السلام عليكم
هذي اول مشاركة لي بهالقسم اتمنى تستفيدو منها
انا قبل 3سنوات حملت و ما كنت ابي الحمل
و حاولت انزله بكل االطرق اللي تخطر في بالك
جاء الشهر الثالث و انا احاول الين يأست وقلت خلاص
الله يعين
طبعا اكيد بتسألون ليه تبين تنزلين الجنين؟
كنت ابي انزله لان ولدي كان توه صغير عمر سنة و4 اشهر :04:
وانا بعد كنت صغيرة مرررررة الاول حملت فيه و عمري 16 والثاني 18<< وطبعا محد جبرني انا تزوجت من كيفي:hahaha:
وكانت اول سنة لي بالكلية و اول سنة اروح منطقة بعيدة عن اهلي وكل الظروف تقول نزليه
المهم بعد الشهر السادس تعلقت في الجنين مررة
لانو كان بنت و جهزت كل شي وردي وموف وكنت فرحانه
وقدر الله في شهر رمضان و جاء وقت الولادة وكان عندي الم من المغرب وبطني احس انه راح جهة اليسار يعني متجمع بجهة وحدة ويعورني الين الصبح و انا اتألم
ومارحت المسشفى حتى شفت نقط دم مثل ما قالت لي الاستشارية االله لا يسامحها لاني جيتها قبل بكم يوم لانو نزلت عليه شوية مويه قالت لا لما ينزل لك دم او مويه كثير تعالي
ويوم شفت الدم صحيت امي <<كانت نايمه الله يخليها و قلت لها وقامت سوت لي كوب قرفة وشربته وانا بالسيارة
و لما وصلت هناك دخلوني غرفة الكشف
وسوت لي الممرضة كشف لنبضات الجنين و ما طلع صوت وبعد شوي جابت جهاز اكبر منه و نفس الشي
ما فيه نبض
قلت لها يعني الجنين ميت :16:
قالت لا يمكن نبضه ضعيف لانو لو كان ميت ما راح اشوف حركة الالم و انا اشوف ان عندك حركة الم
وراحت جابت دكتورة هندية
وجابت اشعة السونار وقعدو يتناقشون الممرضات الدكتورة وجابو الاستشارية و هي في بيتها سوو لها استدعاء لانها هي اللي اراجع عندها و اخر مرة جيتها قبل الولادة ب 5 ايام و كان طبيعي
المهم وفهمت من كلامهم انو ممكن يكون ميت بس كيف وعندها حركة الم
و قالو لازم نتاكد نوديها لغرفة العيادة
و العيادة كان فيها دكتور مصري مناوب
ويودوني على الكرسي المتحرك للعيادة
وانا شوي واموت لاني حاسة بالنونو بيطلع واقولهم اكشفو عليه شوفو بأولد او لا قالو لازم نشوف النبض اول بعدين الكشف الموضعي
وووصلنا العيادة و اول ما وقفت عشان اطلع على كرسي الكشف حق الاشعة نزلت مني مويه كثير مع دم ,,اكرمكم الله
وبعدها حنت عليه الدكتورة اخيرا و كشفت عليه لقيت الرحم مفتوح 7 سم
و جا الدكتور وسوا لي اشعة ولقي الحبل السري ملتف على بعضه مو على النونو
يقول الطفل له كم يوم يلف ويدور على مخرج بس الحبل التف و معد وصله الغذا و انو ميت من 4 ايام
و كانت الغرفة مليانه الدكتور المصري ةوممرضاته والاستشارية و ممرضاتها وعاملات النظافة ب الاضافة الى امي وزوجي واختي الصغيرة <<قناة العربية :06:مع الحدث حتى بولادتي موجودة ما شاء الله
المهم وما ننسى المراجعات اللي بالعيادة كلهم سمعوني وشاركوني ولادتي
وو ركبوني على الكرسي المتحرك وانا منتهية ورجعوني لغرفة الولادة و على طول ولدت وحسيت بكل لحظة من الولادة و جبت بنت
لكن طلعت ميتة وكل الموجودين مستغربين اني ولدت طبيعي لان الجنين الميت ما يساعد امه في الولادة
ااااااااااااااااااااااسفة جدا على الاطالة بس حبيتكم تشوفون تجربتي و تستفيدو منها و ترضون ب القضاء و القدر
وادعولي ربي يعوضني بتوام بنات ويخليلي ولدي
واتخرج بمعدل حلو
بااااي حبيبات قلبي:35:
يلزم عليك تسجيل الدخول أولًا لكتابة تعليق.
الصفحة الأخيرة
ماحب هالحركه اللي تحاول تنزل النونو خلاص الحمد لله على قضاء الله وقدره اتحملي وجيبيه وبعدها خذي مانع اما اني احاول انزله الله لا يعاقبنا على سوء افعالنا
الحمد لله ربي يرزقك بتوم بنات يااارب