قصتي (مرعبه جدا)

السلام عليكم كيفكم اليوم كنت افكر اقولكم قصتي وكنت متردده بس توكلت ع ربنا وقلت لازم اقولك وربي يابنات اقسم بالله ربي يشهد ع كلامي كل حاجه حااكتبها حصلت لي بلحرف الواحد ومافيها اي معلومه كذب بسم الله راح ابدا
لما كان عمري 14 سنه كنت العب بسطح مع بنت اختي وكان سطحنا محد يدخلو مرا مهجور لدرجه مافيه انوار المهم كان في حمام مفتوح الباب حقه وغرفتين جنبو المهم شفنا بسه وجلسنا نجري وراها والبسه دخلت الحمام ولما جيت بدخل جات بنت اختي قالت لي خاله لاتدخلي جوا موكويس قلت لها انا مااخاف لان الجن موممكن يعملو لي حاجه دامني موخايفه منهم دخلت جوا ادور البسه مالقيتها وخرجت برا الحمام وقلت لهم مالقيت البسه ونزلنا للبيت دخلت غرفتي ونمت وكان الجو حراره وفتحت عيوني اقسم بالله يابنات مااكدب اني شفت حرمه طويله طويله مرا سودا موواضح منها حاجه اللهم انها تطالع بشباك وتطالع فيني انا انخرشت مادري شسوي احاول اقرا الاذكار نسيت كل شي غمضت وفتحت نفس الشي موجوده الحرمه ادور جوالي مالقيته دخلت تحت لحافي خايفه واعزز لنفسي انو لازم اخرج من غرفتي نقزت بسرعه وطلعت من غرفتي جري واشوف الساعه الا الساعه2 واجري لماما وابكي واضمها واحكي لها الي حصل ونمت عندها ومن هداك اليوم اشوف اشيااء غريبه مرات اشوف احد يجري من جنبي مرات احس احد يتنفس بوجهي مرات احس احد يناديني بصوت. عالي الحمام تطيح الاغراض بلارض حياتي كانت مكركبه فوق تحت كان نومي 2ساعتين مايكثر ابدا وكنت اتعب كثير الين جاء هداك اليوم وانا منسدحه بصاله ع تلفزيون وجااء اخويا قالي سارا فين سماعاتك قلت بغرفتي تلقاها وراح بسرعه لغرفتي انتظرت انه يعدي من صاله عشان يخرج يعني من البيت لانو كان جااي مستعجل ورحت اشوف ايش يسوي بغرفتي يمكن جالس يعبث فيها المهم رحت الغرفه مالقيت فيها احد وسماعاتي موموجوده واسال بابا عن اخوي قالي اخوك طالع من العصر للقنص وماجااء وانجلطت خفت وشوي ببكي من الخوف توترت بشكل موطبيعي ......
من اليوم تاني كنا مسافرين لطايف وسكنا ببيت شعبي بوسط مزرعه واول ماوصلت نمت وعدا يومين ع خير الين جاء الوقت الي اهلي بيطلعو لسوق وراحو وكان بابا بلغرفه تانيه بعيده عن قسم النسا لان البيت مقسوم نصين واحد لنساء وواحد لرجال المهم جيت بنام واتامل السقف لين انام وربي وربي نفس الحرمه شفتها وصرخت بقوه وجاني بابا يجري وضمني ويقرا علي وابكي بكا موطبيعي واحكي له اقول الحرمه شفتهاااااا نفسها هديك قالي اهدي مافي شي وبعد كم يوم نزلنا للمدينه وبابا جاب لي شيخ وقرا عليا يمكن 5 جلسات وربي يابنات فخوذي طلع فيها حرق وحراره بوسط قرايه الشيخ وبكيت عند الشيخ قال دا بدايه الشفاا ان شاااءالله والحمدالله الان بخير ونعمه بس قالي الشيخ مااطلع لسطح لاانه مهجور ويمكن يرجعو ياذوني