قصتي معاه وبدايه هم جديد

السلآم عليكم ورحمه الله وبركاته

اخباركم بنات

انا ضيفه جديده وسجلت ف المنتدى لسمعته الطيبه والناس العسل الي فيه

عندي مشكله حبيت اطرحها لكم وابي الحل لاني بجد تعباااااااااانه :(

مشكلتي بدأت من سنه تقريبااا

بقولكم قصتي من البدايه وياليت تقرونها وترشدوني

مره من المرات كتب ربي وسجلت في موقع لتعلم اللغات كنت متحمسه لتعلم اللغه الانجليزيه والفرنسيه

كنت ادخل الموقع كل يوم تعرفت على ناس من كل بلدان العالم وتعرفت على اجانب وعرفتهم على الاسلام

كانت نيتي الاولى قبل تعلم اللغه هي نشر ديني واعلاء كلمه الله وهذا حلمي من كنت صغيره

المهم مره من الليالي تكلمت مع واحد من دوله خليجيه كنت حاطه سؤال وجاوب علي هو

كان قمه ف الادب والاخلاق كان يرد على اسالتي وساعدني كثير وخاصه انه متخرج من نفس تخصصي وفادني كثير

مرت الايام والاسابيع والاشهر وحبني وحبيته حبينا بعض بجنوون لدرجه ان اهله كلهم يعرفوني طلبني لزواج

بس عاداتنا وتقاليدنا ماتسمح البنت لولد عمهاا انا الحين عمري 20 وهو 26 وصار لنا فتره طويله مع بعض وكل يوم

يطلب عنواني يبي يتقدم لي لاتقولون انه لاعاب ولا يكذب علي انا اعرف من الصادق ومن الكاذب مره تقدم لي ولد

عمتي وقلت له عن ولد عمتي وقلت له خلاص اذا الله كتب وتزوجته بترك النت نهائي لاني بكون لملك رجل وربي

ياخواتي انه بكاااا وقال انا بتزوجك وبسوي المستحيل عشان اهلك يرضون فيني المهم ابوي رفض ولد عمتي ورفض

كل الي تقدمو لي لانه يقول ماعندي بنات لزواج الا بعد مايكملون دراستهم وانا راضيه بقرار ابوي بسبب المشاكل الي

شفتها من حولي واتفقنا انا وهو نصبر لين ماخلص دراستي بعد اربع سنوات واهله يدرون بس احتمال موافقه اهلي عليه

ضعيفه وصارحته بالشي ذا قال معليه بصبر وبحاول المهم تكونين من نصيبي وانا ابيك على سنه الله ورسوله حبيته

بجنون تعلقت فيه لدرجه والله ياخواتي اعرف وش يبي يقول قبل لايتكلم كان لي العون وكان لي كل شي ساعدني ووقف

معاي ولا كان ينتظر مني كلمه شكر كان نكه في المنتديات مجنون ****** امه تعرفني وابوه اخوانه خالاته عماته

بنات خاله وعمه اخوه الي اكبر منه تزوج وكان المفروض يتزوج معاه بس رفض يقول مايبي الا انااااا صبرنا وصرنا

نحلم وش بنسوي بعد اربع سنوات بس صحينا من حلمنا على قرار ابوه انه يتزوج بعد ماقرر اخوه الصغيره انه يتزوج

وعنده بعاداتهم الكبير يتزوج عشان الصغير يقدر يتزوج ولا من سابع المستحيلات يتزوج الصغير والحين اجبروه

غصب عنه واخطبوا له بنت عمه ما ادري هل صارت الملكه ولالا انقطع عن النت فتره شهر ونص بعدها رجع كنت

اكلمه وهو ساكت قال انتي ماتستاهليني انا خاين سالته وعلمني حسيت بالدنيا تدور حولي حسيت اني اتنفس من فتحه ابره

قال والله العظيم ماني راضي بالزواج ولا ابي اظلم البنت معي بس اهلي جبروني وامي جبرتني وانا الحين مدري وش

اسوي فكر انه يهاجر يبتعد عن اهله بس قلت له هذا مو حل علموني يابنات وش اسوي قلت له وانا اكتم العبره قلت له

وانا احس بقلبي يذوب بداخلي الله يهنيك ويسعدك ومبروك وربي اتمنى له السعاده بس ماقدر اتخيل انه بيكون ملك غيري

وهو بعد يقول مقدر اعيش بدونك المشكله مايقدر يتقدم لي الحين لان مليون ف الميه ابوي بيرفض وووووووش اسوي

علموني يابنات وربي اني بهم مايعلمه الا الله ياليت تساعدوني ماعندي خوات اكبر مني :( ولا اقدر افتح الموضوع مع

امي ولا احد من اهلي فكرت اروح لابوي واقول له خلاص اذا جاك احد لاترده واتزوج بس عشان انساه مع العلم انه

مو من ديرتي ولا من قبيلتي وانا مجبروه اتزوج واحد من اهلي وكل الي حولي المراه عندهم بس عشان لعيال لا لها

قدر ولا حشيمه

انتظركم