السلام عليكم اخياتي وكيف حالكم
هذي قصتي كتبتها لكم للعظه والعبره
وان الله مع العبد اذا العبد توكل عليه
حنا كل سنه في العيد سنه علينا وسنه على بيت عمي
هذي السنه علينا انا واهلي واخواتي
المهم من دخل رمضان وانا ادعي
ان ربي يجعل عيدنا عيد مسره وسرور
والحمدلله فساتينا انا وبناتي قمه في الجمال
وشعورنا وكل شي
ربي ميسره
رحت للحلويات وشريت الذ انواع الحلويات وكل شي من فضل الله اكمل وجه
نجي للمقهوجيه انا حاجزتها اول رمضان
وسبق وجربناها
وعجبت الكل
المهم اتصلت عليها عصر العيد وقالت كل شي تمام
والبنات راحو للاستراحه
انا الحمدلله كنت عند الكوفيره لان عيدنا مره كبير
سويت تسريحه ومكياج وكل شي على مايرام
بس بعد صلاه العشاء اتصلت على الااستراحه قالو اهلي ترى المقهوجيه ماجت وحده من خواتي سكها راسها ومن الهم وجعتها عيونها وبدت تحمر من العصبيه
انا انفجعت بغيت انجلط
هي تقول من العصر وهم فيه والحين حنا العشاء
ولاجاء احد
ياربيه وش السوات
من فضل الله اخواني جابين مقهوجي للرجال
يعني ماشلت همهم بس شايله هم
الحريم الي بيجون
المهم خلصت انا وعيالي ورحنا للاستراحه
دخلت ماشفت شي من الهم الي انا فيه
والله اني سلمت على ناس وتركت ناس من الهم
الي فيني شوي واصيح مثل الطفل خفت وضاق صدري ياربي وش بنسوي بنتفشل مع خلق الله ضاقت بي الدنيا بما رحبت
واتصلت على المقهوجيه مايقارب 15مره
ولااحد يرد
عرفت ان الله يبي يسمع التجائي
سكت وبدات اسغفر واقول حسبي الله عليه توكلت وهو رب العرش العظيم يمكن ميه مره
واكثرت من قول لاحول ولاقوه الابالله
ولااحاكي احد ومهديه من نفسي
وواثقه انها بتجي
شوي يابنات الاجوالي يدق سواقه المقهوجيه يقول
وين الوصف حنا قريبين
تقربيا الساعه عشر ونص
المهم دخلت ونص الاغراض ناسيتها من شاهي وفحم ونعناع واهم شي كبريت لكن ربي فرجها بوجود المقهوجي ناخذ منه الي ناقصنا والله يااخواتي اني طلبت جمر عشان ندخن الحريم قبل العشاء
ولقيته جاهز على طول جاني وجلس ساعتين مارمد كلشي مر مثل البرق والله يابنات وكل شي حلو
القهوه حلوه والشاي حلو
وكل الي حضر يشكر في عيدنا ويسئل عن حلاو العيد وكل تقهوى والكل انبسط عرفت ان الله سبحانه كريم عظيم مايرد عبده اذا التجىء اليه
حبيت انقل لكم يااخواتي كيف ربي يفرج هم من يلجاء اليه
والله عند حسن ظن عبده به وش رايكم
ترى على فكره مااحد يدري عن شي من الي حضر سكتنا وخليناها ذكرى حلوه
غمامه @ghmamh
محررة فضية
يلزم عليك تسجيل الدخول أولًا لكتابة تعليق.
agym
•
الحمد لله اللي مضت وزي ما قلتي ذكرى تتذكرونها
الصفحة الأخيرة