اللي طلبو قصتي..
انا متزوجه من 9 سنوات تقربا...قبل الزواج ملكه لفتره طويله فهمت زوجي وفهمني... نحب بعض مووووووووووت...
حياته سابقا قبل الزواج .. شاب لعاب صايع... له معاصي كثيره..طبعا ما عرفت الا بعد الزواج... تزوجنا وربي هداه.. التزم..وصار مؤذن وإمام لمسجد صغير قريب من منزلنا... يخاف الله يقدرني ويقدر اهله..يحترم كل الناس ... من ناحية الدين ما أقدر اوصفلكم.. صلاه ..محاضرات ..صدقه... كفالة ايتام... مع العلم انا ناس على قد حالنا... الله رزقنا عيال.. وحياة هادئه مستقره... قبل 3 سنوات..انتقل لعمله رجل سيئ الأخلاق..كان زوجي يحتقره ويتضايق منه ..لأنه لا يحترم زوجته ويضربها ويحكي لهم عنها...كما انه سيئ في تعامله ..يجاهر بمعاصيه......بعد مرور وقت طويل اصبح على علاقه جيده مع زوجي...حاولت ابعده عنه لكن قال يبغى ينصحه ويساعده انه يبعد عن المعاصي...
هذاك سايره ..وفي الأخير قال عندي شريحه برقم مميز أبغاك تاخذها ...عليها مكالمات من بنات (خوياته).. وانت ملتزم ما أخاف عليك ما راح تعطيهم وجه لحد ما يبعدون...طبعا زوجي صريح معاي قال لي..وصارت مشااااااكل لها أول مالها آخر...وعلشان يريحني كان يرد عليهم قدامي ولا يعطيهم وجه....بعد فتره تغير... عرفت منه انهم جابو النت للعمل... عندهم جهاز وبواسطة صديقه هذا دخلو الأنترنت... ومن هنا عرف زوجي الشات والماسنجر والعلاقات..
جاب جهاز للبيت...وصار يدخل الشات.. انا ما كنت اعرف واثقه فيه ..ولا كان يخطر على بالي....
ومع الوقت بديت اعرف كثير أشياء..انه يدخل شات ..وانه عنده ايميل ثاني... ورجع يسمع اغاني...ويكلم بنات... انا ما وجهته بكل هالاشياء ... المكالمات يا كثر مشاكلنا عليها ويقول اكلم اخواياي انتي شكاكه...... والاغاني هو مخبي الاشرطه في السياره بس بالصدفه شفتها ولا ناقشته... الايميل الثاني اراقبه من بعيد لبعيد...لاني مليت من المشاكل .. وصار عندي تبلد... تعبت...
وبعدين اي شي اواجهه فيه ينكره.. لحيته قصرها...
بس هو مو سيئ معاي بصراحه.. يحبني ويقدرني ويستشيرني.. وطلباتي أوامر..اذا عنده فلوس ما يقصر ابدا...اذا كنت عنده ما يدخل شات او شي غلط...
محافظ على الصلاه وهذا اللي معطيني أمل...صح أهمل الأذان بس الصلاه يهتم فيها كثير... تعامله مع اهله ومع الناس رائع... عمله مهتم فيه.... اتمنى احديساعدني.. ويعطيني حل يرجع مثل قبل..ابيه يتواصل مع شيوخ بس ما اعرف احد..
ادعوا له بالهدايه..
الله يسخره لي ويبعده عن الحرام...
الله يسعدكم جميعا وما قصرتم انتم اكثر من خواتي..والله ما احد يعرف بمشاكلي.. بس محادثته الاخيره جننتني... وحكيت لكم... وما قصرتم... الله لا يحرمني منكم..ويجزاكم عني الف خير...
واللي عندها حل ... لا تبخل علي..
ننو.. @nno_4
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
كملي حبيبتي