قصتي لتتذكروا نعم الله على كل وحده

السلام عليكم
اخواتي العزيزات ماكتبت لكم الا لأني وجدتكم نعم الأخوات فقط اسمعولي وادعولي .
انا متزوجة من 6 سنين زوجي الحمدالله على قدحاله واحنا من الناس اللي مولودين وعشنا في هدي البلد سبحان الله ماتوقعت يوم اني اترك هذي البلد بهذي الطريقة المهم بعد زاواجي بسنة واثناء نفاسي بولدي الأول كنت عند اهلي وزوجي جاي من الجنوب بحكم عمله عشان يشوف ولده اتمسك ومعاه 4 حبات كبتاجون متعاطي يعني. المهم كلنا انفجعنا لاننا عمرنا ماعرفنا لا شرطه ولا محاكم وهو كمان اللي وقعه اصحاب السوء الحمدالله على كل حال لاني مالحظت عليه اي شي غلط ويصلي. وتوالت الكربات انفصل من عمله انظلم من الناس اللي اعطاهم فلوسه, بعدين اتحاكم وحكم عليه السجن 4شهور والجلد كله هدا واحنا راضين بس الطامة الكبرى كان الإبعاد واحنا مانعرف مكان غير دي البلد واهله واهلي هنا. زوجي مانفد الحكم خمس سنين يخاف من الإبعاد واولاده وانا .حاول بكل الطرق عشان العفو بس مستحيل واحنا توجهنا لرب العالمين بالدعاء ولكن جينا فترة فترنا وقصرنا وسبحانه العالم فقبل شهرين تم القبض عليه واحنا بصراحه تعبنا الانه الأولاد من دون اوراق والحال يعلم به رب العالمين وهنا داومت على قيام الليل لعسى ربي يفرجها وزوجي ايضا وهو في السجن قدمنا على استرحام وضع في الأرشيف هنا علمت بأن رب مو مقدر لي اني اعيش في هدي البلد وكاتب لنا في مكان اخر وزوجي الأن في الترحيل وانا الحمدالله لم ايأس من رحمة الله ورب ماراح يخيب رجائي دعواتكم لنا انه رب يسهلها اينما كنا وكل وحده عندها نعمة الأمن تشكر ربها ليل ونهار تحياتي للجميع