انصحك بذكرالله الابذكرالله تطمئن القلوب بسورة البقرة والاستغفار والله يصلح الاحوال اقرى سورة يس على ماءوخلى يشربها ان شاء الله يتحسن حالواالله يعينكم
الصفحة الأخيرة
و اقترح عليك التالي:
اتصلي على زوجك واساليه عن احواله بكل هدوء وروقان ، ثم اسأليه عن اموره مع اولاده ، اذا قال لك افضل قولي الحمدلله ، واذا قال لك لا قولي ربي يصلح بينكم باذنه ، وقولي له لايقلق كثير لان اولاده كباروفاهمين الحياة لكن شي طبيعي انهم يحسوا بالغيرة انه في وحده بتاخذ مكان والدتهم واطلبي منه يتعامل معهم بهدوء ويمنحهم الوقت الكافي والصبر . وسولفي شي بسيط واقفلي الخط
اتصلي ثاني يوم وقولي له انك متضايقه كثير من الوضع اللي بينه وبين اولاده وانك تكرهين تكونين سبب في بعده عنهم وانكم لازم تعطون الاولاد فترة عشان يتكيفون فيها عالوضع عشان كذا تشوفين انه الافضل تبعدون عن بعض شوي لين تهدى الامور ، لكن قولي له راح اشتاق لك واحاتيك واحب اتطمن عليك من وقت لوقت بالتلفون ورغم ان هالشي بيكون صعب علي كثير لكن اولادك اهم الحين .
اتصلي عليه كل يوم او يومين في الوقت اللي تعرفي انه مو منشغل فيه ، اما وقت نومه او لما مايكونوا اولاده بالبيت.
سولفي معه بهدوء ونعومة وبشاشة ، اساليه عن احواله وعن اموره مع اولاده لكن بشكل عام فقط . لاتساليه عن اي تفاصيييل الا اذا حكى لك من نفسه. واقضي باقي الوقت تحكين له وش سويتي (هالفترة استغليها تقرئين كتب،تتصفحين الانترنت، تهتمين بجسمك وجمالك ، حاولي تريحين نفسيتك لان الشخص السعيد يعكس سعادته على غيره ويخليهم يحسون بالراحة قربه ) ، قولي له عن كتاب قريتيه ، او قصة رومانسية حبيتيها ، كوني له صديقة وتكلمي معه بطلاقة وعفوية وانتبببببببببببببببببهي تشتكين لان اللي عنده مكفيه ومو محتاج ضغوط اضافية .
بكذا راح يحس:
انك انسانه هادية وعاقلة
تهمك راحته
يهمك اولاده وعلاقته معهم
راح يشتاق يكلمك ويسولف معك لانك بتعطينه احساس بالسعادة وتخلينه يشتاق لهدوءك ورقتك ونعومتك وتخلينه غصب عنه يقارن بينك وبين زوجته اللي كانت مهملته وسببت له مشاكل بعدين
وبالنهاية ربي يسهل لك اللي فيه الخير ويرزقك الرضى والقناعة باللي كتبه لك يارب