بسم الله الرحمن الرحيم
اليوم شكله مافي نوم
بسم الله الذي لايضر مع اسمه شيء في الارض ولا في السمااء وهو السميع العليم

الي تشوف كذا فيها هي مرض روحي

بنات فيه ناس يشوفوهم ...واناا شفتهم وكنت اول مره بس على هيئة غنمه ...لان الحوش كان فيه اول غنم وصارت تتحول مثلهاا ...وترى الحوش وراء عمارتناا ...بنات ماابغى اخوفكم ...بس هم اذا تحصنتي منهم ربك يحميكي ...

ايه انا من العيون الكشاافه
من كنت صغيره كنت اخااف منهم بسبب القصص اللي نسمعها وكنا نروح لديرتنا واجدادي
ساكنين بيوتهم بوسط مزارعهم وشكل النخيل في الليل مرررررررررعب
في يوم كنت بالمتوسط وكان بيتنا بالرياض في حي جديد البيوت متباعده واكثره اراضي بيضاء وكان الوقت قبول شتاء
ماكنا نشغل المكيفات نكتفي بالشباك مفتوح وخلاص
وبليله كنت تعباانه عندي حساسيه بالانف وكل شوي اقووم واطلع الحمام وانتم بكرامه استنشق مويه من المغسله
ابي العطس يخف علي كانت الساعه مابين 2-3 قبل الفجر.. وانا داخله الغرفه وكانت مظلمه الا لمبات الشارع اقدر اشوف وش فيه .. طالعت في الشباك
واشوف الشارع المقابل لبيتنا وكان فيه شيء ابيض وطووووووووويل كانه نخله من طوله وكان يمشي بسرعه عجيبه
ورب البيت انه قاطع الشارع كله وانا من الخووووووف تسمرت .. ماصدقت اوصل سريري واغطي نفسي بالبطانيه
والله الى الان اتصور الموقف مانسيته وهذيك الليله رحت المدرسه مواصله من الرعب وحرمت اشووف الشباك
وهو مفتوح بالليل

الا قد سمعت فيه ناس يشوفونهم واذكر وحدة تقول امها ماتخليهم يلعبون في السطوح اذا جا المغرب تنزلهم ويقولون ليش ماتعلمهم وبعدين عرفو انها كانت تشوفهم وتنزل عيالها
انا قد حصلي مواقف في بيت كنا فيه نشك انه مسكون جا الصباح واحد على هيئة ابوي يقومني للمدرسة الساعة ست ويدقني بيده وساكت واقول طيب واغمض عيوني بعدين استغربت ان ابوي ساكت مايتكلم وافتح عيوني واشوفه طالع من الغرفة ولابس ثوبه الرمادي واروح الحقه وادخل غرفة ابوي ولقيته نايم ولابس قميص ابيض ورجعت سميت ونمت
ومرة ثانية على هيئة امي تقومني والحقها وادخل غرفتها لقتيها نايمة بعدين عرفت انهم بسم الله
ومرة ثالثة على شكل اخوي الصغير يدقني مع ركبتي يبغاني اقوم بس صار عندي خبررررة هههههه

واختي مرة في نفس البيت في رمضان وقت المغرب كانت نايمة فوق وتنزل لنا مصدومة تقول واحد يقومني على هيئة اخوي الكبير اللي كان في مدينة ثانية ذاك الوقت علشان تنزل تفطر