقتي عن عينها ابيها تقراء علي ابي اخذ من غسالها بس ما قدرت مره خذت ورميته ماقدرت اشربه وش الحل ؟؟؟؟؟؟؟؟؟ اليوم جتني الدوره مع اني ماخذه كلوميد وابره تفجيريه وممرخه عند حرمه واكلت خلطه عيون وليد وكنت متأمله الحمل وتحطمت بس ربي كريم ...( ربي لاتذرني فردا وانت خير الوارثيين)